繼續KFit ~ TRX

睇完上一篇<快樂運動…運動快樂>, 係咪都想做運動呢?

原本今個星期我想繼續上Nancy Zen Yoga, 不過今個星期堂瑜伽取消咗, 咁不如試玩新嘢…就去咗一間新centre上TRX。 

我之前都未玩過TRX, 只知道TRX係一條尼龍繩, 用繩輔助做運動。 上完一堂TRX, 就知道大件事!  TRX的原理係透過自身體量和懸掛訓練(suspension training)，提升全身肌肉的強度、穩定性、靈活性，對核身肌群尤其有效 (核心肌群其實係一個統稱, 包括腹肌，背肌，臀肌，大腿肌的部份都算是核心肌群 )。

TRX @Fit Lab

Fit Lab係一間好新的健身中心，有gym facilities，但係KFitter係唔用得gym facilities嘅,，不過對我又係冇影響，因為我唔like 做gym，以前去P字頭果間gym，我都淨係上堂，從來唔做機㗎。更衣室, 廁所都好乾淨。Fit Lab一樣冇sell我join會籍, 十幾人一班, 大部份係女仔。

TRX堂做咗好多深蹲Squats嘅動作 , 之後又做平板式plank (做plank嘅時候, 我已經冇晒力), 上完堂果晚已經開始感覺到大腿肌肉酸痛, 第二日大腿肌肉勁痛, 行路痛, 坐低, 起身, 落樓梯就更加痛, 不過第二日朝早我照上hot yoga。做hot yoga嘅時候, 我一樣照做yoga動作, 完全忘記咗肌肉痛, 加上熱力有助減輕痛楚, 都係果句…”肌肉痛係唔會阻止到我對運動嘅熱愛,”! 第三日手臂肌肉勁酸痛, 特別係右手臂, 繼續搽young living Deep Relief 係手臂, 幫助緩解酸痛, 繼續運動!

TRX (Fit Lab Facebook的照片)

~~

我真係覺得KFit Finess Pass勁適合我，可以揀去唔同嘅訓練班，又可以揀係邊到上，勁方便，重要唔洗簽contract，諗到這個idea 嘅人真係好聰明。

9月11号財經透視都有介紹KFit App:  財經透視 ~ 運動APP (2016 09 11)

~~~
KFitness Pass只要$699一個月 (第一個月只要$499, 記得填promo code“QKCVJ”先有折扣)，可以係香港over 6百間centre上10堂(跳舞/yoga/boxing/TRX)，1堂只係$70，仲可以用App預約，好平又方便！

另外用promotion code “QKCVJ” ， 第一個月可以減$200，所以第一個月只要$499，之後就每月$699。

如果有興趣，您可以下載KFIT app, 係”More” 位置, “Promo code” 輸入優惠代碼 “QKCVJ” ，第一個月可以減$200!

或click link:  https://access.kfit.com/invite/qkcvj?

Related Blogs: 

愛上了運動~~齊齊KFit

繼續繼續KFit ~ Hatha Yoga

勁燒脂~ Hot yoga & 80mins non-stop dance

Let’s start moving ~ KFit App健身 ($499上10堂dance&yoga)

Neo Derm Beauty Box ~ 三個月系列

又係時間update 下 Neo Derm Beauty Box , 其實應該幾個月前就要update 下大家，不過我冇時間。

係2016 年七月開始＜皇牌經典＞Beauty Box 已經加咗價(要$180)，所以我就改訂三個月系列Beauty Box。 三個月系列Beauty Box,只係 $360，就可以連續3個月收到一系列嘅護膚產品，而且有幾個系列俾你揀，好似有美白，保濕，防紋等等，系列會按季節天氣而改變。

每3個月就可以轉訂另一款系列***，非常抵玩，所以雖然我有好多護膚品，我都繼續keep 住訂。另外每月都會有120N$^ 積分，可以用積分係網站購物。  我通常用積分(再加其他vip promotion，例如好似衣時做緊買3件65折) 黎買Bioderma 卸妝水。
(^2016年10月、11月及12月號Neo Derm Beauty Box將額外回贈每月50N$積分(即每月170N$積分))

今期Beauty Box. 三個月系列有, 膠原祛紋系, 鎖濕提亮系 & 醒膚持妝系。我就訂咗鎖濕提亮系!

***(重要的事，要打3粒星*)當收第三個月嘅3個月系列Beauty Box後, 果個月嘅20至25日，你就要到「訂戶專區」>「您的Beauty Box」>「更改訂購計劃」自行更改轉訂另一款3個月系列，或者取消訂購。如果唔係個system 就會自動幫你轉訂【皇牌經典】Beauty Box！不過又唔洗擔心唔記得轉訂或取消訂，因為Neo Derm 會有SMS 提你！

