13 March 2021
唔知點解?
去唔到旅行, 瑜珈唔開 , facial唔開,多了數時間留在家中, 理應好多時間做下平日沒時間做的事, 但我反而覺得好忙! 沒時間寫遊記和blog(年幾沒去旅行, 但"2019愛爾蘭與北愛爾蘭之旅"都重未寫完), 沒時間幫間屋"捨離斷" (屋企東西太多, 好亂呀!), 沒時間在家做運動, 總之整個人感覺懶洋洋。在家狂煲劇, 重要只煲不用思考的甜寵劇, 真係差不多睇到智商下降。
等到最近, 瑜珈同facial都開番, 我覺得人生終於有番希望, 我都開始想update 下這個blog, 順便也記錄一下我的H包包故事。
宅在家中那段日子, 係FB被不少Hermes包包燒到, 思前想後….好想要個Lindy 26! 但係代購價錢真係貴貴, 令我止步, 而且又怕買到A貨 (其實我有從代購手上買過H包)!
不跟代購買, 只能在專櫃買, 上網做了一番research後，發現大家都話Lindy有機會walk in都買到, 所以星期六係CWB做完facial後, 我就決定到利園 Hermes碰碰運氣。
當頭便問有沒有Lindy 26，售貨員就立刻答覆「沒有貨, 想遇到一個都好難架!」。之後我再問有沒有Garden Party 或者Herbag。
剛好另一位售貨員正在開盒, 打算將Herbag包包放display, 售貨員就問我要唔要。 我當見到個包包時, 心情有一點點興奮, 因為這個跟我前陣子在代購做FB live時見到的一模一樣, 當時我有考慮要不要跟代購買, 但好快被其他人秒殺了。 雖然不是心儀的 Lindy, 但也難能可貴，一分鐘內我便下了決定。
之後售貨員問我要不要配twilly (但只剩下一千零一條, 真誇張連twilly 都缺貨!), 之後又問要不要絲巾和H散子包, 我通通都說不要。 我覺得這都是配貨的一種, 如果我有配少少貨, 可能佢都會同我交換電話, 因為我什麼都說不要, 所以我們做不了朋友。 我決定下次再去問有沒有Lindy 26時先再配twilly!
題外話, 其實已經是我第二次被offer Herbag, 第一次是兩年前在羅馬機場, 當年我對Hermes 不太認識, 沒有研究, 一心只想要個picotin, 售貨員說沒有, 但拿了個藍色Herbag給我看(其實都靚), 當時我沒有買, 但之後勁後悔!
返到香港之後, 發現原來想買個Herbag都唔係易, 最重要係羅馬退稅後價錢平香港好多, 所以今次一見到這個啡色系的Herbag (是我喜歡的顏色, 如果係紅色系我就應該不會買), 我就立即決定要, 我唔要再做後悔的事。
 |
| Herbag Zip 31 |
介紹一下個Herbag~通常大家叫她做Herbag Zip 31 (尺寸31cm), 比最初1998推出的設計後面多了一個拉鍊袋, 最大特色是參考了Kelly包的設計款式，以帆布拼配皮革，而價錢只是Kelly的1/4。
上面翻蓋的部分是單層牛皮(vache hunter), 下面袋的部分是帆布, 是雙色帆布。
帆布出面的顏色是fauve (一隻我覺得好似gold 的顏色, 好想要個gold colour 的Lindy 26, 最好是金扣pls!), 裡面是magnolia色。 而後面和內附的小袋的顏色剛好雙反, 出面是magnolia色, 裡面是fauve色。
 |
| 後面 |
 |
| 每個拉鍊的尾端都會有個小小的H。 |
 |
| 包附銀配件 |
對於大家最想知的價錢~我在香港專門店買是HK$20700, 而我見代購賣HK$24800。
買Hermès應該是一個微妙的過程, 大家都有不同經歷和體驗。而大家會分享購買心得, 如何配貨和討論怎樣才拿喜歡的包款, 真係每個愛馬仕包包背後都有故事, 我覺得成件事好神奇。果然是全世界行銷最成功的品牌！
難怪有YouTuber話愛馬仕比婆媳問題更複雜!
