2015鹿兒島&宮崎特色列車行 ~ Day 3-1: 櫻島火山

17 Dec 2015 Thursday

櫻島係鹿兒島的地標，而櫻島上的火山現在還是一座活火山，而且重非常活躍，常常都會噴煙。

櫻島渡輪的烏龍麵

今朝就係去櫻島! 一早出發，坐市電到櫻島港， 再搭櫻島渡輪，船程約15分鐘。櫻島渡輪上有麵食，令我想起以前從香港坐船到大嶼山（當年還未有車可以到達大嶼山）我地在船上必食公仔麵。今次可以係船上食麵，有種好令人懷念的感覺，我地就吃烏龍麵當早餐（其實係因為今朝早冇時間食。。。哈哈）。

到達碼頭後，我地再乘搭櫻島周遊巴士，來一個櫻島60分鐘半島遊。這巴士會在３個景點讓乘客下車，停留幾分鐘，讓遊客到處逛逛和拍照。

司機會將巴士開車時間寫在板上。

天氣好好。。。天晴, 不過好冷啊！

鳥島展望所

赤水展望廣場～演唱會紀念碑

湯之平展望

湯之平展望是最近櫻島火山的位置，可以直接看到櫻島火山的御岳，不過雲霧籠罩，無法看到火山噴煙。

完成60分鐘的櫻島半島遊後，我們下車，然後再登上下一班觀光巴士，在櫻島遊客中心下車。到櫻島遊客中心可以看到櫻島火山爆發的歷史 ，還買了兩個用火山灰造的豬仔。

櫻島遊客中心

櫻島遊客中心出面就是 “溶岩なぎさ公園”，公園其實係一個俾大家免費泡足湯的地方。可以一邊泡腳一邊 欣賞美麗的櫻島火山，好舒服呀!

泡足湯

我們見到公園裡有貓，就同貓貓 揮手 say hello，點知貓貓唔止無驚，重好熱情地跑到我們身邊。剛好我有個未食完的麵包，我就分開細細粒麵包俾貓貓食，隻貓好似好餓咁，食包包食得好之味，之後重吸引多一隻貓來食包。原來日本貓貓係唔怕陌生人的!

泡完足湯，我們就由公園沿海邊慢慢走回櫻島港。

是日午餐

Next:2015鹿兒島&宮崎特色列車行 ~ Day 3-2: 「指宿之玉手箱」 & 熱砂燒豬腳

美肌食物(+ iherb購物)

近排皮膚差，不斷生暗瘡，重要主要在面頰位……好醜樣！其實都一把年紀啦，點解重成日出豆豆？

因為皮膚差，令我記起想當年, 2008年係澳洲短期工作時買的一本書……The Healthy Skin Diet 。

The Healthy Skin Diet 係一本我非常喜歡的書，我有好多健康智識都係睇這本書學既。本書令我知道原來食物有分酸性和鹼性，身體如果太酸就會病，鹼性身體先至係健康。健康好, 皮膚先會靚。

作者係一位營養師，亦係一位model,因為佢既自己個小朋友受到嚴重既濕疹問題困擾，所以佢花了好多時間究竟點可以醫好濕疹，之後就寫了這本書。

本書教你透過飲食黎改善不同既皮膚問題，例如暗瘡，濕疹等。介紹了好幾種對皮膚好既食物，重有個8星期既餐單可以跟住食。通過飲食去改善皮膚質素，平衡番身體酸鹼度和幫肌膚排毒。不過想當年，係香港好難買到書中推介的食品，好似亞麻籽油, 葉綠素液, 卵磷脂等，所以我都根本跟唔到書既建議去食。

最近我再睇這本書，我決定要嘗試多食書中介紹既美肌食物。 雖然香港近年多左好多有有機食品店，要買到書中推介的食物應該唔難，不過我覺得直接上iherb買會方便好多，平好多之外，重要唔洗重到死攞番屋企(年紀大好怕攞重嘢)。

等我介紹下果種美肌食物先。

葉綠素液  ~ 令身體鹼化最重要既就係葉綠素水，葉綠素水可以淨化血液，提升血液輸送氧氣的能力，也可以幫助消化。將2茶匙葉綠素液加入1.5L水，全日分幾次飲。

World Organic, Liquid Chlorophyll, 100 mg, 16 fl oz (474 ml)

