2024-05 挪威的森林之旅 Day 6-1 搭飛機去 斯塔萬格Stavanger

15.05.2025 (Wed) 

今日要離開Bergen ，出發到挪威第4大城市Stavanger 。由Bergen 到Stavanger, 可以搭巴士或者飛機，我哋就選擇了後者搭飛機。 其實搭巴士和飛機要用的時間都係差唔多，搭巴士要約4 – 5個鐘頭車程，而飛機只需約30分鐘機程，但就要計埋出入機場的時間，和要早2小時到機場check in。雖然坐飛機價錢比較貴(要計埋出入機場的車費)，但就比較舒服，人到中年唔係好想屈係㗎車到幾個鐘，所以最後都係揀搭飛機。 

我哋坐巴士(FB51)到Bergen 機場，Scandic Ørnen酒店對面已經係巴士站，所以食完早餐就慢步行到巴士站。朝早的巴士班次非常疏，我哋坐9.20am 的班次，下一班已經要等到10.30am， 雖然班機係12pm，但我哋一早就已經到達機場，機場離市區唔遠，只係大約30分鐘車程。 

北歐嘛！咩都要自己黎，自助check in，print boarding pass 和行李條碼，第一次要自已整個行李條碼再放上輸送帶，搞到我都有少少緊張。 機場地方唔大，我就飲柸咖啡等上機，波生就瞓覺休息。

挪威都有壽司便當賣。 

架機好細，所以一上完機就好快起飛，機程大約30分鐘，我都係第一次坐咁低飛的飛機，感覺好有趣。 

話咁快就到達Stavanger機場，又係坐巴士去市中心，車程約半個鐘就到達Scandic Stravanger Park酒店。 

Stavanger機場

機場巴士 Flybussen https://www.flybussen.no/ 

Bergen：FB51 - 票價 NOK 169 （2024年的價錢）

Stavanger：FB40 – 票價 NOK 158（2024年的價錢） 

SAS Flight : BGO→SVG (SK 4159): 12:00 – 12:35 (35m) 

HK$1,658 (2 tickets) 

 Next: 2024-05 挪威的森林之旅 Day 6-2 

Previous: 2024-05 挪威的森林之旅 Day 5-2 卑爾根 隨意慢步

2024-05 挪威的森林之旅 Day 5-2 卑爾根 隨意慢步

14.5.2024 (Tue) 

Bryggeloftet Restaurant

時間都唔早，係時候食午餐，又隨便選擇了一間餐廳，唯一要求係要坐裡面 ，因為出面太曬。Bryggeloftet Restaurant 環境唔錯，食物質素又幾好，波生仲試了Bergen Beer。 順帶一提，挪威的餐廳係大多數都有免費飲用水供應，雖然餐廳都係會expect 你要每人叫一柸飲品，但唔洗額外俾錢買水飲，令波生更鐘意挪威這個地方。 

這間有鹿肉同鯨魚肉漢堡包賣。

卑爾根魚市場 (Fisketorget i Bergen)裡的海鮮沒有很吸引，而且在Flam已經試過挪威蟹和蝦，所以行了一個圈就離開了。 

餘下來的時間，我哋到處隨意亂走，沒有行程，沒有壓力。 我都係今日先知道Helly Hansen原來係挪威品牌(孤陋寡聞的我，所以點解我要去多啲旅行，去旅行真係令我知多啲)，見到HH的衫價錢都幾抵，所以我同波生就買了幾件Tee。 行到攰攰地，就到一間coffee shop 休息下。 

Coffee Shop

天氣好，挪威人都好喜歡曬太陽。 

Bergen 有個城市公園，裡面的花好靚。 

今晚就到位於火車站裡的日本餐廳食晚餐，點了兩款壽司，雖然個樣就整的麻麻地，但味道都幾好喎。我發現只有三文魚係魚生 ，其他都是熟的。 壽司個樣就整得唔係太靚，但鬼佬整壽司係咁上下。 

有粒飯係件壽司上面!

價錢唔平！ NOK 860

Next: 2024-05 挪威的森林之旅 Day 6-1 搭飛機去 斯塔萬格Stavanger

Previous: 2024-05 挪威的森林之旅 Day 5-1 卑爾根 布呂根 Bryggen 挪威彩色木屋

2024-05 挪威的森林之旅 Day 5-1 卑爾根 布呂根 Bryggen 挪威彩色木屋

14.5.2024 (Tue) 

酒店（ Scandic Ørnen）的自助餐早餐好豐富，又有挪威三文魚供應，連埋在Flam酒店的自助早和晚餐都有三文魚，我這幾天日日都食挪威三文魚做早餐。 

食完個好豐富的早餐，就開始今日的Bergen 一天遊。先去Bergen最出名的postcard 打卡位影相，可以影到布呂根最前排十多棟的彩色木屋。 

打卡完畢，我哋就去逛逛布呂根。 布呂根係卑爾根最古老的街區，亦都係世界遺產，布呂根木屋已有逾700年歷史。木屋以前係用作儲藏漁穫或農作的貿易場所，現在已轉型為酒吧、餐廳、商店及藝術家的工作坊。 

Susan Fosse

走入布呂根的橫街窄巷，欣賞一下不同的老木屋。橫街窄巷中有許多不同小店，賣各種獨具特色的紀念品，咖啡店，畫廊等。 我就在這間 Susan Fosse 買了一頂冷帽。 

卑爾根曾經是挪威的首都，是個重要的港口城市，現在仍然是郵輪的停泊點。漢薩同盟（Hanseatic League）就係其中一個重要的貿易聯盟。原本想參觀 ‘漢薩博物館’ ‘(The Hanseatic Museum)，了解一下漢薩同盟的歷史，但博物館正在裝修休館。 

原本沒有打算參觀其他博物館，但我哋就誤打誤撞去了參觀了‘漢薩集會所’ (Schøtstuene assembly rooms)。參觀時不知道原本‘漢薩集會所’是漢薩博物館的一部份。 這幾棟漢薩集會所的木屋就在Bryggen建築群正中央，保留了漢薩商人集會、娛樂、餐廳、食堂、會議室、廚房等設施。 

卑爾根要塞

聖瑪利亞堂

遊樂場

卑爾根要塞 (Bergenhus Fortress) 和卑爾根最古老的建築聖瑪利亞堂 (Mariakirken) 就在碼頭那邊。碼頭那邊還有個好似嘉年華會的遊樂場，但正午時分，遊客好少，晚上來應該好熱鬧。 

Next:  2024-05 挪威的森林之旅 Day 5-2 卑爾根 隨意慢步

Previous: 2024-05 挪威的森林之旅 Day 4-2 卑爾根 弗洛伊恩山 Bergen Mt Fløyen