最近讀物 ~ <斷捨離-打造能量屋篇 >

最近睇咗<斷捨離-打造能量屋篇 > 這本書。

書名<斷捨離 >所指嘅意思係:

斷=斷絕不需要的物品進入房內。

捨=捨棄家中累積的廢物。

離=脱離對物質的執著，身處寬裕而自在的空間。

好似我咁，其實我好想好想間屋可以簡潔一些，不過地方細而我又實在太太太鍾意買嘢，買到成屋都係無聊嘢，但係又唔鍾意掉嘢。 透過斷捨離，除咗間屋整齊咗，連我地嘅人生都會變得更好，好運更會降臨！

這本書有不少內容我都幾認同，好似係本書提到，如果擁有一套好靚嘅餐具，但係又唔捨得用，或者要等到特別時刻先用，而平時只用自己麻麻地喜歡嘅平價餐具，其實係反映緊你嘅自我形象。只會把昂貴餐具收起唔用，其實係反映你覺得自己唔配用貴嘢。所以要學會斷絕自己感覺一般嘅物品，只讓喜歡同珍藏嘅物品包圍著，咁可以令你提升你嘅自我形象，令你更喜歡自己，而你嘅人生就會愈快樂！

我自己都試過留起靚嘅包包唔用，而常用自己麻麻地鐘意嘅包包。有時買咗好靚衫，又驚會好快著舊而好少著。

我衣家學習緊只買有需要嘅嘢，同只買真心愛嘅嘢。今次轉季，我一口氣掉咗兩袋衫，我以前係唔會咁做嘅。我又會定期收拾office 嘅枱面，將睇完冇用嘅文件放入回收箱，公司張枱整齊D, 連事業運都會好D 。