2017四月北海道賞櫻之旅 Day 4(下)~ 札幌時計台&電視塔

29 April 2017 (Sat)

札幌時計台

下午回到札幌，一於去遊覽札幌的著名觀光景點~札幌時計台＆電視塔。 我地買了時計台＆電視塔共通入場券，一次過去晒兩個景點。

時計台的機械裝置

札幌時計台建於1878年, 原身是北海道大學前身札幌農校的練武場, 被用作農校學生的軍訓與體育課場地。我個人認為雖然看不懂日文，都值得入內參觀，因為到二樓可以睇到時計台的機械裝置。 另外有個模型，可以清楚睇到時鐘內部齒輪的運作。

札幌電視塔

大通公園

從札幌時計台走到札幌電視塔， 大約７分鐘。電視塔是大通公園重要的地標物，雖然不是很高，還是可以清楚看到整個大通公園。

天黑，我地就到狸小路商店街，要去藥妝店買買買!  狸小路商店街非常多人，好多餐廳都冇位，最終去了食拉麵。

Next: 2017四月北海道賞櫻之旅 Day 5 ~ 慢遊小樽

Previous: 2017四月北海道賞櫻之旅 Day 4(上) ~ 駅二市場@函館朝市

~住宿篇~

札幌(一晚) 三井ガーデンホテル札幌 (Mitsui Garden Hotel Sapporo)

--> 函館(一晚) ルートイングランティア函館駅前 (Route Inn Grantia Hakodate Ekimae)  --> 湯之川溫泉(一晚) 湯之川溫泉 笑 函館屋 (EMI Hakodateya) --> 札幌(三晚) ホテルマイステイズ札幌アスペン(Hotel Mystays Sapporo Aspen)

2017四月北海道賞櫻之旅 Day 4(上) ~ 駅二市場@函館朝市

29 April 2017 (Sat)

係酒店食過早餐，就要離開湯之川溫泉，坐火車站回札幌。 經歷昨天坐巴士到湯之川溫泉，巴士冇位放行李，今朝我地決定改坐的士回到函館火車站。酒店職員幫我地call 的士，坐的士10分鐘就到函館火車站，太約2000円，兩個人每人1000円，我覺得可以接受。

因為比預期早到達火車站，有時間俾我地再去行下函館朝市的駅二市場。  駅二市場有不少賣魚貨的攤販，我買了即食扇貝給家人手信。 唔貴 ，1500円一大包。我買了兩包，老板娘主動收少我100円一包，兩包只係2800円。另外，買了一粒粒賣獨立包裝的即食瑤柱，第一次見有些即食瑤柱賣。

市場內還有烤扇貝，我地又一人食一隻，好鮮味!

駅二市場內的釣烏賊。

駅二市場隔壁重有個很大的市場，有個攤係賣木製手工的，攤主好友善。 我地買了個木製bear bear & 4張木製書籤，支持下手工藝品。

木製bear bear & 4張木製書籤

見到時間差不多，要快步走回火車站趕上到札幌的火車。希望再有機會來函館，下次安排多些時間逛函館朝市。另外，今次冇試到”幸運小丑漢堡” ，下次一定要試!

我好喜歡食火車便當

係火車站買了便當就上火車，回程一樣唔太難捱，都係瞓下，睇咗齣日本電影《 喪屍末日戰》(I am a hero)…就到達札幌。
 

提外話，《 喪屍末日戰》(I am a hero) 係齣一喪屍片，非常好睇，劇情緊張刺激，推介推介。

Next: 2017四月北海道賞櫻之旅 Day 4(下)~ 札幌時計台&電視塔

Previous: 2017四月北海道賞櫻之旅Day 3(下) ~ 函館朝市&湯之川溫泉

~住宿篇~

札幌(一晚) 三井ガーデンホテル札幌 (Mitsui Garden Hotel Sapporo)

--> 函館(一晚) ルートイングランティア函館駅前 (Route Inn Grantia Hakodate Ekimae)  -->湯之川溫泉(一晚) 湯之川溫泉 笑 函館屋 (EMI Hakodateya) --> 札幌(三晚) ホテルマイステイズ札幌アスペン(Hotel Mystays Sapporo Aspen)

2017四月北海道賞櫻之旅Day 3(下) ~ 函館朝市&湯之川溫泉

28 April 2017 (Fri)

回到函館火車站，趕緊去函館朝市食午餐，到達朝市已經一點半，沒逛就決定到一間在横丁市場入口位置的店吃新鮮毛蟹，另外再order 咗其他海鮮。

新鮮毛蟹

第一次食毛蟹，肉質鮮甜，非常美味。毛蟹一隻大約7千yen, 後來番到香港，睇雜誌得知，係香港食要成千四蚊港一隻毛蟹，立即覺得日本真好，又想再去。
因為太晏到朝市，駅二市場已經關咗門, 冇機會逛。

今晚住湯之川溫泉，3點先可以check in，見有時間，波生想去睇手塚治虫展覽(2017年3月18日～5月14日) ， 地點就係火車站對面的一個商場。¥600入埸費其實有點貴，不過波生想睇就冇法啦！

場內展出咗不少手塚治虫的複製原件，這個展覽重有展出一些高科技，好似3D 打印等。


場館其實唔大，不過有個工作位置，有枱凳，可以用電腦，另外有漫畫和卡通俾你任睇，如果有時間可以係到hea半日都唔錯。

由函館火車站坐巴士到湯之川溫泉太約半個鐘，不過日本巴士細，根本冇位放行李，所以就算有位坐，我都要企，因為我要扶住個行李。如果有多少少budget, 我建議大家可以坐的士。坐的士10分鐘就到，太約2000円，兩個人每人1000円，我覺得可以接受。

