挑戰日期：15/3 ~13/4/2021
 |
| 幻想的理想家居 |
一直都想家居斷捨離，想間屋可以整潔乾淨一些，最想就係個地板冇雜物，但係唔太成功，太多物件不捨得掉，因為覺得太可惜，太浪費，呢個心態要改！
今次我下定決心，唔要間屋再亂糟糟，需要多點空間生活，一定要斷捨離成功，所以我就自己諗了一個適合我自己的方法。好多專家會教人要一次過執一個類別的物品，重要一口氣執，但對我來說一次過執都唔太成功，因為每次都唔夠時間，執到一半我又要將物件放番入櫃。
記得N年前，我追看過Wyman的一個專欄，叫做“每日都買一樣嘢”，佢每星期都會寫一篇講下自己係一星期買了些什麼。而我就決定做同Wyman相反的事，就係我要“每日都掉一樣嘢”，我有在IG 每天記錄我當天掉的物件。
每日都迫自己要掉一樣嘢，所以很多我以前覺得“掉又唔係，唔掉又唔係”的物件，今次就好快好易地決定要掉。
我個人沒有特別去想分類的事情，專家會教要為你要準備棄掉物件的清單之類，每次集中掉一個類別的東西，我就比較隨意，想起邊樣冇用就掉，總之分手要狠！！
我已經成功完成了30天的挑戰，掉了超過30件物件（請鼓掌！）。
我的家居雜物實在太多，30天其實未能滿足我的“斷捨離”要求，所以我又開始展了第二期的30天“每日都掉一樣嘢”挑戰！
最近我再次找出近藤麻理惠的書《怦然心動的人生整理魔法》，本書應該係8年前買的，不過一直都沒有心去看。因為近排一直在斷捨離，所以突然好想睇這本書! 近藤麻理惠即大家係Netflix 認識的Marie Kondo，佢話應該由衣服開始整理，所以我今次專注“衣櫃斷捨離”，我屋企特別多衫，應該大部分女仔都係一年四季不停買！
近排每日都在煩要掉什麼，令我覺得自己實在擁有太多太多，我覺得今年可以一件衫都唔買，不過應該好難做到，我實在太愛買！
其實我好鐘意買嘢，物欲旺盛的那種，好享受擁有好東西，但心靈上我覺得自己係簡單嘅 ！
我以後只買貴買精，唔再因為抵、因為靚而買，我要把人生和金錢都應該花在有價值嘅事物上！
有興趣可以follow我IG "simply_mrs_ball" , 我每日都有更新斷捨離的物件!
Facebook Page: 波太的簡單生活
