情人節放閃

係咁嘅……今日3月14, 白色情人節,所以今篇係放閃文! 
😎
😍
😎
😍

有日，波生突然間問我係咪想買鑽石(我之前係有提過想買粒心形鑽石)，叫我去揀，話要送俾我。

咁男人話要送嘢俾你，一定要話好，因為佢真係想送俾你。呢個道理係我一個前上司同我講嘅。 所以我就答話“好呀，我揀完話你知。”

講番我呢位前上司，佢每次係情人節和佢老婆生日前都會好用心，特登早幾日去花店訂花送俾老婆，重一定要自己親身去揀。

其實佢話老婆都有叫佢唔洗送花，已經老夫老妻 ，不過佢覺得就係老夫老妻先要送，一年一次，佢好想表達佢對老婆嘅心意，好想為對方做d嘢。平日都冇送嘢俾老婆，加上佢老婆自己本身都搵到錢， 基本上唔洗用佢嘅錢。

聽佢咁講完， 我就明白有時候男人都想為女人做d嘢，想花下心思， 所以我一定唔會拒絕我老公波生對我嘅好意。

好似情人節咁， 年年我都會收到波生送嘅花，有女同事們見到就會話寧願叫老公慳番d錢，用黎食好d 或者叫老公折現。
但係我就覺得如果老公想送， 我一定唔會阻止佢，同埋我一定唔會叫老公不過如折現呢D噤實際而且噤唔浪漫嘅說話。

加上我好肯定波生唔會折現比我，因為噤做佢會覺得我太現實，下下只識講錢。其實我又真係好想知有幾多老公真係會折現比老婆？

老公係剛過去嘅情人節送俾我嘅花。

我和波生早前就一齊去咗揀心形鑽石，我都係選擇鑲做戒指。珠寶公司剛好係情人節(2月14)前鑲好隻心形鑽石戒指俾我，好閃呀。

太閃...影得唔太清楚

珠寶公司send 俾我張相, 比較影得清楚粒心形鑽石。