結婚3週年, 買了Tony Wong 的餅回家慶祝! 買了Sugar Free Cream Cake (left), mini Pink Rose (middle) & Chestnut Cream Cake (right).
Tony Wong 的餅, 味道唔錯. 我幾喜歡 Sugar Free Cream Cake, 味道清清的, 不過波生就話冇味, 不喜歡.
 |
| 沒有花瓣的Pink Rose |
Monday 30 May 2016
2016-05-18 結婚3週年
結婚3週年, 買了Tony Wong 的餅回家慶祝! 買了Sugar Free Cream Cake (left), mini Pink Rose (middle) & Chestnut Cream Cake (right).
Thursday 19 May 2016
B&B小窩居–燈飾吊扇篇
要裝修新居真係好忙，同做一個project 冇分別，不過個過程係好開心嘅，因為終於可以有一個所有嘢都係自己揀嘅理想的家！
當傢俬已經送到新居之後，就要安排燈飾公司職員上黎安裝燈。記得係要訂做的傢俬放好先好安燈，因為訂做的傢俬都好大件，例如衣櫃，安裝衣櫃時，好容易會撞到已經安好嘅燈飾。
新居樓底高，所以我地想係客廳安一把吊扇燈。去旺角果頭睇燈飾，又唔多覺有吊扇燈賣，所以我就上網揾，俾我揾到一間係荔枝角工業區嘅樓上燈飾店，佢有好多款風扇賣，價錢重好似比其他平少少。
最後揀咗一款白色48寸4葉的吊扇燈，吊扇風速可以調控高中低，另外LED燈可以較光暗。
 |
| Lucci Air 澳洲品牌$2860包安裝費 |
 |
| 新居的風扇燈 |
原本想買另一款木紋色的風扇燈，不過果款冇48寸，只有52寸。因為客廳唔係大，所以職員建議我地選擇48寸的吊扇。要有最好的空氣對流效果，扇葉同牆要有一定的距離，所以揀咩size,
最好都係問番職員。
揀完吊扇，我地重揀埋其他房間的燈。飯廳揀了Philips 吊燈，非常清簡的design,
亦都係同舊居飯廳同款，不過新居係LED
版！
書房和睡房要簡單的燈，書房用白光LED 燈 (Phillips)，而睡房用黃光LED
(Megaman) 。
Wednesday 11 May 2016
B&B小窩居–訂做傢俬實物篇
等左大約3至4星期, 傢俬做好了。約好下3至4點送貨, 點知遲左一個鐘先到,等到我地頸都長。要知道新屋真係得四面牆,
白等真係好悶, 好彩有個窗台坐下, 如果唔係就要坐地下。
5 件傢私原來係好多件嘢, 兩個師傅來回搬左大半個鐘先搬晒上樓, 放滿成個走廊! 好彩係新樓, 我果層好似重未有人住,
唔洗一定俾人投訴。
5 件傢私 (包括飯廳C字櫃, 屏風櫃(鞋櫃), 床及兩個衣櫃), 兩個師傅用左足足4個鐘先安裝完, 到9點先走 。收貨時用現金俾埋尾數。兩個師傅做安裝都OK,
不過有一個煙癮勁大, 竟然係後樓梯食煙, 我差不多想出口話佢叫佢唔好食。同埋師傅走時就唔係好冇手尾, 留低左好多釘同少許木碎係走廊,
留低少許木碎係可以接受, 不過釘就真係好危險。我地唔想有人踩到同唔想俾人投訴,
所以自己掃番乾淨個走廊。
 |
| ~成地都係釘~ |
介紹下實物先, 之前好我擔心我設計既傢俬唔靚,
不過見到實物就安心晒。傢俬quality都唔錯, 5 件總共3萬五元, 這個價錢應該算平(其實我冇格價,朋友話這個價錢好平)。 一分錢一分貸, 我唔會要求太高,
傢俬有少許地方撞花, 可能我要自己保番少少油。重有, 傢俬唔見光既地方就比較差, 會見到係原木材板, 櫃內的層板一樣有好多花咗, 所以追求完美者就唔太適合搵這間傢俬鋪。
傢俬都根足設計圖黎做, 都冇話亂做。我都有朋友試過訂做傢俬,
收到既實物同個設計圖有好大出入, 要叫傢俬鋪再做過。至於傢俬設計圖,
可以睇番之前果篇(B&B小窩居–訂做傢俬篇) 。
門口C字櫃
一向鍾情於白色傢俬, 所以全部訂做既傢俬都係白色。會再買其他現成傢俬,
好似餐檯咁, 餐檯就諗緊用深木色, 點綴下其他白色傢俬。
屏風櫃
 |
| 櫃邊留番燈制位。 |
5呎油壓床
 |
| 床頭櫃留番插蘇位。 |
衣櫃
