Monday, 20 October 2014

愛婚享 (7) – B&B Wedding Facial@SK2 Beautique

在影pre-wedding前的大約一個半月, 我join咗Sogo Club SKII Beautique 嘅facial package, 為了影輯靚靚pre-wedding 做好準備。

SKII Beautique 有好多款 facial treatments, 我通常都做最基本的那幾種, 好似保濕、美白咁。Facial會全部用哂SKII 嘅產品, 重有少量產品市面冇得賣。

在做facial前, 美容師都會俾杯花茶我飲。我通常做的 treatment 大約90分鐘，果時六百幾蚊，包洗面,針清,修眉, 肩頸按摩, 敷paper mask (包face & eye兩個 masks)。全程都好舒服, 冇乜花巧嘢, 只會用少量儀器 (好似洗面刷, 導入儀等)。

買果時買咗個九千蚊treatment value有八折, 每次可以就皮膚狀態選擇唔同款嘅 treatment, 再在package扣錢。有個美容師知道我就結婚重主動幫我book時間, 非常好人!

結婚前一共做了十三次, 婚後只做了一次, 用晒treatment value, 我就冇再join, 因為婚後搬了去新界北, CWB對我嚟講太遠。

下一篇: 愛婚享 (8) –B&B Wedding 波小姐的婚鞋 (二) 婚紗鞋@bibba

Saturday, 18 October 2014

愛婚享 (6) – B&B Wedding律師證婚@葉謝鄧律師行

證婚的律師是在會展的婚展搵的，當日婚展的證婚律師counters其實不多，比較出名的就只有葉謝鄧。

當我聽完葉謝鄧律師行的職員介紹後，我已經差不多立即決定要搵葉謝鄧。因為佢地除咗用自己firm嘅律師(partners) ，, 律師係證婚時重會帶埋助手。
我見過朋友結婚, 個律師證婚時冇人幫，酒店嘅職員又冇幫佢，個律師又要做主持，　又要將份結婚文件遞來遞去，　結果場面好亂咁。所以我一聽到會有助手，已經唔洗諗，一定要搵葉謝鄧！

律師行的職員問我們喜歡怎樣的證婚style… 輕鬆，嚴肅，正經，攪笑…我同波生喜歡正正經經的律師，一定唔要攪笑的。職員介紹了謝連豐律師給我們，還播放了他做的video給我們看。

結婚當天，律師跟助手準時到達酒樓，整個證婚過程很smooth，唯獨是我以為宣誓時是律師讀一句，我跟讀一句，所以我這文盲没有做好準備，没好好的把那篇誓詞温習，當我在台上讀誓詞時顯得有點"甩咳"！

葉謝鄧不好的地方，就是約好了時間到律師樓辨文件，但上到去還是要等(我没有去，波生自己去的)。波生話明明約了時間，但在律師樓等上大半個鐘才有職員幫助。香港就是這樣，明明約好了時間，經常也要等很久。好像昨天我預約了時間看醫生，但等了一個小時多才見到醫生，很過份。

下一篇: 愛婚享 (7) – B&B Wedding Facial@SK2 Beautique

Friday, 17 October 2014

愛婚享 (5) – B&B Wedding波小姐的嫁衣 (二) 外影婚紗 – Sweetheart心型領口婚紗@淘宝

之前我已經提過，結婚當日，除了裙褂外，我還穿了三件婚紗和兩件晚裝，婚紗和晚裝全部都是買的。

其實未決定買婚紗和晚裝之前，我和波生都有去過中環和尖沙咀的婚紗店 (下次再分享那幾間婚紗店)，試穿過婚紗和晚裝，可惜沒有一件令我覺得心動，不過其中也有一件吊帶婚紗和一件紅色晚裝其實我是頗喜歡的。

那件我頗喜歡的吊帶婚紗, 是在中環的一間婚紗店看到的。大部分婚紗店只有無肩帶款式的婚紗，而我一直對吊帶款式的婚紗情有獨中，特別是我覺得自己膀頭寬，有吊帶會比較顯瘦。不過那件婚紗其實已經俾人著到殘殘地，單租一件婚紗都要三千幾，我覺得有點貴和不值！

我覺得婚只會結一次，盡可能都要著新的婚紗 (而且阿媽都想我結婚時著新衫) 。加上市面又得好少吊帶款式，所以我就開始在網上找。在淘宝，我找到了一件古典lace吊帶婚紗，我非常喜歡，跟我心目中想要很接近，不過價錢有點少貴，所以我決定在淘宝先訂一條比較平的，看看淘宝婚紗的quality，那件比較平的(一千人仔)，訂購時其實還沒想到要在什麼時候穿 (一直都是買了先算..哈哈)，後來才決定穿來外影。

這件就是穿來外影的心型領口婚紗。婚紗用料主要是歐根紗，是小魚尾款式帶小拖尾，設計簡潔和修身。

淘宝Model照，個Model又瘦又高，點著都靚。(淘宝店名可以在照片上看到的，如果想知在那裡買，自己上淘宝search下啦!)

