新開始 A New Start

Yahoo! Blog就摺埋, 我要搬家, 所以搬黎呢度.


Blog 如人生, 都需要一個新開始.

由小姐變太太, lee個改變對我黎講係一個好大既挑戰.

兩個都好獨立同自我既人走在一起, 要同居相處, It's really not easy!

I'm still learning....!


要整理blog時, 也同時需要整理一下我既生活!

波太的廚房: 2013.08.29 豆腐羹 & 碎肉炒洋蔥

今晚跟大少奶食譜整咗個豆腐羹, 不過我冇跟足d材料黎整, 因為我要就地取材.

原本食譜係用瘦肉淆個湯, 不過我改咗用碎肉 (我鍾意食碎肉); 我冇用到菜心, 改咗用甘 (雪櫃有半包重未食); 我重加咗帶子 (我見雪櫃有). Lee個豆腐羹真係容易整又好味!

昨晚重有個洋蔥未煮, 我用咗半盒碎肉(另外果半盒用咗黎整上面個羹), 加埋整個羹唔要果個雞黃, 黎炒洋蔥. 一d都冇浪費, 我果然係個好老婆…哼!

大少奶食譜link:  http://blog.yahoo.com/iamtaisiu9/articles/1291078/index

波太的廚房: 2013.08.28 肥媽鴛鴦洋葱炒蛋

跟肥媽食譜整鴛鴦洋蔥炒蛋，諗住跟足食譜份量黎煮一定冇錯，所以準備咗三個洋蔥 (白洋葱&紫洋葱 )加兩隻蛋。

落煱炒洋蔥(洋葱切絲)，三個實在太多，所以我最後都係大約炒咗兩個。洋蔥炒香至金黃色，跟住加入蛋液炒勻(加鹽少許)，真係勁容易煮，不過兩隻蛋真係太少，炒完都唔多覺有加蛋咁。

下次再煮，我覺得份量係一個洋蔥加兩隻蛋就差唔多!

BTW用鴛鴦洋蔥係因為要用紫洋葱取其甜；白洋葱則夠香!

令外重整咗蒸茄子。

肥媽鴛鴦洋葱炒蛋食譜link : http://www.sharpdaily.hk/article/sup/20130828/225890

愛婚享 (2) –B&B Wedding花車@全為您 (下)

到咗結婚當日， 司機都好準時，服務態度都幾好，不過當我地見到架車之後先 永知大鑊! 我地五月結婚，當日天氣好好，不過就勁熱，見到架車舊舊地，最大鑊係冇冷氣! 不過後悔已經太遲，為有頂硬上，雖然有一刻我係想坐架兄弟車，唔坐架冇冷氣既花車!

其實有朋友知道我book咗倫敦的士之後，有提過我倫敦的士未必有冷氣， 我最好問清楚. ，我原本都有諗住打去問下，如果冇冷氣就不轉番普通benz，不過可能果時太忙 ，我完全唔記得咗!!!

波生家同我家距離都幾遠，要成45分鐘路程。 因為冇冷氣，所以d車窗係攪低晒，一上到highway， d風好大，吹到我個頭都亂, d假睫毛飛飛下。咁我就叫波生同個伴娘(我坐中間)攪番高d窗，點知佢倆個都誤以為個門鈕係個車窗既開關制。

波生比較大力d，所以佢一知道按錯制，隻車門想開，佢就用力拉住，然後關番隻車門。但係個伴娘就唔夠力拉住隻車門，我見到就立即幫手拉住，不過都係唔夠力，所以隻車就係咁係highway到門開咗。好驚險!  好彩隔離冇車，之後波生即刻申手出去拉番住隻門同關番，e家諗番起都覺得好危險。

原以為驚險完畢，熱多陣就可以到男家，點知行到半路中途，個司機特然間 指手畫腳，之後重將架車停係路邊。原來個司機想叫d兄弟車/ 24座-van跟

係佢架車後面，因為架花車機件太熱，司機驚架車隨時死火，有架兄弟車跟尾安全d。有驚無險，好好彩 (Thank God!) ，架花車冇死火，我地安全抵達男家。

我睇番當日結婚到達男家時影既相，我個髮型亂亂地，塊面好多油。我認為整個婚禮最敗畢既一件事就係book咗架倫敦的士! 

如果想用倫敦的士做花車，我既建議係:(1)一定要係冬天結婚, (2) 路程短 (3)要睇過架車先好租!

