2024 三人同行東京之旅 - Day 3 銀座購物美食

 2024-01-26 (Fri) 

今朝食早餐的地方叫做Silk Road，聽個名都知應該是在80年代開的，由一對公公婆婆經營，就在我地的酒店附近。價錢非常抵，500yen一個餐，已經有沙律，麵包，蒸蛋和紅茶。 

今日去銀座，主力shopping同 eating 。 第一站去了Celine，我買了條belt，朋友就買了個Triomphe 包包，價錢比香港平好多。 中午去了銀座篝（かがり）試試好出名的雞白湯拉麵。已經過了午飯時間，只排了一陣就有位。 朋友出發前話佢表弟大力推介這間的拉麵好好食，同埋一定要試松露雞飯。 我地3人都一定致覺得個雞湯好肥好油膩，應該加了好多cream，根本不是雞湯，松露雞飯一樣唔好食。 我完全唔明為何這個拉麵會有那麼多人推介，其實當我見到門口的店員英文很流利，已經知道這間店應該只有遊客會。這些年，我已經不會再相信網上推介來選餐廳，我比較喜歡行到邊食到邊。 在銀座再周圍逛逛，年紀大，行得多好攰，加上對鞋唔係好舒服，下次唔好傻，一定要著對舒服嘅鞋。 

在harbs 食完了tea，又去了Dior，朋友買了銀包，我就買了圍巾。之後又去了shiseido 銀座名買手信，我差不多忘記了shiseido 有餅乾食品賣。想當年我是shiseido 超級 fan 屎，常常都會參加shiseido在cwb beauty centre 舉辦的化妝班，那個centre有銀座店的食品賣。 

Teppan-Yaki 

朋友一早book了在ginza 6的Teppan-Yaki 食晚餐，我地是點了個full course meal(16,000 yens)。這裡環境幾靚，但食物就一般。 我覺得只有和牛好食， 龍蝦煮得太老，鮑魚又好星。不過食一次就冇所謂啦，同朋友去旅行最緊要開心～ 

是日我的戰利品

Next: 

Previous: 2024 三人同行東京之旅 - Day 2東京迪士尼樂園

2024 三人同行東京之旅 - Day 2東京迪士尼樂園

2024-01-25 (Thu) 

今朝擾擾攘攘，終於到達食早餐的餐廳。這間餐廳有不少遊客，我就好鐘意食日本飯糰。 

今日去東京Disneyland，其實我對於樂園的興趣不大，因為十多年前已經去過一次東京Disneyland，只記得遊客非常多，受歡迎的遊戲都要排長長的隊，我最怕排隊。 

朋友第一時間要玩這個付費遊戲，倆位朋友都好勁，二人都贏了個cushion,，只有我贏唔到。 

我地都玩了不少遊戲，但是其實所有遊戲都是差不多的，都是坐在車上看不同的disney場景，最長排了太約30分鐘。 天氣好凍，全日都在室外走走，有太陽時都還可以接受，天開始黑就感覺特別凍，我地就決定要離開disneyland。 

 離開前，我地去了行商店街購物，我買了兩盒朱古力，因為個盒好靚，忍不住就買了。 因為某國人炒賣disney公仔，所以原來現在想買公仔要抽籤排隊，唔怪得我只見到Winnie the poon 可以任買。 

年紀大的我覺得行足一日好疲倦。 晚餐去了松屋，估唔到個燒肉幾好食喎。 

Next: 2024 三人同行東京之旅 - Day 3 銀座購物美食 

Previous: 2024 三人同行東京之旅 - Day 1 淺草相撲火鍋

2024 三人同行東京之旅 - Day 1 淺草相撲火鍋

2024-01-24 (Wed)

好懶散，但又好忙，完全提不起勁都寫blog。 

今年一月和倆位舊同事去了6天東京，行程都是輕輕鬆鬆的，感覺沒做過什麼，只是飲飲食食和shopping，跟同老公去旅行很不一樣但一樣開心。 

為今次旅行買的新喼

(舊喼在上年去波蘭時爛掉) 

一早到機場，人山人海的，排隊check in 的counter 人很多。原以為用了自助辦理登機櫃檯，自己印行李牌可以不用排隊託運件行李，但原來是癈的，一樣要去排隊託運行李，仲要同其他人沒有做self check-in 的人排同一條隊，完全是浪費時間。 

敏華早餐

機上提供的是light meal

去了敏華食早餐。同朋友去旅行，做事都好慢，食完早餐後，行到gate原來已經夠鐘上機。 機上提供的是light meal，味道不過不失。但機上沒有entertainment，但沒所謂，因為我眼瞓。 到達日本，上火車前買了柸starbucks 咖啡。 

今晚在淺草食相撲火鍋(迷你版)。 

Chanko-Beya Asakusaちゃんこ部屋 浅草店 

回酒店途中又去買了鯛魚燒，之後又去7-11行下。同朋友去旅行好free，晚晚都行到好夜先返酒店。 

機票HK$3161 (HK airline) 

Next: 2024 三人同行東京之旅 - Day 2東京迪士尼樂園

Previous: