2023-10 向波蘭出發 Day 6-3 舊猶太區卡齊米日區(Kazimierz)

19 Oct 2023 (Thu)

離開舒特拉工廠，我哋就去舊猶太區走走，《舒特拉的名單》有許多畫面是在這裡取景。今日天氣麻麻地，時不時都會落雨。我哋來到猶太廣場Jewish Square ，見到有唔少人參加walking tour，我就對這種Segway tour好有興趣。

老猶太會堂Old Synagogue是波蘭最古老的猶太會堂。

Plac Nowy

Plac Nowy 廣場，中央地標 Okrąglak以前係家禽的儀式屠宰場，現在是小食店，廣場上有各式各樣的攤販和餐廳。

Corpus christi Basilica 基督聖體聖殿

Schindler's List Passage的粉色建築物

舒特拉的名單其中一個最出名的場景就係Schindler's List Passage，這條樓梯其實在一棟粉色建築物裡面，我哋都找了一陣才找到這個地方。

在Schindler's List Passage附近見到有一間越南菜餐廳，我哋已經食了好多餐西餐，所以今晚就決定食越南菜。我哋叫了一個越南春捲拼盤，上菜時覺得好好笑，因為見到越南春卷係放在壽司船上面。

越南春卷係完全冇味道，春卷裡面主要係包住大量生菜，其實都有小量蝦和雞係裡面，但我哋只食到生菜。今餐就當做清清地食生菜，清下腸胃。 去歐洲旅行，我哋都好少食中餐，但基本上係波蘭係見唔到有中菜館。

Next:

Previous:   2023-10 向波蘭出發 Day 6-2 Schindler's Factory 舒特拉工廠