初二攝太歲@蓬瀛仙館

9 Feb. 2016

每年新年我都會去攝太歲，就算我果年無犯太歲, 我都一樣會照去。去開唔去，個心羅羅戀咁。

之前好幾年我都是去圓玄學院的，不過今年決定改變下，去了蓬瀛仙館。圓玄學院越來越多人，排隊坐van 仔上山已經要等差不多一個鐘。上年在太歲廟內因為太迫，又有人打占，重有人詏交添，所以今年我先諗，不如去下第二到。

蓬瀛仙館係粉嶺mtr 站隔離，好方便。原本諗住入到廟先買太歲衣(我鍾意官方的太歲衣，因為我一向都在圓玄學院裡買)，不過行了一圈都找不到有太歲衣賣，所以又走番出門口，係門口的攤檔買。

太歲衣$18 份，已包3支香。

容祖兒example

跟阿姐俾的容祖兒example在太歲衣填上自己個名，出生的年月日和當人日期(唔知容祖兒係咪真係81年8月8日生呢？) 。拜太歲的元辰殿係4樓，我跟住牆上的拜太歲程序做，用心祈求，之後再添香油。

拜太歲程序

好多免死金牌，今年一定平平安安！

拜完太歲後，我就踏好份太歲衣，之後就要化寶（即係燒衣）。有職員幫手將太歲衣放入化寶爐，好安全，見個職員禁幫忙，我就俾咗封利是佢。係圓玄學院就要自己放入化寶爐，不過個化寶爐好大火，所以個個都會遠距離飛份太歲衣入化寶池。

拜太歲完畢！祝大家新一年平安大吉，事事如意！

蓬瀛仙館

http://www.fysk.org/religion.php