一直在考慮要住在十和田湖或是住燒山，住十和田湖其實比較順路，不過我比較喜歡規模細一點的溫泉旅館，最後都係選住燒山。 不少台灣bloggers 推介<野の花焼山荘>，我今次就決定入住。
<野の花燒山莊>的規模不大，只有2層高，總共22間和式房間。 旅館對面就是停車場，我們的車一到，已經有位老先生出來指揮停車，而且重幫忙攞行李。 其實我們的行李都幾重，要老人家幫我們攞行李上2樓真係唔係幾好意思。
進到旅館大廳要先脫鞋，職員會收起客人對鞋，傳統日式旅館都係check out 先收錢，波生講笑話俾旅館收起了我們的鞋，我們冇鞋著，所以一定唔會唔俾錢走佬，日本旅館真係聰明。 不過這間旅館沒有拖鞋提供(房間有提供襪子可以穿)，唔係好習慣冇拖鞋著。
 |
| 8八疊和式房間 |
 |
| 房間只有廁所，沒有浴室 |
這間8八疊和式房間，空間不大，沒有浴室，只有廁所，所以一定要去溫泉浴場裡淋浴。
旅館一共有3個溫泉浴場，兩個溫泉浴場有露天風呂跟室內風呂，一個溫泉浴場只有室內風呂。 每天會更換一次男女湯位置，所以大家都可以浸到不同的溫泉。
Check in 後，我們就立即去浸溫泉，要係飯前先浸一次。我先去了只室內風呂的浴場，全場只有我一個人，唔洗同人玉帛相見，可以享受一個人的私人風呂，感覺唔錯。
晚餐在餐廳吃，菜色唔算好名貴，不過味道都唔錯。 職員都係上咗年紀的，不過服務親切。
飯後休息了一陣，再去浸溫泉。飯後男女湯位置已經換了，我先浸了室內風呂，接著體驗一下露天風呂。 整個溫泉浴場又係沒其他人，只有我一個人…講真今次我真係覺得有點驚驚。 事關浴場燈光好昏暗，環境又好靜，我開始胡思亂想，諗番起同事早前提及的溫泉鬼故事。
同飯前浸那次感覺好唔同，飯前天未黑，一個人浸溫泉完全唔覺得驚。 不過我都浸了15分鐘先走，到我決定離開時，先有一個日本大媽入黎。所以去旅行前都係唔好聽鬼故，免得自己嚇自己。
 |
| 旅館餐廳 |
 |
| 早餐 |
早餐是一早已經擺係桌上。
野の花燒山莊是十分傳統的日式旅館，環境乾淨，只有榻榻米， 其實我瞓一兩晚榻榻米沒問題，不過旅館的枕頭太扁，完全承托唔到我條頸，令到我瞓得非常唔舒適，成晚轉輾反側，瞓唔著!
係Rakuten Travel日本website (樂天)訂，2人房租24,840円 (朝夕食付) 。
野の花 焼山荘: http://www.yakeyamaso.co.jp/
~住宿篇~
輕井澤(2晚) 輕井澤站前APA酒店＜軽井沢荘＞-->青森(1晚) HotelRoute-Inn Aomori Ekimae /ホテルルートイン青森駅前 -->奥入瀬渓流(1晚) 野の花 焼山荘-->一関(1晚) Hotel Sunroute Ichinoseki/一關燦路都大飯店 - ->東京(2晚) Yaesu Terminal Hotel Tokyo/八重州東京站酒店
Facebook Page: 波太的簡單生活
我的敗家日誌 Mrs Shopping Diary 網購優惠分享
29 May 2018 (Tue)
Day 1自駕路線: 青森→萱野高原→八甲田→城ヶ倉大橋→酸湯溫泉→奧入瀨溪流→十和田湖→野の花 焼山荘(溫泉旅館)
 |
| 油電混合嘅PRIUS |
今次係我同波生第一次自駕遊，其實我地去旅行盡可能都唔想自駕，其一係波生覺得放假應該係要休息， 唔應該浪費精神駕車，加上日本坐火車都好方便而且真係好舒適，行完景點之後可以係車瞓番覺真係快活過神仙。 不過計劃去十和田湖同奧入瀨溪流時，發現交通十分不便，加上要攞住兩個大行李就更加不便。所以最後決定都係要租車自駕2天，去十和田湖同奧入瀨溪流。自駕嘅好處就係可以控制好時間，可以去多幾個景點。
係酒店食完早餐就去青森Toyota攞車，攞車嘅Toyota青森安方店（あおもりやすかた）就係「青森縣觀光物產館」對面，酒店行過去唔洗10分鐘。
Toyota租車可以青森租八戸還，唔需要額外收費，不過係Toyota租車一定唔係最平。 駕車係油電混合嘅PRIUS，好新款下，駕車冇 handbrake，係用腳brake，波生話好唔習慣。
租車果日建議越早去攞車越好，我地9點前到達，沒有其他客人，大概30分鐘以內就搞定租車手續，之後開始多人就可能要排隊。
攞完車就番酒店攞行李，要向十和田湖出發。
 |
| 「萱野高原」 |
大約40分鐘就到達第一個中途休息站 「萱野高原」， 我地都入境隨俗飲杯免費的長生茶。
 |
| 長生茶~飲1杯長生3年、2杯6年、3杯長生不老! |
「萱野高原」到「八甲田纜車站」，大約10分鐘，八甲田纜車站前(ロープウェー駅前)」有個大型停車場。
 |
| 「八甲田山」~平整的山坡滑雪道 |
坐纜車上「八甲田山」， 車票往返¥1,850，呢度冬天係可以睇到霧冰樹(好想睇)。 唔係旺季，山上遊客唔多。
因為時間關係，我地決定只行路線圖上建議30分鐘的路線。 估唔到，行咗唔夠10分鐘就有驚喜。 眼前一片雪白，原來山頂積雪重未熔，積雪餘下嘅面積唔太大，不過已經令我好興奮，估唔到5月重可以睇到雪景。
之後又到「城ヶ倉大橋」，秋天有紅葉會更加靚。
Toyota 租車: https://rent.toyota.co.jp/
Mapcode 搜尋: https://www.mapion.co.jp/
八甲田纜車: www.hakkoda-ropeway.jp/
Next: 2018輕井澤+東北輕旅行~Day 4向十和田湖出發(下)~酸湯溫泉 &十和田湖
Previous: 2018輕井澤+東北輕旅行~Day 3青森港灣區半日遊
~住宿篇~
輕井澤(2晚) 輕井澤站前APA酒店＜軽井沢荘＞-->青森(1晚) HotelRoute-Inn Aomori Ekimae /ホテルルートイン青森駅前 -->奥入瀬渓流(1晚) 野の花 焼山荘-->一関(1晚) Hotel Sunroute Ichinoseki/一關燦路都大飯店 - ->東京(2晚) Yaesu Terminal Hotel Tokyo/八重州東京站酒店
Facebook Page: 波太的簡單生活
我的敗家日誌 Mrs Shopping Diary 網購優惠分享
