2023-01 東京周邊遊 Day 5-1 ~ 日光兩天自駕遊 - 日光山輪王寺

11.01.2023 (Wed) 

每次去日本旅行，我都盡量想去些未去過的地方，世界好大，時間好少，我要睇多啲這個世界。N年前睇過一篇blog介紹日光，所以我一直都想去日光看看。日光有世界遺產的二社一寺，包括二荒山神社、東照宮和輪王寺，還有有好著名的三猴雕刻，去日光還可以順便浸溫泉。

 

由東京站出發去日光，最方便就係搭乘「新幹線なすの」到宇都宮 ，再轉乘「日光線」到JR日光站。車程約2個小時，雖然新幹線車費好貴，但年紀大旅行就想舒舒服服，去旅行唔應該計住計。我哋是買了 JR東京廣域周遊券（JR TOKYO Wide Pass)， 但因為會在日光住一晚，所以其實單獨買東京來回日光的車費跟Pass的價錢差不多。一張3日Pass，兩天用了來回日光，另一天用來去江之島。但好不幸，波生在去江之岛之後竟然不見了張pass, 所以最後又多買了一張，浪費了成萬yens。

今朝先在東京車站的”為治郎”食雞湯拉麪做早餐，我覺得這碗雞湯拉麵比‘’銀座篝‘’那碗更好食。 

到達日光後，我哋到Toyota rent a car攞車，開展我哋的日光兩天自駕遊。第一站我哋先參觀日光山輪王寺。 日光山輪王寺不是指一個寺廟，而是日光山內的本堂（三佛堂）、中禪寺、大猷院、塔等15個支院的總稱。買了本堂，大猷院和寶物殿的聯票，買聯票會比三張票分開買平一點。 我哋先去寶物殿參觀，寶物殿展出多件佛教寶藏，文物和藝術品，但因為裡面禁止拍照，所以我已經唔大記得裡面有什麼特別展品，但我對寶物殿旁邊的逍遙園就印象深刻。

逍遙園是輪王寺自己的寺廟花園，園內栽種了同的植物，中央有一個魚池，環境非常寧靜。冬天淡季，加上疫情後剛剛開關，遊人唔多。 

三佛堂前的「金剛櫻」，樹齡估計約500年。 

三尊佛的網上相片

日光山輪王寺本堂（三佛堂）裡面供奉三尊高達7.5公尺的巨型木造金箔佛像，亦為日光各名山的三守護山神：男體山的馬頭觀音、女峰山的阿彌陀如來、太郎山的千手觀音。殿內禁止拍照，三尊佛的相片是我在網上找到的。 

Next: 

Previous: 2023-01 東京周邊遊 Day 4-2 ~ 江之島一日遊 - 岩屋