~~~

訂購LINK:  http://www.ndbeauty.com.hk/BeautyBox?ref=K065267

( 如果想訂購Beauty Box, 可以click 上面條link。  同埋唔知可唔可以在「介紹人編號」一欄上填寫我嘅介紹人編號“K065267”  呢?   因為介紹人& 被介紹人(新訂戶only)都可獲額外獎賞架! 獎賞期期唔同, 今期 (活動日期:2016年9月26至10月25日) 送UA電影禮券乙張 (價值$50)，將於2016年11月的Beauty Box隨盒送上。 大家都會有!)

膠原祛紋系

鎖濕提亮系

醒膚持妝系 

快樂運動…運動快樂

近排心情好好, 成日都感覺好開心, 好輕鬆。我唔係話我之前覺得唔開心, 只係我近排覺得自己好唔同, 果份心情, 我唔知點形容, 解釋唔到俾你知! 心情好大概同我join 咗KFit App, 多咗運動有關。

我好知道點解運動會令到我感到前所未有既快樂, 所以我就上網搜尋下, 俾我睇到一篇報導, 解釋因為做運動會釋放快樂賀爾蒙 ”安多芬（Endorphines）”, 令人感到快樂, 而 ”安多芬” 這種物質係唔能夠係外間得到。

要身體釋放安多芬, 唔係求其跑幾步就得, 係要最少運動(中度運動)半小時以上, 要身體感到辛苦或痛楚既時候就會自動釋出。因為當運動至一定程度時, 我地既肌肉會有痠痛既效果, 身體就會分泌安多芬令痛楚減低, 令我地出現快樂既感覺, 這就是做運動令人開心既原因。 這完全解釋到點解我做到周身肌肉酸痛, 但係我都想繼續做瑜伽, 去跳舞, 從痛楚中感到快樂, 痛楚阻止唔到我對運動嘅熱愛！我終於明白之前有個同事同我講, 佢個個星期都去扒龍舟, 唔扒唔安樂, 佢話扒完勁累, 不過感覺好正。

我好想好想同大家分享運動後果種快樂, 因為join 咗KFit App, 令到我要迫自己一個月上10堂, 即係每星期要上2至3堂。 原本我以為這個係一個impossible 既task, 點知好玩既瑜伽跳舞堂係會令人上癮, 一開始咗就停唔到, 會成日心思思想去玩。

唔一定要好似我咁, 要join 咗plan先去運動, 其實著上波鞋, 走落街跑下步一樣得。做運動最難刻服果一刻就係要走出門口, 只要記住, 做運動係一件做咗永遠都唔會令你後悔既事! 大家齊齊add oil, 齊齊fit!

肌肉酸痛, 用young living Deep Relief 好幫到手, 幫助緩解酸痛!

