Monday, 26 February 2018

2017四月北海道賞櫻之旅Day 2(上) ~ 櫻花未開的函館・五稜郭

27 April 2017 (Thu)

原本是打算坐8.40am那班火車到函館，可惜昨天買票時已經冇晒指定席坐位，所以就改坐了9.30am的火車到函館。

札幌火車站食早餐，再係札幌火車站買了便當就上火車，瞓下，聽下歌，睇下日劇，再食埋便當就到達函館，其實4個鐘頭的車程都唔太難捱。

到達函館站已經1.30pm, 到酒店ルートイングランティア函館駅前放低行李就出發到五稜郭公園。

先上五稜郭塔，從高空欣賞整個星型堡壘五稜郭。護城河沿岸種植了約1600棵櫻花樹，可惜早到咗幾日，五稜郭公園的櫻花還未開，今次無緣見到充滿粉紅色的五稜郭公園。

櫻花雪糕

櫻花雪糕~其實只係粉紅色的雪糕，有一點藥水味，不過味道唔太差！

之後沿住護城河行咗大半個圈，欣賞一下未開的櫻花就離開！

好彩幸運小丑漢堡對出都有幾棵滿開了的櫻花樹，非常漂亮，令我不用失望而回。

References:

五稜郭塔

http://www.goryokaku-tower.co.jp/html/index/tw.html

Next: 2017四月北海道賞櫻之旅Day 2(下) ~ 夢幻迷人的函館山夜景

Previous: 2017四月北海道賞櫻之旅Day 1 ~ 札幌啤酒園

~住宿篇~

札幌(一晚) 三井ガーデンホテル札幌 (Mitsui Garden Hotel Sapporo)

--> 函館(一晚) ルートイングランティア函館駅前 (Route Inn Grantia Hakodate Ekimae) --> 湯之川溫泉(一晚) 湯之川溫泉笑函館屋 (EMI Hakodateya) --> 札幌(三晚) ホテルマイステイズ札幌アスペン(Hotel Mystays Sapporo Aspen)

Wednesday, 21 February 2018

2017四月北海道賞櫻之旅Day 1 ~ 札幌啤酒園

26 April 2017 (Wed)

好期待今次賞櫻之旅！早上九點機，五點半就起身準備。
上機前，係機場food court食早餐。

今次去札幌又係坐香港航空，不過今班機竟然冇entertainment, 冇電視冇歌聽...我以為自已坐緊廉航! 我張機票要成4千幾蚊呀!

生果早餐

買機票時我揀咗生果早餐，一早已經係機場食了早餐，所以我覺得係機上食生果幾好。

今班機比預定時間早咗差唔多一個鐘到達札幌，原本的抵達時間是3點3，不過我地2點半已經安全到札幌……好啦，今次我就原諒香港航空班機冇電視睇啦！

到達札幌站，先去買明天去函館的火車票，原本是想買3天的JR Pass(札幌去函館已經要 ¥8,830, 所以來回已經要 ¥17,660)，不過職員話我只來回札幌和函館，不用JR Pass (3-Day pass ¥16,500)，我地買優惠來回票就可以了，比JR Pass 便宜。優惠來回票的費用是基本車票 ¥9,000+指定席車票 ¥3,110x2，所以總共來回車費是¥15,220/person。

今晚住的是三井ガーデンホテル札幌酒店，到酒店check in 後，我地就出發去第一個景點，就係札幌啤酒園和博物館Sapporo Beer Garden和Museum 。主要係想食成吉思汗烤羊肉，東急門口有88号巴士直達，比搭地下鐵方便。

東急門口~88号巴士

札幌啤酒博物館

札幌啤酒博物館~啤酒鍋爐

札幌啤酒博物館介紹咗札幌啤酒的歷史，裡面有啤酒鍋爐。

牆壁上展出的是各時期的廣告posters。

參觀完博物館之後，我地就去由紅磚砌成的開拓使館的Kessel Hall 食成吉思汗烤羊肉晚餐。開拓使館原本係製糖工廠和製麥工廠。

開拓使館的Kessel Hall ~好大煙

吉思汗烤羊肉~羊肉放係菜上面烤

我地叫的是¥3,900 的任飲任食餐，個餐包兩款羊肉和野菜，一款是沒有腥羶味的羔羊肉（未滿一歲的羊）和成年羊肉，另外有多款啤酒汔水俾你揀。

吉思汗烤羊肉嘅食法同平時食開嘅燒肉好唔同，要先放野菜係鐵板，之後再放羊肉係菜面，咁樣烤出黎嘅羊肉唔會噤熱氣。

羊肉完全沒有羶味，我平日都唔食羊，不過我覺得人一世物一世，咩都要試下！作為落機第一節目，我個人非常推薦去札幌啤酒園，而成吉思汗烤羊肉都值得一試。

References:
札幌啤酒園

札幌去函館超值票券

Next: 2017四月北海道賞櫻之旅Day 2(上) ~ 櫻花未開的函館・五稜郭

Previous: 2017四月北海道賞櫻之旅~ 2017日本北海道櫻花情報

~住宿篇~

札幌(一晚) 三井ガーデンホテル札幌 (Mitsui Garden Hotel Sapporo)