下一篇: 愛婚享 (3) –B&B Wedding波小姐的嫁衣 (一) 出門裙褂@永隆

愛婚享 (2) –B&B Wedding花車@全為您 (上)

我地 架 結婚 花車，令到我地 結婚 果日 好難忘， 又驚 險 ... ！

我同波生一直都對倫敦的士情有獨鐘，所以 一早就決定租 London Taxi 做 花車 。

話說當時，我地大部份結婚當日要既嘢都已經 book 得七七八八，就係欠 架 花車，而波生性格比較急，決定咗今日要 confirm 就今日一定要 confirm ， 根本冇俾時間我去做資料搜集 ! 

當日我地去行金都前無做資料搜集 ( 亦都冇時間做 ) ，完全唔知邊間租車公司好，就係咁 亂 打 亂 撞搵咗 全為您 租 車 ，我地 book 既係 水晶紫色倫敦的士 。

其實之前而我問過倆個朋友佢地結婚果時係邊間租，但係一個因為太耐，佢已經唔記得咗。 另一個話要問下另一半先答到我，咁我又費事吹人，所以冇再追問。

租完 車 之後 , 我 當晚 先上 網 睇下人 地 d comments 。 點知 個個都話間嘢唔掂，係黑店。 重話間嘢係“全害您“ ， 攪到我 擔心咗一子 !  本來我地都有諗過搵過另一間租車 公司 ， 不過之後有幾個B2B bloggers, 近期結婚都係係 全為您到 租 用過 倫敦的士， 佢地 都話服務 ok ，冇諗禁差， 重話只要自己跟足D就冇問題 ， 所以我同波生就放心咗好多， 之後重冇再理，其實係唔記得咗要理 !

直到婚前幾日，波生三日前打去追，要佢confirm車牌、時間、司機 ，不過司機要婚前一日先confirm到，佢話會call番波生。 到咗婚前一日, 全為您遲遲都未call波生， 波生下午打去追攞司機電話號碼 ， 但係都重未confirm到，好似要到晚上八九點先confirm到司機，攪到波生好不滿，特別係全為您從來都冇上主動打俾我地 !

  

下一篇: 愛婚享(2)– B&B Wedding花車@全為您(下)

Mr & Mrs Ball: 2013.08.16 波生B-day

今日波生B-day , 不過一樣要番工.
波生話唔洗送禮物俾佢, 所以我就請佢放工後去睇舞台劇"大龍鳳".
 今次係我第一次睇舞台劇, "大龍鳳"好好睇, 好好笑, 值得推介!

昨晚吃的蛋糕!

Mr & Mrs Ball: 2013.08.04 Sunday is a Fun Day - 溜冰初哥

已經是第四個星期日我和波生去溜冰，今次波生終於冇再跌倒，而我就作出了人生第一跌！
波生話溜冰俾佢想像中難, 我就覺得比想像中easy (因為我一直認為溜冰好難)。
波生第一次溜已經好快咁離開牆邊溜，而膽小既我就一直都要靠在牆邊位置溜，因為一想跌就可以有依靠。

我地一把年紀先學人溜冰，我覺得我地好叻, 一把年紀先學人溜冰，唔怕"fish"。


Tonight's Dinner @ Rice Paper 

愛婚享 (1) –B&B Wedding 結婚公仔

本來想分享咗花車先，不過篇幅太長，我重 未 寫完，所以都係快趣 share 咗對結婚公仔先！

我地對結婚公仔 Mr & Mrs Ball 係我自己織㗎。 原本 我係想買嘅 不過我揾唔到我喜歡嘅。我見到有 B2B bloggers 用自己織嘅公仔做結婚公仔，我覺得又靚又特別，所以我就決定自己織。

原本想睇書學織，不過完全揾唔到有書教 ! 所以就問其他 B2B 係邊到學，大多數都話係彌敦毛冷有材料包賣 ( 包埋教 ) 。我跟老闆娘學咗兩次就已經完成到對公仔，所以一 d 都唔難，不過就要用 d 時間去織！

其實材料包一d都唔平，應該貴過買對毛公仔，不過我覺得自己親手整係唔同d嘅。E家對公仔已經放咗係我屋企個櫃到，每次見到佢地，我都好滿意！佢地好靚呀！

下一篇: 愛婚享 (2) –B&B Wedding花車@全為您 (上)

愛婚享 –序

結婚前, 我好想記錄低我籌備婚禮既過程, 不過實在太忙, 完全冇時間咁做!  結婚之後, 一直都好忙, 好似冇晒私人時間咁. 做女果陣, 完全唔需要做家務, 放咗工番到屋企就可以hea下, relax下!  不過嫁咗人就唔同晒 , 唔可以咩都唔做, 要manage 好個家, 放咗工重要煮飯.

最近好似已經比較適應結咗婚既生活, 加上請咗個家務助理姨姨, 每星期黎屋企清潔至少三個鐘, 我好似多番d私人時間, 所以我決定要記錄&同大家分享我既婚禮!

我希望我可以每星期寫一篇 ”愛婚享"!