~~

可以睇番篇報導: 做運動釋放快樂賀爾蒙

~~~
KFitness Pass只要$699一個月 (第一個月只要$499)，可以係香港over 6百間centre上10堂(跳舞/yoga/boxing/TRX)，1堂只係$70，仲可以用App預約，好平又方便！

另外用promotion code “QKCVJ” ， 第一個月可以減$200，所以第一個月只要$499，之後就每月$699。

如果有興趣，您可以下載KFIT app, 係Promo code 輸入優惠代碼 “QKCVJ” ，第一個月可以減$200!

或click link:  https://access.kfit.com/invite/qkcvj?

是時候寫聖誕卡, 給你助養的孩子 ~「宣明會 助養兒童計劃」

之前介紹咗「樂樂」「遙遙」助養計劃, 為公平起見, 今次介紹埋「宣明會 助養兒童計劃」。

 

剛剛收到World Vision寄俾我嘅信, 信內有張聖誕卡…(吓! 9月就收到聖誕卡? 唔係呀, 張聖誕卡唔係送俾我嘅), 其實 World Vision每年都會寄張吉卡俾助養者, 等助養者可以寫聖誕卡俾助養孩子, 而World Vision會代為轉送聖誕卡給你嘅助養孩子。

張聖誕卡都幾靚。

唔講唔覺, 我參加了宣明會助養兒童計劃已經十年了, 想當年剛剛出黎做事, 雖然人工唔高，不過我自覺好幸運, 應該回饋社會, 所以就選擇了助養兒童。當你成為助養者, 宣明會就會安排一名兒童接受你嘅助養 , 等你可以同佢建立一對一嘅關係, 而我助養嘅是一個印度女孩 。當年我開始助養時, 佢只有3歲, 現在已經13歲了!

助養捐款係唔會直接俾你助養嘅孩子, 捐款係會用黎發展孩子身處的社區，令生活環境得到長遠改善及可持續發展。每月HK$270, 我就用銀行戶口每月自動轉賬, 好方便。另外, 每年都會收到助養孩子嘅周年進度報告, 包括孩子的近照&基本成長狀況, 同埋全年捐款收據, 捐款可以幫人又可以減稅。

如果有興趣成為助養者, 可以click 下面條link了解下:

http://cs.worldvision.org.hk/child-sponsorship/

愛上了運動~~齊齊KFit

真係同番工一樣噤勤力，一有時間就想去上堂。近排心情好好，果種開心嘅感覺，我唔知點形容，總知就係發自內心的，唔知同做運動有冇關係呢？~睇完這篇 ”健身VS不健身：完全是兩種不同的人生！”&相片，更加要做多D運動！

年紀差唔多，有keep同冇keep真係好大對比。

Nancy Zen Yoga @ Emotion Dance Studio

星期六，我去嘅一間新centre 上瑜伽, 上課地點係响荔枝角香工嘅Emotion Dance Studio。

這間studio聽個名就知係主力俾人跳舞，都好新淨下，地方乾淨，同埋係小班教學，我上嘅係Yoga for Everyone, 主要都係做basic 瑜伽動作，練下平衡同伸展下咁，今堂得6個學生。

不過上yoga 同時，隔離大房有好多小朋友上跳舞堂，d音樂都幾大聲下，所以yoga導師冇播音樂。 一邊做瑜伽，一邊聽到d小朋友叫"yes…yes...yes, yes, yes"， 我覺得好攪笑，同埋當我做緊D好辛苦嘅yoga post 時，佢地好似鼓勵緊我咁！可能有人會覺得嘈，不過我就覺得可以接受(……可能我要求低，因為幾十蚊一堂yoga, 太抵！唔可以要求太高！哈哈！)。

外藉Yoga 導師好好笑容，係用英文教學，不過佢嘅指令非常清晰，唔會唔明白……做完第二日又肌肉痛，but I enjoyed it。

~~~
KFitness Pass只要$699一個月，可以係香港over 6百間centre上10堂(跳舞/yoga/boxing/TRX)，1堂只係$70，仲可以用App預約，好平又方便！

另外用promotion code“QKCVJ” ， 第一個月可以減$200，所以第一個只要$499，之後就每月$699。

如果有興趣，您可以click下面 link:

https://access.kfit.com/invite/qkcvj?

或下載KFIT app 輸入優惠代碼 “QKCVJ” ，第一個月可以減$200!

2015鹿兒島&宮崎特色列車行 ~ Day 5-2: 青島神宫&鬼之洗板

19 Dec 2015 Saturday

到達青島，其實已經過了午餐時間，所以我們決定一下火車，見到餐廳就立即入去，唔好諗。餐廳都冇英文餐牌，亦冇照片，所以點餐都係估估下，不過個店員都好 落力推介佢覺得好食的食品俾我們。我點了到宮崎必吃的炭燒雞和店員推介的烏龍麵。

餐廳

炭燒雞

食飽飽，又要行。海岸旁有鬼之洗板，島上有青島神社。

鬼之洗板

全靠對昨天波生幫我買的鞋,今天先行到!

青島神社 ~ 主要庇祐姻緣、安產和航海安全。我都買左好幾個御守。

青島御守

我好喜歡青島，好寧靜，感覺好comfortable 。

有一間HELLO KITTY專賣店，但我沒時間進去看，要去坐火車離開宮崎了。

最後一晚係鹿兒島係星期六，好多餐廳都好full，最後我地去左一間燒烤店食最後晚餐。

唔識日文，靠門口燈箱幾張照片黎order 食物。

Yummy!