亞麻籽油～含豐富Omega-3不飽和脂肪酸，　有助於消除血阻形成和炎症因數，修復受損的細胞膜。每日食一茶匙，　可以將亞麻籽油加入飲品，沙律。

Solgar, Earth Source, Organic, Flaxseed Oil, 16 fl oz (473 ml)

卵磷脂~協助細胞攝取氧及營養，分解脂肪，幫助排毒。

每日食一茶匙，可以將卵磷脂加入飲品。

Now Foods, Lecithin Granules, Non-GMO, 1 lb (454 g)

薑黃 ~薑黃有薑黃素，可以抗癌、抗氧化、預防老人癡呆症　。可以加薑黃粉入果汁，或者 加入飯做黃薑飯。

MegaFood, Daily Turmeric, 2.08 oz (59.1 g)

喬麥 ~ 有消炎, 抗氧化功效, 低GI, 含有B3, 葉酸 etc, 。我每次煲飯時都將喬麥加入米到一齊煮。

Eden Foods, Organic, Buckwheat, Hulled Whole Grain, 16 oz (454 g)

蒲公英茶～蒲公英有利尿，清肝的作用，不過會增加食慾，所以飲完茶可能會覺得餓。

Traditional Medicinals, Herbal Teas, Organic Roasted Dandelion Root, Caffeine Free, 16 Wrapped Tea Bags, .85 oz (24 g)

~~~

iherb係一個US購物網站，賣嘅產品主要係天然有機嘅產品品，e.g. 護膚品 ，彩妝，日用品，營養補充品，其他有機食品等等。　香港有得賣嘅產品係iherb 訂真係平好多，另外iherb有好多香港冇得賣嘅產品。重要買滿US $40 以上就免運費 (以前要俾運費架，免運費只限用SF順豐速運)，一星期到就收到貨。iherb 每個星期都會有幾個feature品牌額外8折，好抵架! 

iherb link: http://www.iherb.com?rcode=LSJ555

如果是第一次係在iherb購物，只要在Edit Cart 那一頁， Rewards Code 打上LSJ555  ，即時節省 US $5! 

另外iherb有個Loyalty Credit既積分回贈計劃，每次下訂單，您會收到Loyalty Credit積分等於訂單價值的10％。下次購買時，你可以用積分當錢洗買iHerb產品，積分有效期為60天。

2016-04-15 我養的小蝸牛

我係公司養了兩條小魚同兩隻小蝸牛，今日無意中見到兩隻小蝸牛黐埋一齊，好似正在交配中。因為我唔確定, 所以就立即上網check下，原來蝸牛交配時，兩隻蝸牛嘅腹足會黐埋一齊，會持續接近24小時，身體唔會郁，這個時候蝸牛係好脆弱既……好彩我冇多手攪佢地。

唔講唔知，原來大部份種類嘅蝸牛都係有肺類，即係體內有肺部用黎呼吸，而且係雌雄同體。雖然係雌雄同體，不過大多數都係要倆隻交換精液先可以生BB。
另一種係前鰓類，用鰓抖氣，係雌雄異體。

我第一次親眼見到蝸牛交配，我覺得好新奇，我好似變番小學生咁，好有興趣知多d，重要話埋俾d朋友知！

世界好大，人好渺少。多些留意身邊既事件，每一日都會學到新事物，而學習其實係會令人快樂既 (不過唔係被迫學囉)。

放工前，已經見佢地分開左，唔知佢地成唔成功呢？

B&B小窩居–訂做傢俬篇

新居的大部分傢俬都會用新的, 只會保留現居的一個電視櫃和一個飾物櫃。 因為是新樓,樓底比較高, 訂做傢俬就最合適。傢俬冇搵裝修師傅做, 因為會貴好多,所以就搵傢俬鋪訂做。

訂做傢俬既原則係要有好多儲物空間, 唔想好似現居咁放到周地雜物, 最後鎖定要做5 件大型傢私 (包括飯廳C字櫃, 屏風櫃(鞋櫃), 床及兩個衣櫃)。

因為懶(加上朋友屋企裝修時已經格左價), 所以我冇格價就直接去朋友介紹的傢俬鋪訂做傢俬。訂傢俬前, 我已經大約諗好傢俬大概既款式和尺寸, 方便報價。只要俾1000蚊訂金, 傢私鋪的師傅就會上門度尺。師傅會問埋洗唔洗就番插蘇位/燈制位, 櫃門開時會唔會撞到燈之類 …個師傅都好細心下。

度尺之後, 我再去傢俬鋪同職員確認一下個設計, 職員會出手繪圖俾你睇下個設計。(係…只有手繪圖, 唔會有電腦繪圖, 好似好落後咁…哈哈! 我原本以為現今已經用晒電腦繪圖添, 這間傢俬鋪可能比較舊式, 唔可以 expect 佢地好似Designer house 咁有彩色電腦3D繪圖。) 確認手繪圖後, 先俾50%訂金, 訂做要大約3至4星期, 收貨時再俾埋尾數。

