Tuesday 26 May 2020

No Buy Challenge 唔買挑戰 ~ 5月份update

要shopaholic 唔買嘢真係好難。 上個月忍咗成個月,呢個半月全面失手!雖然我係買咗唔少嘢,但係比起以前已經買少咗好多,因為我時時刻刻都提住自己唔可以亂買嘢。 

總括一下我買咗啲咩~ 

係買咗唔少服裝~6件衫,2條褲 ,3條OP &1對鞋!我會好努力減肥著靚衫呀,唔好再買咗唔著!Add oil! 

3本鉤織書,同一堆冷~之前比較多時間係屋企就不停鉤,不過近排冇得WFH就變得太忙,冇時間再鉤! 


化妝護膚品方面,表面上好似買咗唔少,不過其實大部分都係有需要先買,係用完先買㗎! 


SHUQQ眼睫毛夾~因為用開嘅shiseido MQ 香港已經唔再賣,所以我冇得配番裡面條膠,所以只好買新的!  

Clarins 眼精華~用緊果枝都已經用完,已經用緊啲好細枝嘅贈品,而且Clarins 真係好抵,買一枝送9件贈品,重要兩件係貨size !  

2枝melvita Pink Oil (買2枝有9折)~要減肥嘛!哈哈! 上年買果枝又係已經用完! 

2枝Melvita 花水 +gift set ~基本上已經緊枝贈品爽膚水,所以都真係有需要先買㗎! 


Chanel 眼部卸妝水~又係用完我先買㗎! 


用開的化的妝品全部掉晒



另外因為去咗打疣,以前用開啲化妝品要全部掉晒,因為怕啲化妝品/粉餅會有菌,唔想功盡癈再染番,打疣真係唔平㗎。所以我一定要買過新的。 買咗CT eye shadow, NARS highlighting powder, Gioegio Armani fusion powder。 

防曬spray ~ 唔洗解釋啦! 

Glycel 離子射頻緊膚儀套裝~可能呢set 就真係唔係一定要買,但係呢~我真係好鐘意買家用美容儀器,3500蚊有咁多護膚品,又有埋部RF機, 真係好難唔買囉!我會日日用佢, 唔會浪費金錢! 

Sogo thankful week, 啲護肯品set真係好抵,真係好難唔買囉,不過我好勁,冇點買囉! 

零食方面,我都冇點買,一星期先食一至兩包薯片,不過天氣太熱,我呢排飲得太多可樂!

No Buy Challenge 唔買挑戰 ~ 開始
No Buy Challenge 唔買挑戰 ~ update

Saturday 16 May 2020

生日晚餐@又一城Tea WG Salon & Boutique

21 April 2020 (Tue)  


疫情關係真係好少出街食飯,但係生日就點都要出去慶祝下。去咗又一城的Tea WG Salon & Boutique,一間來自新加坡的茶品店。 未有疫情之前,我平均一星期煮2餐,到依家差不過煮足7餐,係煮飯黎講應該係我人生嘅高風!  



介紹番個set dinner先~ 


頭盤有湯 或者沙律。 
餐包

牛油裡面有玄米同紫菜碎



主菜魚和牛都煮得剛剛好,味道係唔錯嘅,最讚係牛冇血水。主菜份量比較少, 所以食埋件cake 就剛剛好。  


我地唔好酒, 所以飲茶好啱我地。好大壼茶, 基本上係飲唔晒。 

signature creme brulee cake


個波波係mouse 黎! 

因為職員落錯單,所以職員送上signature creme brulee cake ,好好味。 我地另外又一人一件cake, 都有好多款可以揀,我就主要係揀個樣。 


限聚令關係(限制4人) ,今晚得4台客 ,人少少環境好静。環境好靜得果4枱客,本身地方唔大, 俾錢先知原來有8折!