Thursday, 26 January 2017

2016廣島冬日行～住宿篇(2) ~ 錦水別莊 (kinsui-villa)

廣島冬日行共六天，住宿安排如下：

廣島(三晚) Hotel New Hiroden (新廣島電鐵酒店) --> 宮島(一晚) 錦水別莊 (kinsui-villa) --> 大阪 (一晚) Hearton Hotel Nishiumeda (ハートンホテル西梅田)

宮島 ~ 錦水別莊（kinsui-villa）

今次旅行的其中的一個重要目的，就係要看看嚴島神社的大島居，為咗唔洗趕著離開，所以我們要係宮島住一晚。我們的旅館「錦水別莊」就係宮島桟橋斜對面，步行只要一分鐘的距離，位置勁方便。我同波生都非常滿意今次住錦水別莊一泊二食的體驗，推介大家都在宮島過一夜。

我是在Rakuten Travel日本website (樂天)訂的，¥31320 一晚，一泊二食 (包晚餐&早餐)。訂房時可以選擇晚餐的菜式，我只選了最便宜的 “和混洋菜膳”。

我們住在五樓的山景閣樓房，應該是最便宜的房型。閣樓房的下面是廳和洗手間，上面是睡房。雖然房間不大，不過感覺舒適。

閣樓睡房

睡房

洗手間正常，偏細。

其實今次係我同波生第一次住一泊二食的旅館，所以我們對晚餐是相當期待的。我見大部分日本人都係穿著浴衣去食晚餐的，基本上我今次係錦水別莊遇不到香港或台灣遊客。

Welcome Drinks

「冬の和混洋菜膳」基本上是蠔宴，大部分菜式也有蠔的，所以訂房時我沒加錢選擇食蠔宴是正確的。

「冬の和混洋菜膳」

晚餐時serve我們的日本小姐，態度很親切，不過她基本上是零英語的，而我們是零日語的，不過我大概估到她跟我說什麼，大概係介紹下菜式同可唔可以上下道菜。

牡蠣釜飯

自家製甜品

道道菜都好她味, 好豐盛的一餐!

飯後休息一會，我們就換上浴衣去浸熱湯。 Lobby有個位置是放浴衣的，男女都可以選一款自己喜歡的浴衣。

錦水別莊的大浴場

錦水別莊的大浴場也是在五樓，不過錦水別莊的「湯」純粹只是熱水，不是溫泉。有一半時間浴場只有我一個人，我可以一個人獨佔整個浴場。其實要同人玉帛相見, 我覺得有少少尷尬，所以今次浸熱湯，人少少，我覺得好好!

至於早餐, 會坐番同晚餐同一張餐台, 除了餐台上擺的，還有自助吧台區，提供沙拉、果汁、咖啡、茶等等。

錦水別莊：http://www.kinsui-villa.jp/index.html

靚靚利是封2017

話咁快到農曆新年，又要派利是。今年只係換咗少量利是封，不過之前已經有些利是封存貨，應該都夠用!

ESD life利是封好靚，靚到唔捨用! (抽獎中的)

多謝阿嘈嘅祝福, 阿嘈手字好靚!

一田~滿$500換一包，每次限換10包
(一包兩款，共10個)

Fancl~滿$800一包三款，共6個

新都會廣場~滿$500一包三款，共10個

SK-II ~滿$3000，一包共8個(原本係要買$3000先送, 不過最後我買支$1280神仙水 sell 姐姐都送俾我)

屯門市廣場~滿$1000，一包兩款，共6個

Wednesday, 25 January 2017

網購益生菌@iherb + US$5快閃折扣

iherb 又有快閃折扣, 經過以下鏈接購買產品, 就可以有US$5折扣。折扣將於2月01日星期三上午2時到期。

http://hk.iherb.com/?pcode=PROMOJAN&rcode=LSJ555

今次想介紹California Gold Nutrition的益生菌, 這款益生菌有8 Probiotics Strains (有50億菌), 是non-GMO, Gluten free, Dairy free和Soy free, 獨立包裝。

之前用試驗價 (trial price) 買了10粒California Gold Nutrition 的益生菌試試, 老公試後勁讚, 佢話原本有少少肚痾, 食完立即好番。老公食完10粒後, 問我重有冇, 所以今次我係iherb再買。HK$70一盒有60粒, 一日一粒, 夠食兩個月。