實物我重未收到, 所以我家陣都好擔心下, 成日覺得傢俬Design 可以好D (不過確認左個設計就冇得改), 又驚實物效果唔靚。

飯廳C字櫃

飯廳,會跟大多數reference一樣, 門口會整個C字櫃, 再放餐檯。C字櫃的一部分會用黎放鞋。

Reference Design ~ 門口C字櫃

Reference Design ~ 門口C字櫃

門口C字櫃設計圖

屏風櫃

由於大門係對正大窗和廳, 風水學黎講應該唔係太好, 所以會 整個屏風櫃去擋擋, 屏風櫃其實係鞋櫃。只做鞋櫃好似比較side 位, 所以上面會做埋層架, 不過我現在其實驚實物會太厚身, 我原本想將上面的層架做薄一點, 可惜我同 職員溝通時唔記得講。

Reference Design ~屏風鞋櫃

Reference Design ~屏風層架

屏風櫃設計圖

5呎油壓床

其實都有考慮過做唔做地台好, 可以多一點的儲物空間, 不過最後都係唔做地台, 只訂做普通的5呎油壓床。如果 地台做得高, 就要上一級先上到床, 唔太想。如果做1尺地台, 儲物空間就會同油壓床差不多, 我覺得油壓床下面一樣放到好多雜物。

油壓床設計圖 ~ 床頭櫃特別訂做留番個插蘇位。

衣櫃

新居樓底有成9尺, 要訂做兩個到頂既大衣櫃, 一個放在睡房, 一個放在書房。我同老公一人一個。

Reference Design ~ 趟門衣櫃

兩個都做趟門, 衣櫃門可以加灰鏡做點綴, 但係我諗左好耐都唔知點加灰鏡對門先好睇。睇過傢俬鋪之前做過既款式, 都唔覺得靚。

最終睡房的衣櫃會對住床, 有鏡唔係太好, 所以門都係素色算了。至於書房的衣櫃, 我就決定加一條灰鏡係其中一隻門到, 我諗住當鏡用, 咁我可以買少塊鏡。

衣櫃設計圖

B&B小窩居Blog List:

• B&B小窩居–新樓裝修篇
• B&B小窩居–訂做傢俬篇
• B&B小窩居–訂做傢俬實物篇

B&B小窩居–新樓裝修篇

2014年年尾買的樓花, 在2015年11個月前已經收樓了! 不過發展商用了兩個多月先將大部份的瑕疵修理好, 加上我和波生十二月中去了旅行, 之後是聖誕及新年假期, 所以我們遲遲都還未開始計劃裝修。

到了二月中(過年後)才正式開始裝修, 因為是新樓, 所以其實我們都不打算改動太多。主要都是油油, 廚房門改趟門, 廳加燈槽和地板加水晶油。傢俬會另外係傢俬鋪訂做, 唔會搵裝修師傅做, 因為會貴好多。

長型廳 ~ 特式牆&燈槽

新居係長型廳, 其實諗點放傢俱都好容易下, 唯一就係個廳唔夠大。係裝修之前, 我都有睇下人地既 designs做reference, 主要係個廳, 我就特別喜歡近年大熱的特式牆。

我原本好想整白色磚的特式牆, 可惜波生唔喜歡。又有諗過一面牆貼牆紙, 另一面牆就油淺色油,不過香港天氣太潮濕, 都係唔太適合貼牆紙。

另外, 參考 reference design, 細小既客廳都唔會做晒四邊燈槽, 一般都只單邊或三邊。所以我都覺得燈槽只做三邊比較好, 個廳睇落去唔會禁狹窄。

Reference Design ~ 白色磚的特式牆

Reference Design ~ 一面牆深色牆紙& 一面牆油淺色 

最後決定都係只油油, 不過就油兩隻色, 一面牆油深色和其他牆油淺色, 一樣做到有一幅特式牆的效果。

Reference Design ~ 一面牆油深色& 一面牆油淺色

Reference Design ~ 一面牆油深色& 一面牆油淺色

我用了籃色做特式牆, 其他牆就米黃色。不過只看色板㨂顏色都唔容易, 籃色都有好隻,加上未油完根本唔太清楚真實效果。裝修是包五合一 nippon paint, 所以我就上 nippon paint website 睇下, 原來佢有個網上電腦配色軟件(I HomeColour Scheme)可以幫手 match colour, 都幾好用。

裝修包五合一 nippon paint

廳

其實㨂完顏色, 我都好擔心油完出黎既效果唔係我想要既, 好彩最終個廳既顏色我都好滿意。

睡房

睡房, 我一樣決定油兩隻色。一深一淺的紫色, 有特式牆效果。

書房

至於書房, 因為房太細, 只係油一隻米黃色。

廚房門改趟門

因為原有廚房門一開門會擋住個雪櫃, 每次開雪櫃都要先廚房門, 真係好唔方便, 所以要將廚房門改為趟門。

根裝修師傅的建意, 趟門油同牆一樣既色, 所以就油左米黃色。不過我就有少許後悔, 因為我現在覺得白色趟門好似靚D。

廚房門改為米黃色趟門

