部隊鍋(自家煮)

我好耐無煮過晚飯, 一直都是波生煮晚飯的，不過近排他好忙，冇時間煮，所以我們做了無飯夫婦兩個多星期。

上星期日去了快餐店吃部隊鍋，一個2人鍋要$150，另加一個即食麵$10，鍋物分量不多，我食完都唔覺飽。

其實部隊鍋真係好易煮，我諗同一個價錢，我可以享受一個分量多一倍的部隊鍋。

我決定自己煮, 用30分鐘煮，好似Jaime Oliver的30mins meal …不過他的30分鐘可以煮好多味餸，我煮的只是一鍋罐頭。

材料:午餐肉，香腸，菜，金菇，泡菜，公仔麵，年糕 (隨意加自己鍾意食的材料)
湯: 牛肉湯粒2粒，韓式辣醬1茶匙，辣粉少許(公仔麵的那包)，醬油1茶匙，鹽，糖，胡椒粉各少許

韓式公仔麵

部隊鍋真係好好味，不過好邪惡, 只可以間唔中食下！