賀生自助餐@Café Kool

阿哥生日，收到銀行寄來的生日優惠，優惠之一就係九龍香格里拉大酒店 Cafe Kool (閣樓)自助餐8折禮券加送2磅裝蛋糕一個。

我家人都好喜歡食自助餐，所以就決定一試Cafe Kool午餐自助餐。基本上這一餐除了幫阿哥慶祝生日，我地當埋做冬飯，同埋慶祝聖誕節。

Cafe Kool自助餐的凍海鮮選擇都幾多，有凍蝦、兩款蟹腳、東風螺、凍蟹、青口、蜆等等。海鮮都非常新鮮，如果喜歡食海鮮，真係好易食回本。

甜品雪糕和沙律吧都一樣有好多選擇。不過至愛食甜品的波生就comment 話甜品味道普通。

另外有即叫即煮的意粉、叻沙麵。我覺得叻沙麵唔錯。至於熱葷，選擇就比較少，有燒味、粥品、蒸餃、叉燒包等。不過基本上我冇點食過熱葷。

吃到飽飽，禮券送的2磅裝蛋糕應該吃不下了，不過原來蛋糕係可以帶走的。

價錢方面成人 $490一位，包飲品一柸。 用埋8折禮券，5個人埋單要差不多$2200，唔算平。