係燒烤店晚見番「隼人之風」的車務小姐，佢重主動同我say hello。

Next:  2015鹿兒島&宮崎特色列車行 ~ Day 6: Last Day最後一天

2015鹿兒島&宮崎特色列車行 ~ Day 5-1: 「海幸山幸」& 飫肥城町

19 Dec 2015 Sat

終於有一朝可以坐定定黎食早餐，Book 酒店時已經book 埋早餐，有西式同和式可以選擇。

放完濃，行路都冇禁痛，加上換了對鞋(昨晚波生係宮崎市買俾我的)，就住就住慢慢行，繼續今日的行程。今日行程改了，只去兩個地方，原本想去的鵜戶神宮，今次唔去了。

一早去火車站，想問下「海幸山幸」係唔係有自由席， 因為係鹿兒島既時候想book指定席，不過一早full 左。點知一問，個職員竟然話再幫我check 下重有冇指定席，出奇地有兩個位，都話宮崎人真係好nice架la! 

如果冇位，我應該要企，因為得幾個自由席，一早已經俾人坐左。正常人企下冇問題，不過我腳跟唔掂得地，所以我真係好lucky!

海幸山幸

上到火車，終於知點解禁full，原來有日本電視台拍片，介紹「海幸山幸」這架特色列車。大部分位都俾電視台hold 左，我估其實我果兩個位原本都係留 俾電視台，只係個職員好人特登free兩個位俾我地。

今次旅行共坐了三特色列車，我就最喜歡白色加木紋的「海幸山幸」，乘坐的時候可以欣賞到蔚藍的日南海岸和鬼之洗衣板。海幸山幸列車其實是源自宮崎的神話，海幸彥與山幸彥兩兄弟，車務小姐還會在車上講解關於海幸彥、山幸彥的故事。

紀念乘車證

「食べあるき・町あるき」的飫肥城散策地圖

我們在飫肥下車，在車站旁的「飫肥城觀光案內所」買了份「食べあるき・町あるき」的飫肥城散策地圖，地圖有5張飲食/禮物兌換劵可以在城下町的店換禮物/小吃。

飫肥在日本素有「九州小京都」之稱，城下町仍保留不少江戶時代的建物，充滿歷史氣息。遊客好少，無得同京都比，不過日本學生哥都好有禮貌，見到遊客都會打招呼。

走到杉樹林內。

比鹿兒島，宮崎的人更加少去，火車班次比較疏，為了配合去青島的火車，只有不到兩小時在飫肥，所以行左一陣就要走了。

禮物

用禮物兌換劵換的禮物/小吃。

Next: 2015鹿兒島&宮崎特色列車行 ~ Day 5-2:  青島神宫&鬼之洗板

繼續KFit ~ Hatha Yoga

今個星期六日繼續燒脂!!! ~ 可以睇番上一篇 “勁燒脂~ Hot yoga & 80mins non-stop dance”

做運動嘅嘢, 好奇怪……我估好多人都會體驗過，唔做開果排雖然個腦好想去做運動，但係就好難刻服內心嘅懶魔，而真係換上運動衫，著上波鞋，走出門口去做運動！

不過，一開始咗做運動就會上癮, 成日心思思想去做。我現在就係咁，放工之後好想去上堂。

今個星期，等唔切到星期六再上hot yoga, 星期中又試咗一間新centre " The Peacock Studio "。其實我太耐冇做運動，上星期上上完hot yoga 之後已經周身肌肉酸痛，不過肌肉酸痛係唔會阻止到我此刻對運動嘅熱愛！

Hatha Yoga @ The Peacock Studio (Lai Chi Kok)

我去嘅係响荔枝角嘅studio。 這間studio 非常新，地方乾淨，同埋係小班教學。個門口係走型格風，因為全黑的門，又冇名牌，所以我揾咗幾分鐘先見到個地點。

Yoga 老師非常talkative，老師會續個咁糾正同學嘅動作，比較會take care 每個同學，我都有上過好多唔同地方嘅瑜伽班。大部分老師都唔太會好糾正同學嘅動作，所以我好appreciate 老師嘅熱心，同埋我完全感覺到佢對教學同對瑜伽果份passion。

