近期至愛~ 盜賊精油 (Thieves)

最近同朋友講起精油，朋友話佢幾個月前都開始用精油。因為近排流感疫潮，佢主要係用Thieves精油幫囡囡搽腳底，加強抵抗力，通常係番學前搽，等囡囡冇禁易係幼稚園到受感染。佢話女兒用咗之後真係少病咗，加上睇咗這篇“Bob太太 精油救命” ， Thieves精油嘅產品品質就更加有信心。

Thieves盜賊精油係由丁香(Clove)、肉桂(Cinnamon Bark)、迷迭香(Rosemary)、檸檬(Lemon)、尤加利(Eucalyptus Radiata)等精油混合而成。有殺滅細菌功能，能增強免疫力，殺死空氣中的病毒，及抗病毒特性。Thieves精油係源於十四世紀法國的一群盜賊在搶劫瘟疫病患者後竟然冇被傳染，原因係佢地用咗丁香、 迷迭香、 與其他芳香植物來保護自己而得以免疫。

我對Thieves好有興趣 (其實係我對所有天然殺菌劑都好有興趣)，所以上網查看是甚麼。發現外國有人做咗實驗黎測試究竟Thieves係咪真係可以殺菌，實驗証實Thieves真係可以殺菌。下面就係個實驗結果，Thieves plate 一粒細菌都冇。

(photo taken from this link: “Do essential oils like thieves really kill germs?” )

如果想知details，可以睇下條link:

“Do essential oils like thieves really kill germs?”

Thieves 精油係Young Living 其中一種皇牌產品，以我所知好多媽媽都有用佢。 我自己就幾鐘意Thieves 嘅味，不過其實我有少少潔癖，本身好鐘意聞滴露，潔而亮lee d清潔用品嘅味。我本身好喜歡聞香味，自問嗅覺比較靈敏， 所以對於難聞既感受特別強。我好怕去廁所時聞到臭味，一臭味就會覺得好唔舒服。所以當知道Thieves真係可以殺菌後，我就訂購咗Thieves spray ($90/bottle or $235 for 3 bottles) 。

我用Thieves spray黎消毒廁所同埋消臭，廁所嘅空氣實在有太多細菌，特別係平日用得最多嘅公司廁所。公司廁所好多時有一陣味，我會向個廁格按一至兩下 Thieves spray, 之後再等十秒，殺下d菌先如廁。果日係廁所撞到個同事，佢聞到都話好香。

Thieves 精油除咗可以搽腳底增強抵抗力外，重可以把精油加在水中用黎漱口減輕喉嚨痛，使用香薰機消除空氣中的細菌/驅蟲等等…其實Young  Living 精油用法好多樣化，我而家都不斷試緊!