2017四月北海道賞櫻之旅 Day 4(上) ~ 駅二市場@函館朝市

29 April 2017 (Sat)

係酒店食過早餐，就要離開湯之川溫泉，坐火車站回札幌。 經歷昨天坐巴士到湯之川溫泉，巴士冇位放行李，今朝我地決定改坐的士回到函館火車站。酒店職員幫我地call 的士，坐的士10分鐘就到函館火車站，太約2000円，兩個人每人1000円，我覺得可以接受。

因為比預期早到達火車站，有時間俾我地再去行下函館朝市的駅二市場。  駅二市場有不少賣魚貨的攤販，我買了即食扇貝給家人手信。 唔貴 ，1500円一大包。我買了兩包，老板娘主動收少我100円一包，兩包只係2800円。另外，買了一粒粒賣獨立包裝的即食瑤柱，第一次見有些即食瑤柱賣。

市場內還有烤扇貝，我地又一人食一隻，好鮮味!

駅二市場內的釣烏賊。

駅二市場隔壁重有個很大的市場，有個攤係賣木製手工的，攤主好友善。 我地買了個木製bear bear & 4張木製書籤，支持下手工藝品。

木製bear bear & 4張木製書籤

見到時間差不多，要快步走回火車站趕上到札幌的火車。希望再有機會來函館，下次安排多些時間逛函館朝市。另外，今次冇試到”幸運小丑漢堡” ，下次一定要試!

我好喜歡食火車便當

係火車站買了便當就上火車，回程一樣唔太難捱，都係瞓下，睇咗齣日本電影《 喪屍末日戰》(I am a hero)…就到達札幌。
 

提外話，《 喪屍末日戰》(I am a hero) 係齣一喪屍片，非常好睇，劇情緊張刺激，推介推介。

Next: 2017四月北海道賞櫻之旅 Day 4(下)~ 札幌時計台&電視塔

Previous: 2017四月北海道賞櫻之旅Day 3(下) ~ 函館朝市&湯之川溫泉

~住宿篇~

札幌(一晚) 三井ガーデンホテル札幌 (Mitsui Garden Hotel Sapporo)

--> 函館(一晚) ルートイングランティア函館駅前 (Route Inn Grantia Hakodate Ekimae)  -->湯之川溫泉(一晚) 湯之川溫泉 笑 函館屋 (EMI Hakodateya) --> 札幌(三晚) ホテルマイステイズ札幌アスペン(Hotel Mystays Sapporo Aspen)

2016廣島冬日行: Day 1 ~ 廣島到着

14 December 2016 (Wed)

香港 →廣島

今次旅行都幾勞碌，又踩單車又行山 ，重要係連續兩日都要行山，番到香港對腳重痛緊。我下次旅行，要計劃一個豪華舒適團，唔要再噤勞累!

去年聖誕假前去了遊人少少的鹿兒島和宮崎(南九州)，非常喜歡，特別喜歡人少少的日本旅遊地點，所以今年年尾要再次去飛番轉日本，今次去遊人一樣不多的中國地區。

翠園早餐

上機前，食個翠園早餐先，平日好少食翠園。香港機場food court 永遠都好多人，好難搵位。

香港航空的飛機餐， 味道好麻麻!

第一天主要是坐飛機坐火車， 一早在EGL 買了JR pass交換券 (關西&廣島地區 (五天) 交換券~¥13000，在EGL買有小許折扣)， 在機場兌換JR pass後, 今日已經開始要用JR pass坐火車。

基本上第一天是沒能安排什麼行程， 從大阪關西機場直接登上開往新大阪的Haruka特快列車， 然後轉乘新幹線直達廣島，大約花了2小時45分鐘。

這次張 JR Pass只可以坐新幹線普通車自由席， 第一次坐新幹線自由席，有些不習慣。 之前的JR Pass是可以免費一早劃定指定席的， 比較方便，最近應該是改了條件。

自由席車廂通常在車頭或車尾(car 1 至3)，要行得比較遠， 還有自由席的車卡前通常都有比較多人排隊，為的是上車後可以找到座位。

在新大阪駅，買了火車便當，我覺得坐新幹線是一定要食便當的，我好鍾意食日本便當，好味之餘感覺唔heavy。

柿葉壽司便當

我的柿葉壽司便當，以柿樹的葉子包裹着魚製成的壽司，這盒有鯖魚、鮭魚以及鯛魚。魚都是鹽漬過的，我比較喜歡鯖魚的味道。一盒有8 件，一個人食非常飽。

東海道新幹線便當

波生的東海道新幹線便當 ~ 據說(波生表示)味道非常好。

到達廣島， 那時差不多9點。 步行到Hotel New Hiroden(新廣島電鐵酒店)check in，這酒店都相當近廣島站，我們會在這酒店連泊3天 (¥27,000 ~直接在酒店網站上預訂)。

晚上在7-11 買了雪糕，以甜點結束一天。

JR-West Rail Pass: http://www.westjr.co.jp/global/en/ticket/pass/

Hotel New Hiroden: http://www.newhiroden.co.jp/eng/

Next: 2016廣島冬日行: Day 2 (上) ~ 錦帶橋&岩國城

Previous: 2016廣島冬日行～未出發先興奮篇

~購物篇~

2016廣島冬日行~Beauty Bar 24K 黃金電動按摩美人棒

~住宿篇~

廣島(三晚) Hotel New Hiroden (新廣島電鐵酒店) -->  宮島(一晚) 錦水別莊 (kinsui-villa) --> 大阪(一晚) Hearton Hotel Nishiumeda (ハートンホテル西梅田)