[漫畫] 同級生是肌肉君 & 青雲書店(推推~支持小店)

讀中學嘅時候，我都好鐘意睇漫畫。我好鐘意小甜甜，柴門文系列（such as 東京愛的故事, 同班同學，愛情白皮書），重有白鳥麗子。不過香港已經冇乜漫畫店，想買都唔知去邊到買好。

最近我發現長沙灣竟然有間書局，重可以租書，租書又平又環保，所以就入會租漫畫。

青雲書店 ~ (青山道)香港昌華街23號富華廣場12號舖

入會費只係三十蚊，重要係永久會員，而大部分漫畫都係$2至$4 本，租3日2夜。我其實有些潔癖，攞起舊書會覺得手痕, 所以我主力租新書（租新書會貴一兩蚊本），貪佢少人睇過。
另外重有小說租，我就唔係好識係咩小說，因為我未見過街有得賣，不過我見好多阿姨租黎睇。

<同級生是肌肉君>只有兩集

好想介紹平我剛剛睇完嘅漫畫＜同級生是肌肉君＞俾大家！這本漫畫其實都幾無聊，不過好得意又有少少攪笑，又有些愛情元素！

本漫畫係講一個是一個勁大隻既高一新生，爆龍碎優(即是主角肌肉君），佢從小因為自己異於常人的外表，所以從來都冇朋友，好lonely。直到一日有個女同學辻園春子主動同佢say hi, 佢就認定對方是朋友。

每次爆龍碎優發嬲（每次發嬲都係為左保護春子），佢嘅肌肉就會膨脹，之後爆衫，而肌肉收縮就做出衝擊波去打抵敵人(絕招“肌肉碎”)。

而女同學春子其實係個肌肉癡，所以佢好鐘意肌肉君抱佢。

睇到我介紹既劇情……係咪都覺得好無聊呢？不過夏天熱到呢~weekend 留係屋企嘆冷氣，邊飲可樂邊睇漫畫，relax下……好正呢！

***

青雲書店(青山道)

香港昌華街23號富華廣場12號舖

Google Map