No Buy Challenge 唔買挑戰 ~ 開始

12/3/2020 Day 1 開始 

我決定一試No Buy Challenge，就係在一段時間內唔買嘢，不過我會由幾個類別(categories)開始，因為我冇可能樣樣都唔買 。 今次會先嘗試半年唔買挑戰，接著再檢示成效，因為對於我這個shopperholic ，唔買係非常高難度，我沒理由去set 一個我自己冇可能會成功的目標，所以先試半年再說，我會每月會報進度。 

Category 1 ~ 護膚化妝品 

我第一個諗到的類別就一定係護膚化妝品。因為我之前實在買得太多，有排都唔會用得完，加上每次買又會送sample 或者travel size，原本就話留番這些細細枝旅行時用，但係現在將會有一排去唔到旅行。 

規則好簡單， 就是用完一枝先買一枝新嘅 (即係replacement only)，目的是要用完家裡現有的存貨, 包括samples和travel size 。 

分享我的一部分未開的存貨: 

Fancl 缷妝油有3枝未開，另有1盒EVE Lom 和Neom缷妝膏，重有兩大枝bio derma 。  

洗面膏，用緊枝shiseido，應該都有排用, 另外有幾枝未開細枝的贈品。 Hand cream 又有好幾枝。 

爽膚保濕水，我就最少存貨。只有一枝Omorovicza 皇后水。 

精華方面，有一枝glycel 美白，clinique Vit C和shiseido 紅色精華未開。  

面霜都好多存貨，因為剛剛見有online 優惠而買了，clinique 粉色啫喱 1盒, clarins night cream， clarins lotion, glycel 美白day cream 和 Laneige sleeping mask。  

Paper masks 至少有50片，另外有其他 mask未開。  

重有一大堆護膚化贈品試用裝我冇影。 我覺得除咗爽膚水，眼精華等少量產品要保貨之外，其他都應該一年內唔洗再買。 

化妝品亦都有一堆未開。 

Category 2~書籍 

第二個categories 是書籍，我實在用太多時間煲劇而冇放時間睇書，所以我唔會再買新書直到我睇完所有未睇的。另外老公一樣買了很多書，我會把他買的也包括在內。這樣應該可以2至3年唔需要再買。 

先分享下有那些現貨:

好鐘意chanel 包包， 所以買了這本Coco Chanel The Legend and The Life 

之前看完刻意練習，超喜歡，就買了這本完美練習。 

 另外重有一大堆書未睇我冇影。 

Category 3 ~衣服 

我覺得衣服和零食我要放在一起，因為衣服方面實在有太多太多，好多因為我肥胖了而唔啱著或者自己認為著得唔好睇，所以我決定唔再買衣服。其實只要我瘦番少少 ，我就已經可以著到勁多衫， 唔需要再買。

Category 4 ~ 零食 

因為肥， 所以都唔會再儲零食，即係唔會再買定放在家中 。零食對身體一點好處都冇, 又多致癌物質，都係少食為妙，屋企冇貨就唔會有誘惑。

寫住咁多先， 因為大多我只會實行唔到，再想到有其他我先再補充 。