2013 西葡十天匆匆遊 (2) - 塞維爾 (Seville)

Day 3 - 2013.09.30 (Mon) - 塞維爾 (Seville)

離開Lisbon，正式向西班牙出發，我地第一個要去嘅西班牙城市係塞維爾 (Seville)。 今日嘅車程係全個旅程最長嘅，需要大約6小時。

到達塞維爾，已經係中午過後。

今日主要去咗”塞維爾嘅西班牙廣場”同”塞維爾大教堂”。

西班牙廣場(Plaza de Espana)係為咗一九二九年萬國博覽會起嘅。

其實西班牙有好多個Plaza de Espana, 塞維爾lee個應該算係最靚同最真具特色嘅。

塞維爾大教堂 (繼續外觀拍照) 。

Dinner食中餐，lee餐應該算係西班牙最唔好食嘅中餐。

Seville係西班牙嘅Flamenco Dance嘅發源地，所以飯後就去咗欣賞Flamenco Dance (團費已包)。

我自己就用欣賞嘅角度去睇人地跳舞，話晒人地都用好多時排練，Flamenco真係唔容易跳。不過有d團友就唔係太有禮貌，就算黎唔識欣賞，都應該靜靜地坐係到，lee d係對表演者嘅基本尊重，唔應該表現到好唔耐煩咁!

佢係台柱，跳得好靚，我覺得佢個樣好似Jodie Foster!

2013 西葡十天匆匆遊 (1) - Lisbon

2013.09.28 to 2013.10.07 西葡十天匆匆遊 

今次我同波生去西葡係跟團去，因為我地冇時間plan行程。其實我麻麻地鍾意跟團，好怕遇到同D麻煩團友，今次就遇到個super麻煩嘅女人，遲下再講。

話就話十天遊，其實得八天，因為搭飛機頭尾都用咗兩日，不過旅行社係當十日計。

Day 1 - 2013.09.28 (Sat)

我地晚上九點到機場集合，搭BA十一點幾機直飛倫敦 Heathrow Airport，之後再轉機至葡萄牙Lisbon。

Day 2 - 2013.09.29 (Sun) - Lisbon

經過差不多13個鐘頭機程，到達Heathrow Airport，我 lee D shopping queen, 又點會放過任何一個shopping嘅機會呢? 襯轉機有少少時間，我係Harrod's買咗個袋。

一朝早就到達Lisbon, 機程大約3個鐘頭，我地第一個景點去咗貝倫塔 (Belem Tower)，航海紀念碑 (Monument to the Discoveries)，同埋吉隆尼摩斯修道院  (Jeronimos Monastery) ，不過全部都係外觀拍照。

貝倫塔

航海紀念碑

吉隆尼摩斯修道院

食咗個正宗葡撻，個葡撻真係好好味，去到一定要試下!

lee 間賣葡撻店係Lisbon最出名架，係吉隆尼摩斯修道院附近，好多人排隊買，不過我個團每人已經包咗一個葡撻，所以我地唔洗排。好其實我想encore個葡撻, 可惜太多人排緊，同跟團基本上係冇自由嘅，因為自由時間太少，所以放棄冇買到！

午餐食中餐，味道好一般（不過之後去到西班牙，果到d中菜更唔好食），如果有得揀，我一定唔會係外國食中菜，不過好多團友都係上咗年紀嘅人仕，我估旅行社行量過，中餐比較適合佢地。

午飯後就出發去羅卡海峽(Cabo De Roca)，羅卡海峽係歐洲大陸最西端，去之前天氣重幾好，可惜上到去，突然間風雲色變，大風大雨又大霧，攪到咩睇唔到，真可惜！

本來我重想感受下葡萄牙詩人賈梅士嘅「地之盡頭，海之開端」(去之前波生重不斷幫我惡保景點資料) ，e家祇係感受到大風同凍。

之後再去咗兩個廣場(Rossio Square& Comercio Square)，不過我對呢兩個景點冇乜印象，天氣實在太差，好大雨，好凍，加上星期日，大部份舖頭都冇開，所以我都懶得影相！

晚餐食過馬介休，就回酒店休息，其實大家都好倦，jet lag， 時差七小時！