兩個衣櫃好高好大。其實最貴就係兩個衣櫃, 要9千一個, 因為訂做高過8尺幾(確實8尺幾多, 我唔記得)
要額外收費。
 |
| 其中一個衣櫃 |
另外一個衣櫃, 原本只有一隻趟門加灰鏡, 點知職員攪錯左, 兩隻趟門都加了灰鏡。 如果效果靚, 都可以唔換番隻趟門, 不過我真係覺得兩隻灰鏡趟門唔靚, 所以我要求退回。傢俬鋪職員都好交帶, 話10日後會送番隻趟門俾我, 又真係一星期就收到。
B&B小窩居Blog List:
Wednesday 4 May 2016
美肌食物2 ~ Probiotics益生菌
繼上一篇 “美肌食物(+ iherb購物)” , The Healthy Skin Diet 一書還建議要食probiotics益生菌, 嚴浩就有係佢專欄到大力推介益生菌既好處 。 益生菌有很多種類，是對人體有益的好菌。
益生菌有好多種類, 不同種類的益生菌對我們身體有不同的作用。 益生菌主要用作是助預白色念珠菌, 幫助消化和增強免疫力。買益生菌時最好買有列明益生菌種類的, 最common 既益生菌有LGG ( L. rhamnosus GG) 和LP (L. paracasei) 。
iherb 實在有太多種益生菌賣, 又有許多不同的品牌, 睇到眼花。我參考了一個 website 介紹的十大品牌益生菌和iherb Ratings, 最後買了三款益生菌試下。
食益生菌時要空腹, 因為空腹時胃酸較少, 益生菌比較不會俾破壞。 所以最合適食益生菌既時間係飯前1小時或者飯後1小時。 買益生菌記得要買Stabilized Probiotics/Room Temperature/ Shelf Stable, 即係唔洗放入雪櫃果種。
Garden of Life, Dr. Formulated Probiotics, Once Daily Women's,30 Veggie Caps
第一款係Garden of Life女性專用既益生菌, 有16 Probiotics Strains (即係有16種益生菌), 盒上有列明益生菌種類, 有晒3大工能既益生菌菌種。可以支持陰道健康，增強消化系統和免疫系統。我鍾意這款是non-GMO, Gluten free, Dairy free 和Soy free。一日一粒。
 |
| 有列明益生菌種類 |
暫時我只試咗Garden of Life既益生菌一星期, 一朝早空腹食一粒,
食完好快就有得排毒。之前勁出暗瘡(主力係下巴位, 應該係腸位唔好), 今個星期已經冇再出。
Jarrow Formulas, Jarro-Dophilus EPS, 60 Veggie Caps
第二款就主要係增強腸道和消化系統健康, 有8 Probiotics Strains。係iherb 其中一隻最多人買既益生菌。一日最多4粒。
California Gold Nutrition, LactoBif Probiotics, 5 Billion CFU,10 Veggie Caps
最後這款係試用裝, 只要俾1蚊美金就有10粒, 買黎試下。
參考:
The Top 10Probiotic Brands
嚴浩~益生菌的作用
~~~
iherb係一個US購物網站，賣嘅產品主要係天然有機嘅產品品，e.g. 護膚品 ，彩妝，日用品，營養補充品，其他有機食品等等。 香港有得賣嘅產品係iherb 訂真係平好多，另外iherb有好多香港冇得賣嘅產品。重要買滿US $40 以上就免運費 (以前要俾運費架，免運費只限用SF順豐速運)，一星期到就收到貨。iherb 每個星期都會有幾個feature品牌額外8折，好抵架!
iherb link: http://www.iherb.com?rcode=LSJ555
如果是第一次係在iherb購物，只要在Edit Cart 那一頁， Rewards
Code 打上LSJ555 ，即時節省 US $5!
另外iherb有個Loyalty Credit既積分回贈計劃，每次下訂單，您會收到Loyalty Credit積分等於訂單價值的10％。下次購買時，你可以用積分當錢洗買iHerb產品，積分有效期為60天。
Subscribe to:
Posts (Atom)