我今次揀了一間比較新的温泉酒店(湯之川溫泉 笑 函館屋)，只有二十多間房間，一定唔會見到旅行團和大量亞洲遊客。到達酒店check in 後，我地在lobby 食免費雪糕和飲香檳。小休一會，我地就到函館熱帯植物園睇浸温泉的馬騮。

函館熱帯植物園

其實猴子們應該可以自由出入公園，半開放式的，不過這裡好食好住，佢地應該唔會逃走。

湯倉神社

到湯之川溫泉周圍行下，走到大街的湯倉神社，不過沒有人的。 之後再走到Aeon逛逛， 就回到酒店，因為約了7點在酒店食晚餐。

酒店的晚餐非常豐富，食到我地非常飽……飽到飯後要小睡一會先去浸溫泉。

Next: 2017四月北海道賞櫻之旅 Day 4(上) ~駅二市場@函館朝市

Previous: 2017四月北海道賞櫻之旅 Day 3(上) ~ 漫步元町教堂群&金森紅磚倉庫

~住宿篇~

札幌(一晚) 三井ガーデンホテル札幌 (Mitsui Garden Hotel Sapporo)

--> 函館(一晚) ルートイングランティア函館駅前 (Route Inn Grantia Hakodate Ekimae)  --> 湯之川溫泉(一晚) 湯之川溫泉 笑 函館屋 (EMI Hakodateya) --> 札幌(三晚) ホテルマイステイズ札幌アスペン(Hotel Mystays Sapporo Aspen)

2017四月北海道賞櫻之旅Day 3(上) ~ 漫步元町教堂群&金森紅磚倉庫

28 April 2017 (Fri)

一早黎到函館元町和灣區逛逛，感受一下北海道的異國風情。 函館係日本較早對外開放的港口都市之一，所以這裡到處都充滿了歐式風格。

坐市電到「末廣町」電車站下車，我們就開始漫步元町教堂群，我們係跟住「元町及灣區的推薦觀光路線」而逛的，不過終點是金森紅磚倉庫，沒有走到函館山纜車站，因為昨晚已經上了函館山睇夜景。

由基坂通走上去，我們先去參觀 “舊英國領事館”，這座建築物從1913年到1934年用作英國領事館， 有時間的話還可以在這裡的Victorian Rose 茶室吃下午茶。

舊英國領事館

領事一家

我們買了2館共通入館券 (¥500)， 因為想參觀埋“舊函館區公會堂”，共通入館券比分開2館購票便宜 ¥100。

元町公園

經過元町公園，繼續向上走，在元町公園後面的小山丘上，就是外觀華麗的“舊函館區公會堂”。

“舊函館區公會堂”是一幢洋式、文藝復興風格的木建築。 這是函館的一個重要歷史建築，已列為重點文化遺產。

公會堂有一個大廳和不同的房間，房間用作商業會議和貴賓寢室。

舊函館區公會堂

站在公會堂的陽台前可以俯看整個函館的港口。

離開公會堂，沿著路走會走到有好多雪糕店的「港丘大道」。繼續走就會見到“元町羅馬天主教堂”和 “函館哈利斯特斯東正教堂” 。

最後從八幡坂通走下斜坡，就是金森紅磚倉庫群。

金森紅磚倉庫群。

金森紅磚倉庫(金森赤レンガ倉庫)是個很好逛的地方，有很多精緻小物、生活雜貨、古董店等，另外還有Pastry Snaffle's、Petite-Merveille等知名甜點店。如果有多點時間，可以安排悠閒的逛逛這裡。

芝士原味Catchcake

巧克力Catchcake

Pastry Snaffle's ~ 我們買了一個芝士原味、一個巧克力的Catchcake。Catchcake的質感鬆軟如軟雪糕，入口即融，日本甜品一般都比較甜，不過配上買Catchcake附送的迷你黑咖啡之後，甜度剛好，好好味。

Petite-Merveille~ Mel Cheese蛋糕。Mel Cheese蛋糕質地非常柔嫩， 入口即化。不過我比較喜歡Snaffle's的Catchcake。

在“金森洋物館” 裡面有間小郵局，因為我有寄明信片的習慣，所以我一早已經寫好要寄的明信片，帶到這裡寄。另外我還在這間小郵局買了北海道限定明信片，我將限定明信片放入了”聖誕郵筒”，今年聖誕前才會寄出放入了”聖誕郵筒”的信件，我好期待今年聖誕會收到這張明信片。

明治館 ~ 100多年前的函館郵局

舊英國領事館: https://hakodate-kankou.com/british/tw/

舊函館區公會堂: http://www.zaidan-hakodate.com/koukaido/

Next: 2017四月北海道賞櫻之旅Day 3(下) ~ 函館朝市&湯之川溫泉

Previous: 2017四月北海道賞櫻之旅Day 2(下) ~ 夢幻迷人的函館山夜景

~住宿篇~

札幌(一晚) 三井ガーデンホテル札幌 (Mitsui Garden Hotel Sapporo)

--> 函館(一晚) ルートイングランティア函館駅前 (Route Inn Grantia Hakodate Ekimae)  --> 湯之川溫泉(一晚) 湯之川溫泉 笑 函館屋 (EMI Hakodateya) --> 札幌(三晚) ホテルマイステイズ札幌アスペン(Hotel Mystays Sapporo Aspen)