California Gold Nutrition, LactoBif Probiotics, 5 Billion CFU, 60 Veggie Caps

~~~

iherb係一個US購物網站，賣嘅產品主要係天然有機嘅產品品，e.g.護膚品，彩妝，日用品，營養補充品，其他有機食品等等。　香港有得賣嘅產品係iherb訂真係平好多，另外iherb有好多香港冇得賣嘅產品。重要買滿US $60以上 (大約HK$470) 就免運費 (以前要俾運費架，免運費只限用SF順豐速運)，一星期到就收到貨。

iherb link + US$5折扣:
http://hk.iherb.com/?pcode=PROMOJAN&rcode=LSJ555

iherb每個日同每個星期都會有產品有額外折扣，好抵架!

另外iherb有個Loyalty Credit既積分回贈計劃，每次下訂單，您會收到Loyalty Credit積分等於訂單價值的5％。下次購買時，你可以用積分當錢洗買iHerb產品，積分有效期為60天。

益生菌到底有甚麼好處, 可以參考: 美肌食物2 ~ Probiotics益生菌

Tuesday, 24 January 2017

新髮型 2017

keep 住咗長直髮好耐，終於係過年前換了個新髮型。

Thursday, 19 January 2017

2016廣島冬日行～住宿篇(1) ~ Hotel New Hiroden(新廣島電鐵酒店)

廣島冬日行共六天，住宿安排如下：

廣島(三晚) Hotel New Hiroden (新廣島電鐵酒店) --> 宮島(一晚) 錦水別莊 (kinsui-villa) --> 大阪 (一晚) Hearton Hotel Nishiumeda (ハートンホテル西梅田)

廣島~Hotel New Hiroden(新廣島電鐵酒店)

Hotel New Hiroden 就在JR廣島車站附近, JR廣島車站南口步行約5分鐘就到達 (冇帶行李計)。

根據我個人的經驗, 酒店地點一定要方便方便方便 (重要的事要講3次), 如果旅程中要轉酒店的話(好像我這次住了3間酒店), 酒店一定要近JR站, 盡量減少需要搬動行李的路程。我個人認為搬行李是一件辛苦事, 特別是上年去鹿兒島旅行時腳傷, 更加覺得酒店地點很重要。

我是在Hotel New Hiroden website 直接book 的, ¥27000 三晚, 不包早餐。

房間不大，就兩張單人床，小小的電視及桌椅。

日本茶包及咖啡包、熱水瓶等基本配備供應。

洗手間用品，也正正常常。

環境也清潔。員工英語還可以。

Lobby

新廣島電鐵酒店除了鄰近廣島車站外, 附近還有LAWSON和郵局，對面就有一間7-ELEVEN。

Wednesday, 18 January 2017

網上書店~博客來(開箱文)

人大咗, 越來越來鐘意睇書。人生有好嘢我諗唔通, 特別係在婚後, 人有點迷失,睇書幫助我解決到唔少生活上的困擾。每次逛書局, 當我見到有趣的新書, 我都會買定先, 等待有時間時再攞出來睇。

上一次, 逛香港誠品時, 見到徐若瑄的新書 ”我的倒頭栽人生”, 已經好想買, 不過要HK$227.00, 太貴了。見今次台灣網上書店「博客來」港澳`新加坡會員有200元台幣E-Coupon限定優惠, 可以用黎保貼運費, 所以我決定試下網上買書。

台灣買番台灣出版的書, 一定比香港平。以徐若瑄的”我的倒頭栽人生”為例, 「博客來」只售537元台幣 (HK$大約135), 真係比香港誠品平好多。

至於運費方面, 價錢都合理喎:

1至2本~運費都係210元台幣,

3至4本~300元台幣,

5至6本~380元台幣,

7至8本~470元台幣。

(P.S. 每筆訂單限購最多8本。)

訂購流程與運費說明，請參考香港、澳門便利店取貨。

我係星期五12點前落單, 星期一就收到SMS話可以到7-11 取貸。

博客來的紙箱~裡面有泡泡膠包住書, 書本狀況正常。

今次買了這幾本:

博客來: http://www.books.com.tw/

Monday, 16 January 2017

年尾還太歲@圓玄學院

15 Jaunary 2017 (Sun)

又就快到農曆新年，今年年頭去了蓬瀛仙館攝太歲（有興趣可以睇番：初二攝太歲@蓬瀛仙館)，年尾又係還太歲嘅時候，今次去圓玄學院。

其實我係十幾年前開始已經有去圓玄學院拜太歲嘅習慣，想當年剛剛出黎做嘢，運氣麻麻，又同男友分手，所以好朋友就叫我一齊拜太歲，就係咁我就開始差不多年年都去，基本上冇犯太歲都會照去，買個安心。

雖然想當年好年輕，不過朋友對拜神嘅事好熟。這個朋友之後結緍生仔，冇時間再陪我去，近年重已經改信了主，更加唔會再去。之後我就開始同另一個朋友去，不過佢都已經係四年前移咗民。所以近這幾年我就開始同老公波生去，今次都係佢提我，我先記得要還太歲！因為好多時，我都係年頭一次過做晒兩樣嘢，還同拜太歲，不過咁做，波生話唔夠誠意，所以佢話要分兩次去。