中秋快閃優惠 ~ 網購英倫復古風Olivia Burton手錶 (附優惠碼)

今次介紹英國手錶品牌Olivia Burton (OB) ，OB手錶一向都走英倫復古風，手錶款式以動物、蝴蝶同花花款式為主，係女生最愛!

我自己早前就網購咗一隻兔仔款OB手錶，錶款簡單易襯，咩年紀既女生都適合!

依家英國網店有中秋快閃優惠 ，Olivia Burton手錶74折，兔仔款已經冇晒貨，不是我覺得新款貓貓都好靚，有興趣就click link 睇下啦!

Olivia Burton手錶網址: https://www.mybag.com/brand/olivia-burton/promotionlist

優惠碼:  OB26  (優惠到27 /9/2018 星期四)

結賬時， 係Add Promo/ Voucher位置，輸入優惠碼即享折扣。買滿£20英磅送香港免運費，滿£80 free tracked delivery。

貓貓新款OB手錶，相等於香港價錢既7折  (原價£72, 折完£53.28 約HK$554, 香港賣HK$790 )

OLIVIA BURTON貓貓手錶

貓貓手錶網址: OLIVIA BURTON WOMEN'S ILLUSTRATED ANIMALS CAT WATCH

花花同鳥兒款式OB手錶都一樣好靚!

OLIVIA BURTON花花手錶

花花款式手錶網址: OLIVIA BURTON WOMEN'S GLASSHOUSE WATCH

OLIVIA BURTON 鳥兒手錶

鳥兒款式手錶網址: OLIVIABURTON WOMEN'S PAINTERLY PRINTS WATCH

溫馨提示 ~ 比英磅好似抵啲！

想知道更多Online Shopping Jetso，即follow 波太的簡單生活。我的敗家日誌 Shopping Diary Facebook / IG。

2017 東京近郊賞楓之旅: Day7~東京再見

16 November 2017 (Thu)

 

今朝食完早餐就要出發去機場。原本想出發去機場前買件HARBS水果蛋糕上NEX到食，點知太早未開，真係有點兒失望食唔到個HARBS蛋糕。

其實成田機場裡面真係冇咩行， 我地上機前又食， 機場嘅嘢食一般啦， 不過都好食過琴晚個沾麵。

到機場嘅主要task 就係買手信， 機場啲嘢已經免稅， 我地4個人買咗唔少手信。

~完~

Next:  2017 東京近郊賞楓之旅 ~ 前篇

Previous:  2017 東京近郊賞楓之旅: Day6~東京一遊 (築地市場﹑明治神宮外苑銀杏﹑skytree)

 ~住宿篇~

新宿(3晚) ホテルグレイスリー新宿 (HotelGracery Shinjuku)

-->箱根(1晚) 星のあかり (Hakonestar Akari)-->新宿(2晚) ホテルグレイスリー新宿 (HotelGracery Shinjuku)

 

Face Book Page: 波太的簡單生活

2017 東京近郊賞楓之旅: Day6~東京一遊 (築地市場﹑明治神宮外苑銀杏﹑skytree)

16 November 2017 (Thu)

黎到旅程尾二果日， 今日唔去留係東京市區，周圍行下。

今朝去築地食魚生飯做早餐，去到築地其實已經好肚餓， 所以都冇理邊間出唔出名， 我地就是旦去咗一間食魚生丼飯。 呢間魚生丼飯店係「場內市場」商店街，同「壽司大」同一條行，都不過完全冇人排隊。

魚生份量都算多，而且都好新鮮，個人覺得唔錯，其實肚餓就咩都好食啲。我冇去過果幾間出名嘅店， 所以比較唔到， 我見「壽司大」真係好多人，超長人龍，不過你要我等幾個鐘，我又真係唔會囉。

而我地食果間，我地入去時，間餐廳好似得一個客。要比較， 我就覺得上次係小樽食嘅魚生飯味道好啲， 可能係啲飯有分别！ 另外，係服務方面，職員就好cool 同埋要立即俾錢。

食完魚生飯， 我地就過咗去「場外市場」果邊， 築地真係好熱鬧， 好多遊客。好多嘢食， 又好多嘢賣。 下次再黎， 我估已經搬咗去新地點。

食飽飽就去行下，去咗明治神宮外苑銀杏光並木。同事大力推，我一定要去睇下銀杏， 佢上年去過大讚話好靚。

明治神宮外苑銀杏光並木

果然好靚， 一排排金黃色的銀杏葉。 我地花咗一個多小時係到影相。之後我地就行去原宿/六本木果頭行下，行到倦倦地，見到間露天餐廳，波生提意不如食個tea。

六本木

坐outdoor 嘆茶同食蛋糕，感覺自己係歐洲一樣，而且價錢唔算貴。

其實原宿都冇乜嘢睇，叫做黎過。上一次去日本已經去過鐵塔，所以今次去skytree 。skytree去一次就夠， 其實東京個夜景麻麻地靚。 應該日落前黎會靚好多， 今次見唔到個magic moment， 上到黎個天已經黑晒。

晚餐就係skytree 個商場到解決， 原意想阿爸試下沾麵， 不過估唔到呢間嘅沾麵噤難食。係日本好少會食到噤難食嘅麵， 浪費咗我地係日本最後嘅晚餐。

好難食的沾麵

Next:  2017 東京近郊賞楓之旅: Day7~東京再見

Previous:  2017 東京近郊賞楓之旅: Day5~箱根溫泉之旅(下)