婚紗的真實效果(穿在我身上) 。

現在回想，覺得自己當時的心態有點奇怪，因為這件 ”外影婚紗” 和那件 ”古典吊帶婚紗” 其實是在不同淘宝店買的，不知道為何我會覺得在這店買會看到那店的quality。

這件婚紗的用料不錯，跟我在婚紗店看到同類型的quality差不多，我估如果要租都要二千多元。在淘宝買婚紗，最怕就是不合身，因為如果要在香港改衫，其實是很貴的! 我沒有特別定制個人尺碼，只根據尺寸說明，訂了標準M碼, 而婚紗後面是綁帶的。不過這件婚紗出奇地fit身，完全不用改。加上婚紗後面是綁帶的，只要合身型，其實婚前肥少少和瘦少少都唔會影響效果，比定制更加好。有朋友試過因為婚前的兩星期突然瘦了很多，到結婚當天，她那件(無肩帶款式)晚裝的上圍完全不合身，因為婚紗晚裝都要差不多兩星期前預先度身改的。

~ 完 ~

下一篇: 愛婚享 (6) – B&B Wedding律師證婚@葉謝鄧律師行

Monday, 13 October 2014

(2) 一週年 ~ 英國之旅May 2014: Day 1 ~ 2014-05-22 (Thur) ~ Edinburgh 愛丁堡

坐了差不多十三個小時飛機，終於到達Healthrow Airport。因為好早(大約朝早六點幾) ，人唔係太多，好快就已經辦好入境手續。(題外話~ 係行李區，我見李國寶，佢當時坐住輪椅，同行重有佢果位高貴嘅太太。)

離開機場，我同波生就坐underground到King’s Cross station，再坐火車直接去愛丁堡。

係King’s Cross火車站食早餐，等上車。

好好味，外國嘅麵包特別好食!

到達愛丁堡Waverley Station已經是下午(車程太約四個半多小時)，直接到hotel check in。由火車站步行到酒店(The George Hotel)不超過十分鐘，好方便。

今天先到Waverley Station附近的Calton Hill看看。

可以看到愛丁堡新、舊城景觀。

Nelson Monument

City Observatory

晚飯去了Mussel Inn，朋友推介的。我一早在網上book了枱，因為時間比較早，餐廳重有pre-theatre menu 供應。一個2-course meal (starter + main course)只係 10.95英鎊， 3-course meal (starter + main course + dessert)都係13.95英鎊，好抵食。

頭盤，我選了Smoked Salmon Spring Rolls。波生選了Chowder。

主菜, 我選了1/2 kilo-pot of mussels , 波生選了Fish and Chips 。

青口真係好鮮味，fish n chip 都非常ok。

波生的甜品Light Strawberry Cheesecake

***

The George Hotel

http://www.principal-hayley.com/locations/scotland/george-hotel/

Calton Hill – Edinburgh New Town

http://edinburghguide.com/parks/caltonhill

Mussel Inn: http://www.mussel-inn.com/

***

Next: (3) 一週年~ 英國之旅May2014: Day 2 ~ 2014-05-23 (Fri) ~ 向Isleof Skye出發

Previous: (1) 一週年 ~ 英國之旅May 2014: 行程篇

Tuesday, 7 October 2014

DIY手工皂

我覺得自己體內積聚咗大量毒素, 其中一個原因係食物。香港嘅食物樣樣都有毒 … 精製食品, 大陸製嘅劣質食品, 根本避無可避) 。而另一個原因可能係我用嘅清潔護膚品含有太多化學物質, 我地每一日用嘅食嘅都有毒素…我地全部人都在慢性中毒中!

我每年都至少花三萬蚊買護膚品, 不過皮膚質素一直都冇點改善到。反而有朋友只用basic steps 嘅護膚品, 沒有用特別貴同有特別功能嘅護膚品, 皮膚質素根我差不多。

我開始想用比較天然嘅護膚品, back to basic。

原本我係想學自製護膚品, 不過護膚品嘅原料同配方都比較複雜, 所以決定先去學手工皂。我希望可以從自製手工皂開始, 逐步逐步去自製大部分家用身體清潔劑和護膚品。

自製手工皂嘅好處係唔洗添加任何人工色素、香精同防腐劑。只要成份就只係油, 水同KaOH 。

手工皂班Level 1時整的手工皂 , 等了一個月多, 終於脫模, 不過重要等等先用得。