~~~~~

介紹下個  I Home Colour Scheme, 我就係用佢黎配顏色。你可以上載個人家居照片或者用範例相片, 然後再選擇不同顏色, 睇下塗色後既效果。

好似我間睡房, 我就配咗好幾種紫色, 睇下效果, 最後㨂咗下面果兩紫隻色。

B&B小窩居Blog List:

• B&B小窩居–新樓裝修篇
• B&B小窩居–訂做傢俬篇
• B&B小窩居–訂做傢俬實物篇

Young Living 今個4月【全新高級入門套裝】即享9折優惠！

今個月買Young Living 的<全新高級入門套裝> 有9折, 第一次starter kit 有9折, 真係好抵!
舊會員都可以買, 我都要買多set 先!

有興趣購買, 可以睇:
Young living精油係邊到買? (更新加強版)

記得睇埋:
How to enroll with discounted Premium Starter Kit

推廣期
2016年4月1日至4月30日

特別優惠
原價 (批發價): HK$ 1565 | PV: 100
9折優惠價: HK$1410 | PV: 90
產品編號: 546329D
(每位限購一套，只限標準訂單)

條款及細則

1) 推廣優惠只適用於香港巿場。

2) 推廣優惠只適用於香港時間2016年4月1日凌晨12時正至4月30日晚上11時59分。

3) 推廣優惠只適用於標準訂單，並不適用於基本獎勵訂單或基本獎勵積分兌換訂單。
4) 推廣優惠限購一套。如會員購買多一套全新高級入門套裝，第二套則以正價發售(批發價HK$1565) 。
5) 推廣優惠適用於Young Living的新舊會員。

四月份PV推廣優惠

除此之外, 購買YL 產品 滿190 PV (單一訂單)，即可免費獲贈Slique香口膠(8粒)及柚子精油(15毫升)1支 (價值HK$319)。

滿300 PV，即可免費獲贈Slique Essence精油(15毫升)1支及Slique香口膠(8粒)及柚子精油(15毫升)1支(價值HK$661)。



有興趣購買, 可以睇:
Young living精油係邊到買? (更新加強版)