 

Face Book Page: 波太的簡單生活

2017 東京近郊賞楓之旅: Day5~箱根溫泉之旅(下)

15 November 2017 (Wed)

一早起身就去浸温泉，個湖景真係一流。 係温泉旅館食咗個勁豐富嘅早餐，我地又坐的士番到「桃源台車站」。

今日搭海賊觀光船遊蘆之湖，好可惜今次箱根之旅同富士山冇緣，係蘆之湖遇見唔到富士山。

蘆之湖其實係箱根山的火山湖，湖上非常大風。 我地坐船到 「元箱根港」，再沿湖邊走個15分鐘到「箱根神社」。 「箱根神社」有個係湖上嘅紅色大鳥居，但係早上係背光。

箱根神社

「箱根神社」~九頭龍御手洗

神社裡有顆雙連杉樹，好高好大。

湖上嘅紅色大鳥居

原本想係Bakery & Table箱根3/F嘅餐廳食lunch，點知勁多人。最後只係2/F搵到位，不過2/F只賣飲品，但係可以係1/F買麵包攞上黎食。

「箱根湯本」站

搭公車到「箱根湯本」站，係箱根湯本商店街周圍行下，之後又去食咗個麵。

番到新宿，今晚去咗類似居酒屋嘅餐廳食晚餐。

Next:  2017 東京近郊賞楓之旅: Day6~東京一遊 (築地市場﹑明治神宮外苑銀杏﹑skytree)

Previous:  2017 東京近郊賞楓之旅: Day4~箱根溫泉之旅(上)

 

Face Book Page: 波太的簡單生活

2017 東京近郊賞楓之旅: Day4~箱根溫泉之旅(上)

14 November 2017 (Tue)

到咗今次旅行嘅重點行程…就係兩日一夜嘅箱根溫泉之旅，加入住有私人風呂嘅温泉旅館。

小田急車站食早餐

今日又係坐小田急，我一早已經買定兩天箱根周遊卷，另加小田急“浪漫特快”。坐浪漫特快，從新宿出發可以直達「箱根湯本」站，途中無須轉乘，又快又方便， 車程大約85分鐘。 用「箱根周遊券」可以搭八種交通工具遊箱根，包括鐵路、登山電車、登山纜車、空中纜車和海賊觀光船等，去箱根有點上山下海嘅感覺。 

遊箱根的路線，我係參考小田急「箱根2日遊」的建議行程。

「早川」河

「繡球橋」

「強羅車站」

抵達「箱根湯本」後，我地先到「早川」河上的「繡球橋」睇下。 之後要轉搭「箱根登山電車」前往終點站「強羅車站」。 達強羅已經中午時分，又係搵食時間， 車站附近餐廳唔多。

我地4人都係食親子丼，店員都係上咗年紀啲叔叔阿姨，年紀比我父母更大，佢地都應該過咗七八十歲。 我老豆就話日本人真係好勤力，佢地噤大年紀都重未退休。強羅係鄉郊地方，我估後生仔女一定出了東京打工， 唔會想留係鄉下地方工作，所以佢地年紀大都會繼續做。 不過餐廳好早收， 我見到兩點有客人想入黎食午飯，店員立即話佢地知已收，唔接受新客。 

原本我想去參觀雕刻之森美術館，聞說美術館環境優美，又展示咗好多雕刻品同藝術品。 不過冬天比較早黑，唔夠時間去晒雕刻之森美術館和強羅公園兩個地方。 紅葉季節，我地都係決定去強羅公園欣賞紅葉，大家都係不停影相，比我預計花多咗時間係強羅公園。 

係強羅搭箱根登山纜車到「早雲山」，到了「早雲山」要改搭箱根空中纜車才能到「大湧谷」。 
空中纜車共有四個站，分別係早雲山車站⇢大涌谷車站⇢姥子車站⇢桃源台車站，這段要坐約30分鐘。 一出大湧谷車站就聞得到濃濃硫磺味，而且好大風。 

大湧谷名物”黑玉子”

大湧谷係一座萬年火山口，不斷有蒸氣同硫磺係火山口噴出，整個大湧谷都係煙霧瀰漫。 原本大湧谷係有一段山路可以走，可以近距離欣賞大湧谷嘅獨特地貌。我估煙霧太大，所以當日冇開到。四周也被籠罩於煙霧中，只見到少許富士山。 大湧谷名物”黑玉子”，據說食一粒可以延壽七年， 一場黎到我地又買包食下。其實黑玉子就係正常蛋嘅味道。 

抵達「桃源台車站」已經四點多了，係旅遊服務中心請職員幫助 call 的士到温泉旅館「 星のあかり」。原來旅遊中心外有個電話直接連接到的士台，不過我地唔識日語，接到的士台都應該只會雞同鴨講，好彩我地早到一步，中心職員幫我地call 的士就已經夠鐘收工。 

電話可以直接連接到的士台

到達「 星のあかり」，天都黑，浸温泉時已經睇唔到個湖景。 其實我原本想四點前到達温泉旅館，不過團友們實在太愛影相，每個景點都逗留太耐。 

箱根住宿詳情可以睇: 2017東京近郊賞楓之旅~住宿篇(2) ~ 星のあかり(Hakone star Akari) 

Next: 2017 東京近郊賞楓之旅: Day5~箱根溫泉之旅(下) 

Previous: 2017 東京近郊賞楓之旅: Day3~初登高尾山賞楓(下) 

 Face Book Page: 波太的簡單生活