1.5 小時嘅堂，唔係好dynamic, 做咗好多伸展，開下盤嘅動作，唔算辛苦，我覺得好適合放咗工去上，relax 下。

~~~

我真係覺得KFit Finess Pass勁適合我，可以揀去唔同嘅訓練班，又可以揀係邊到上堂，勁方便，重要唔洗簽contract，諗到這個idea 嘅人真係好聰明。KFitness Pass只要$699一個月，可以係香港over 6百間centres上10堂(跳舞/yoga/boxing/TRX)，1堂只係$70，仲可以用App預約，好平又方便！(希望唔好再加價la!)

9月11号財經透視都有介紹KFit App:

財經透視 ~ 運動APP (2016 09 11)

另外用promotion code“QKCVJ” ， 第一個月可以減$200，所以第一個只要$499，之後就每月$699。

如果有興趣，您可以click下面 link:

https://access.kfit.com/invite/qkcvj?

或下載KFIT app 輸入優惠代碼 “QKCVJ” ，第一個月可以減$200!

2015鹿兒島&宮崎特色列車行 ~ Day 4-2: 腳痛痛…去宮崎睇醫生

18 Dec 2015 Friday

原本安排早點到宮崎係想可以行下宮崎市，不過最後下午的時間都花在醫院裡。由火車站到酒店只是一條直路，正常行應該只需5分鐘，不過我痛住行，又好似行咗一世紀咁。我繼續死頂，用腳前掌行路 ，好痛。到達酒店，脫下鞋子後，我已經冇可能再行，我覺得我要去睇醫生，因為過多兩日先番香港，我明天和後天都唔知點算好。

波生去了問酒店職員邊到有醫生睇，酒店職員零英文，只可以用simple English 同body language 溝通。原來醫院好近酒店，坐的士去唔洗跳錶，醫院職員一樣零英文，講英文佢地都唔明我講咩。

所以我寫個 “燒” 字， 再指向自己腳跟，醫院職員就好像明白了，之後叫我除鞋俾佢睇傷口。

雖然語言溝通有困難，我們主要都是以寫漢字溝通，大至上都明白大家。醫院職員個個都好好，醫生幫我個水泡放”濃” ， 放濃既時候係好痛架，不過日本醫生手勢其實好好，因為後來我再係香港睇醫生，香港醫生幫我再放”濃” ，果次痛好多好多。

包好的腳跟

New Wel City Miyazaki Hotel ~ 酒店房間

酒店晚餐~味道一般, 不太好吃

睇完醫生，我們就番酒店休息，晚餐都係酒店食。原本我plan好今晚去食宮崎牛，不過行唔到去，要等下次。宮崎人真係好nice，所以我一定會再去宮崎!

Next: 2015鹿兒島&宮崎特色列車行 ~ Day 5-1: 「海幸山幸」& 飫肥城町

2015鹿兒島&宮崎特色列車行 ~ Day 4-1: 腳痛痛…去搭「隼人之風」

18 Dec 2015 Friday

一早起來，腳跟的水泡好像大了，非常痛。我覺得我根本唔係好行到，不過今日是要去坐「隼人之風」，之後再到宮崎。一早已經book 好宮崎的酒店。兩個人兩個大行李，我痛到行都好有困難，重點可以攞行李?

好彩我後晚由宮崎番到鹿兒島都係住同一間酒店，所以我就將一個行李留係酒店，後晚先攞番。

死頂…用腳前掌行路 ，行路行得好慢，雖然酒店只係在火車站對面，不過行過去好似行咗一世紀咁。經過今次，我更加覺得酒店近車站係好緊要。

全黑的「隼人之風」列車

今朝又冇時間食早餐，火車上吃便當!

「隼人之風」一天只有來回各兩個班次，今日坐車的人不多，只有十幾人。

由鹿兒島中央至隼人那段車程比較長，波生覺得悶。但係過了隼人站之後，就可以中途下車數分鐘，參觀肥薩線最古老的兩個木制車站，嘉例川站和大隅橫川站。這兩個站於1903年開站，至今已經超過100年的歷史。

嘉例川車站~很有韻味。

嘉例川車站

大隅橫川站在二次大戰期間，被美軍軍機機槍掃射，站內木柱上尚留有機槍彈痕。

大隅橫川站

霧島溫泉站

霧島溫泉站~可以在月台上買霧島特產，我買了兩個蛋糕。

其實我行唔到，所以我下車後都冇周圍行，我只係留在火車站。不過日本真係好好，職員會幫乘客在火車站影相，因為我太無聊，所以我不斷把相機交給車務小姐，等佢幫我影相。而波生完全冇理我，佢一落火車就周圍飛，因為每個站只停5分鐘，佢要把握時間影相。

車務小姐好好人，之後我們竟然係鹿兒島見番佢。佢同我地係同一間餐廳食晚餐，佢重主動同我say hello。

到達吉松後，我們下了車，等了一 陣，又上番車，坐回程車去隼人站再轉車到宮崎。到達隼人站要過對面月台轉車到宮崎，要上落樓梯，我記得落樓梯時，起了水泡的腳跟係痛得要命。今朝主力坐火車，唔洗點行，對於一個不良於行的人黎講， 這個行程安排得好好!

Next: 2015鹿兒島&宮崎特色列車行 ~ Day 4-2: 腳痛痛…去宮崎睇醫生