愛婚享 (8) –B&B Wedding 波小姐的婚鞋 (二) 婚紗鞋@bibba

我一向都係一個鍾意簡單style嘅人， 所以婚鞋都一樣要簡簡單單的。我唔要著太高， 因為波生唔算高(不過佢好大隻) ， 廢事高過佢， 同埋我唔想著太高而令對腳受罪。

不過原來要買到對合心意嘅婚鞋係一件唔容易嘅事，我去過Sweet Poison, DYOS 同各大鞋舖都無睇中。直到我睇到一個準新娘嘅blog，她介紹咗對佢係bibba 買嘅銀色鞋，我覺得對鞋簡單得黎都幾靚，所以就去bibba睇下。我以前從來都未入過bibba ，一直都覺得佢嘅鞋唔係我style 。不過bibba對銀色鞋好plain，又唔貴，所以我就决定買咗先算。

原本諗住再睇下有冇更加靚嘅婚鞋，不過最終都沒有找到。

P.S. 本來我係Sweet Poison睇中一對水晶石涼鞋， 可惜對鞋有d石冇咗，又冇對新嘅。 個sell 孟話可以即刻幫我整番d石上去， 不過我冇理由買對有瑕疵嘅鞋番屋企。 個sell 知道我唔想買， 就孟問點解， 講到我唔買要俾個合理理由佢咁。 我諗正常人都唔會買， 點解我要同你交代??? Sweet Poison 我俾印像唔太好， 所以我冇再去睇!