英國有機香氛品牌~Neom Organics London

睇開我blog都知我鍾意用有機的產品，最近又認識了一個英國有機香氛品牌Neom。 Neom最出名係香氛蠟燭，聽聞連英國皇室都在用Neom香氛蠟燭，吸引到我這個平民都想一試Neom。 

唔知有冇人好似我咁，對氣味特別敏感，好多時別人聞唔到的氣味，我都會聞到。我細細個已經好鍾意聞香氛，以前讀書的時候，我會係自己間房燒香氛油。 以前好鍾意Body shop的一隻叫white musk (白麝香)的香氛油(fragrance oil) ，不過我依家唔會再用fragrance oil。 

Fragrance oil 都唔係天然產品，係合成產品，聞得多對身體有害。我好怕聞到臭味，基本上我對臭味係零容忍。每次聞到臭味，我心情都會立即變差，而那臭味會留在腦海裡久久不散，而我整日的心情都會被影響。 

 Neom的其中一個最大的賣點，就是使用全部天然的材料，不使用人工香精或石蠟，對身體一定無害。而且純正有機的香氛精油，可以使身心靈回到平靜，令人徹底的放鬆。 

Neom有幾個系列，包括De-stress，Sleep，Happy，Clam & Relax等等。唔同氣味有唔同功效，睇個名都好易知自己需要那個系列。 

今次係網站購入英國Neom的3樣產品，包括Real Luxury Body Scrub， Happiness Scented Candle (Travel) & Tranquillity Intensive Skin Treatment Candle。 

Real Luxury Body Scrub £34.00

Real Luxury Body Scrub係屬於De-stress系列的身體磨砂， Real Luxury香氛成分包含法國薰衣草、茉莉花及花梨木等24種精油可以幫助減壓。按摩身體前，先將磨砂膏放在掌心，用鼻子聞一聞，Real Luxury的香味是淡淡的，香味有助放鬆減壓。  

磨砂係organic sugar base，由有機糖製成，唔係塑料膠粒(Plastic microbeads)，唔會污染海洋。有機糖係浸在紅花和荷荷巴油中，磨砂除去老舊角質，用完之後皮膚光滑，但是又唔覺得乾。 

Neom Happiness Scented Candle (Travel) £16.00 

Happiness香氛蠟燭， 成分包括Neroli橙花精油 ，含羞草Mimosa精油 ，Lemon 檸檬精油。我今次買的是只有1個燈芯的Travel size(75g)，價錢平一點，我主要是想試一下Neom香味。 因為是單燈芯， 只可以係間房到用，燒大約15分鐘就聞到香味，燃燒的時候不會有黑煙。

Happiness蠟燭係清清的橙花檸檬味，我聞到都真係有點快樂的感覺。 有時候我沒有點燃蠟燭，只聞蠟燭都覺得好香。 Neom香氛蠟燭有一款是有3個燈芯的(420g)，價錢是travel size 的三倍，比較適合大房間，我下一次都一定會買這款3個燈芯的，我真係好鍾意間屋香噴噴。

Tranquillity Intensive Skin Treatment Candle( £36)

至於Tranquillity Intensive Skin Treatment Candle 係一瓶美肌香氛蠟燭，唔止係香氛蠟燭，蠟燭燒完重可以護膚。 蠟燭係由植物蠟油，可可脂和杏仁油製成， 另加入英國薰衣草、甜羅勒及茉莉等19種精油。 當我知道Neom 有這個香氛+美肌2 in 1的夢幻產品，我立即要買。不過我重未試用，用過後我會再介紹。 

~~~  
Beauty Expert網站:

https://www.beautyexpert.com/

介紹大家去Beauty Expert網站到買，價錢平過香港之餘，送香港免運費。