事隔一年多，我先醒起我仲未記低我人生第一次去食米芝蓮3星餐廳這件大事...但有心唔怕遲，依家再次回味同朋友一齊嘅美好時光！
事緣上年我得到一個新工offer，所以朋友就提議不如食餐勁嘅賀一賀一佢。
朋友係外地回港探親，今次留足3個多月，
佢話係歐洲食3星餐廳好貴，但係香港食平好多，特別係lunch set 。大家一把年紀都未食過，所以就決定一齊去食。
朋友揀了這間位於置地歷山2樓嘅
8+1⁄2 Otto e Mezzo Bombana。佢係意大利以外唯一一家獲得 3 星的意大利餐廳。
我們點了3 Courses，選擇不算多，但勝在用料精緻！
先送上麵包盤，共有3種，包括麵包棒、脆片及一款麵包。三款包都好食！
開胃菜係哈蜜瓜凍湯，味道清新。
 |
| Cavatelli |
我選了這個Cavatelli ，都算係佢地signature 嘅paste，但係我覺得個粉太硬，但龍蝦肉同海膽質素幾好嘅。
甜品方面，因為我唔食有奶嘅食品，所以餐廳就幫我整咗個有金簿嘅無花果，新鮮無花果好味！
朋友的Warm Apple Puff，佢話好味！
除了甜點之外還有petits four (我冇食）。朋友話petits four 有驚喜，好smooth 同creamy ！
8+1⁄2 Otto e Mezzo Bombana 嘅地點、環境、食物、招待都係一流，俾客人有星級餐廳嘅感覺。
No comments:
Post a Comment