波太的簡單生活 : 2019佛羅倫斯與羅馬假期~Day3-1 比薩斜塔Torre di Pisa 遇扒手

Sunday 29 December 2019

2019佛羅倫斯與羅馬假期~Day3-1 比薩斜塔Torre di Pisa 遇扒手

13 May 2019 (Mon)

今日去睇比薩斜塔，由Florence SMN坐火車到Pisa Centrale車站，車程1小時。去比薩的火車是普通火車，唔洗預訂火車票，當日早上係售票機到買就得。步出Pisa Centrale車站後，公車站就在出面，搭公車由Stazione (Pisa Centrale) 到Torre (Pisa P.Za Manin)下車就到達比薩斜塔。

火車票

公車

一直都覺得佛羅倫斯是頗安全的，因為在火車站、各景點周圍都會見到有軍人和軍車，軍人苛槍實彈，之前擔心嘅搶劫問題應該就唔會發生。就是因為感覺安全，很容易就會失了戒心，波生就好安心將個銀包放在位於大髀位置的褲袋，他重自信滿滿的話有人偷銀包他一定會知。去比薩斜塔的公車非常擠迫，除了遊客，也有本地人上上落落，一落車波生就發現銀包不翼而飛。

佛羅倫斯同羅馬真係勁多扒手，買火車票時，連火車站的售票機都會提你小心扒手。我自己好小心，一見人多就會將個袋抱係心口，我一向去旅行都係用背包，為了今次旅行，特別買了個crossbody 包。近年時常去日本旅行，日本太安全，完全不用擔心會有扒手，波生就失了一般去旅行時應有的戒心!

比薩斜塔是在奇蹟廣場Piazza dei Miracoli上，另外還有比薩主教座堂Pizaa Del Duomo (Cathedral) ，聖若望洗禮堂Battistero (Baptistery) ，比薩聖墓園Camposanto (Cemetery) 和博物館Sinopie Museum。

比薩主教座堂

又係一早在網上預訂了比薩斜塔的門票，門票18歐元，只book 到12點，所以先參觀比薩主教座堂Pizaa Del Duomo (Cathedral) ，門票已經包埋主教座堂入場費。其他需要另外買門票，所以沒有參觀。

聖若望洗禮堂

在奇蹟廣場上，大家都擺出各種姿勢與比薩斜塔合照! 比薩斜塔係一個要好準時到達及入場的景點，早到同遲到都唔準入場! 上比薩斜塔前一定要將所有袋放在locker，因為唔可以帶背包、袋或手提包上塔，參觀完主教座堂，又沒有什麼好做就想早點到衣帽間放袋入locker，點知職員話只可以15-20分鐘前到來寄存。

預訂了12點入場就一定要12點前到比薩斜塔門口排隊，過錯了入場時間就唔俾入，其他景點好像沒有那麼嚴格。

衣帽間隔壁有間手信店，有postcard 和郵票賣，門口又有郵箱，寫完postcard可以寄埋，好方便。距離上比薩斜塔還有一段時間，所以我就買了3張明信片寄俾朋友和自己。

比薩斜塔原本是比薩主教座堂的一個鐘樓，1372年完工，但係在工程開始不久後，便由於地基不均勻和土層鬆軟而傾斜，過去大眾曾一度以為鐘樓是故意被設計成傾斜的。比薩斜塔曾在1990年停止開放，經過11年的維修，斜塔被扶正44公分，專家認為經過修復的比薩斜塔300年內將不會倒下。登塔前，要接受安檢，工作人員會使用金屬探測器逐一檢查參觀者。