28 April 2017 (Fri)
回到函館火車站，趕緊去函館朝市食午餐，到達朝市已經一點半，沒逛就決定到一間在横丁市場入口位置的店吃新鮮毛蟹，另外再order 咗其他海鮮。
 |
| 新鮮毛蟹 |
第一次食毛蟹，肉質鮮甜，非常美味。毛蟹一隻大約7千yen, 後來番到香港，睇雜誌得知，係香港食要成千四蚊港一隻毛蟹，立即覺得日本真好，又想再去。
因為太晏到朝市，駅二市場已經關咗門, 冇機會逛。
今晚住湯之川溫泉，3點先可以check in，見有時間，波生想去睇手塚治虫展覽(2017年3月18日～5月14日) ， 地點就係火車站對面的一個商場。¥600入埸費其實有點貴，不過波生想睇就冇法啦！
場內展出咗不少手塚治虫的複製原件，這個展覽重有展出一些高科技，好似3D 打印等。
場館其實唔大，不過有個工作位置，有枱凳，可以用電腦，另外有漫畫和卡通俾你任睇，如果有時間可以係到hea半日都唔錯。
由函館火車站坐巴士到湯之川溫泉太約半個鐘，不過日本巴士細，根本冇位放行李，所以就算有位坐，我都要企，因為我要扶住個行李。如果有多少少budget, 我建議大家可以坐的士。坐的士10分鐘就到，太約2000円，兩個人每人1000円，我覺得可以接受。
我今次揀了一間比較新的温泉酒店(湯之川溫泉 笑 函館屋)，只有二十多間房間，一定唔會見到旅行團和大量亞洲遊客。到達酒店check in 後，我地在lobby 食免費雪糕和飲香檳。小休一會，我地就到函館熱帯植物園睇浸温泉的馬騮。
 |
| 函館熱帯植物園 |
其實猴子們應該可以自由出入公園，半開放式的，不過這裡好食好住，佢地應該唔會逃走。
 |
| 湯倉神社 |
到湯之川溫泉周圍行下，走到大街的湯倉神社，不過沒有人的。 之後再走到Aeon逛逛， 就回到酒店，因為約了7點在酒店食晚餐。
酒店的晚餐非常豐富，食到我地非常飽……飽到飯後要小睡一會先去浸溫泉。
Previous: 2017四月北海道賞櫻之旅 Day 3(上) ~ 漫步元町教堂群&金森紅磚倉庫
~住宿篇~
--> 函館(一晚) ルートイングランティア函館駅前 (Route Inn Grantia Hakodate Ekimae)
--> 湯之川溫泉(一晚) 湯之川溫泉 笑 函館屋 (EMI Hakodateya) --> 札幌(三晚) ホテルマイステイズ札幌アスペン(Hotel Mystays Sapporo Aspen)
No comments:
Post a Comment