2024-05 挪威的森林之旅 Day 2-1 奧斯陸一日遊 ：中央圖書館、歌劇院、孟克美術館、阿克斯胡斯城堡、奧斯陸王宮

11.5.2024 (Sat) 

今日天氣好好，藍天但冇白雲，個太陽好曬。我哋非常幸運，10天旅程中都是天朗氣清，而且天氣和暖。 奧斯陸中央圖書館 Deichman Bjørvika，奧斯陸歌劇院Oslo Opera House和孟克美術館Munch Museum 都在同一個地區，而且好近火車站。食完早餐就由酒店出發，用腳展開今日的奧斯陸一日遊。 

奧斯陸歌劇院

Floating sauna

奧斯陸歌劇院最大的特色就是灰白色斜面屋頂，屋頂向海延伸成一個好大的傾斜廣場，大家可以自由行上去屋頂看風景。 著名的floating sauna就在奧斯陸歌劇院對面，一早已經見到有人在開party。 

Munch Museum

The Mother

Munch Museum外面有個雕像The Mother，今次就沒有時間入內參觀。奧斯陸其實都有好多博物館值得去參觀，可惜時間唔夠。如果我哋在Bergen 或Stavanger 只停留一晚，擠多一天留在Oslo 就可以參觀多幾個博物館。但年紀大，波生教識我去旅行唔應該太趕，唔想每晚都轉酒店，所以今次每個地方都留兩天(除了在Flam)，去旅行就係要放慢腳步，我哋目標唔係為打卡而打卡，去旅行係可以hea D。 

奧斯陸中央圖書館

圖書館cafe 

奧斯陸中央圖書館可以入內免費參觀，圖書館裡面的環境寧靜優美，可以在裡面邊看著美景邊看書應該好正，而且仲可以帶埋嘢飲嘢食係裡面飲食。波生話有點眼瞓，所以提意在圖書館cafe 飲柸嘢休息下，我就點了柸咖啡。 

我哋沿着海旁慢步走到阿克斯胡斯城堡 Akershus Fortress 。天氣好，風景好靚。 

見到一大班人在Norwegian Parliament Stortinget前面的廣場示威，應該係支持烏克蘭。 

國王 Karl Johans 騎著馬的英姿。 

經過 Karl Johans gt.大街，到達奧斯陸王宮 (Det Kongelige Slott)。原本是想睇王宮衛兵交接儀式，但因為我看錯時間，我以為是在12點半舉行，但原來衛兵交接儀式是每天的下午1點半，因為唔想浪費時間等，所以就放棄了。 

無意中見到商場裡面有個Palette Food Hall，我哋就決定在這裡食lunch。又係用QR code 落單和直接俾錢。 我叫的是燒牛肉飯，好味喎。 

Next: 2024-05 挪威的森林之旅 Day 2-2 奧斯陸一日遊 ： 奧斯陸國家美術館 & 阿克爾碼頭 

Previous: 2024-05 挪威的森林之旅 Day 1 維格蘭人生雕刻公園 Vigeland Sculpture Park

2024-05 挪威的森林之旅 Day 1 維格蘭人生雕刻公園 Vigeland Sculpture Park

10.5.2024 (Fri) 

下午時分到達奧斯陸，一落機已經可以購物。過關時間非常長，因為得兩個counters ，加上如果同行有小朋友和傷殘人士的旅客可以優先過關，我哋就不斷被尖隊。每個旅客過關時間亦都比較長，入境時都會被關員問好多問題（特別是單身女子）， 我哋都被問了幾條簡單問題才放行。 

我哋係坐flytoget到Oslo S，非常方便，又有地方放行李，雖然坐vy火車價錢平一半，但方便最緊要。 

到酒店放下行李，就立即出去走走，先到維格蘭人生雕刻公園 Vigeland Sculpture Park。成個公園都是綠悠遊的，相比起紅葉，我更喜歡清新的青色樹葉，好有生氣。

公園有超過200個座雕像，都是挪威著名雕塑家 Gustav Vigeland 的作品，每個雕像的姿勢和表情都好獨特，用以透過雕塑來表達人生中的喜怒哀樂。  

著名雕像 The Angry Boy 

 Oslo Cathedral 

回到奧斯陸火車站，又參觀了奧斯陸大教堂 Oslo Cathedral 。奧斯陸大教堂於 1694-1697 年建成，是挪威王室與政府用於婚禮與葬禮的教堂。 

奧斯陸之虎 

晚餐就在酒店隔離的餐廳解決，原來Oslo同香港一樣用QR code點餐 ，下單後直接用信用卡俾錢。 

P.S. 原來Oslo 當晚有極光，但可惜我哋好攰一早就瞓咗，所以睇唔到。可惜！ 

Next: 2024-05 挪威的森林之旅 Day 2-1 奧斯陸一日遊 ：中央圖書館、歌劇院、孟克美術館、阿克斯胡斯城堡、奧斯陸王宮

Previous:2024-05 挪威的森林之旅 Day 0 向奧斯陸出發

2024-05 挪威的森林之旅 Day 0 向奧斯陸出發

9.5.2024 (Thu) 

想當日原本是計劃去丹麥和瑞典，但因為睇了本介紹北歐四國的旅遊書，發現挪威的風景好靚，所以就轉頭挪威懷抱。之前唔知有冇提過呢？我哋去旅行好隨意，諗到想去邊到就去邊。 

今日放工就立即回家，冲完涼就出發到機場。晚上8點多就已經到達機場，check in之後就到翠拉麵小籠包食晚餐。 過關之後就是等待上機，因為早到機場，所以感覺等了很久才上機。 

我們要先到杜拜，再轉機到奧斯陸，機程連埋轉機要18個鐘頭。零晨機嘅好處是可以告少一日假，但就會瞓少咗一晚。應該因為年紀大，之後幾天旅程都感覺十分疲倦。 

 

杜拜有駱駝奶巧克力，大鄉里第一次見，但價錢都幾貴， 1kg要120美金。 

Emirates 每程機都包一份sandwich 和一份正餐，又係一定唔會餓親，但味道就一般般啦。相比起最近坐完Swiss 和 Lufthansa(在2025年9月份坐過)，Emirates的飛機餐叫做好豐富，另外兩間除咗冇選擇之外，仲要係會食唔飽。 

HKG → DXB → OSL 0:35 - 12:35 (18h, 1 stop) 

0:35 - 4:55 HKG → DXB (8h 20m flight) 

Stopover: 2h 35m in Dubai 

7:30 – 12:35 DXB → OSL (7h 5m flight) 

Emirates HK$12,736/ 2 Tickets 

Next: 2024-05 挪威的森林之旅 Day 1 維格蘭人生雕刻公園 Vigeland Sculpture Park 

Previous:

2023-01 東京周邊遊 Day 2 ~ 小江戶川越一日遊

08.01.2023 (Sun) 

牛蒡三明治好好味! 

去旅行食早餐係好重要，正所謂食飽先上路。一出酒店的大街有就有幾間café，今朝就係上島珈琲店食早餐! 

今日去川越,逛下老街，欣賞老建築和參觀神社等。從池袋出發，搭乘東武東上線到川越站， 急行約30分鐘就到。 出站後直通的是「中央通」，天氣凍，食個熱嘅鯛魚燒好正！ 

星期日，非常熱鬧，遊客都係本地人居多。 沿路經過「熊野神社」 。 在老街上見到間布丁專賣店「川越布丁」（川越プリン），買了兩個布丁，質地綿密且口感滑順。 

熊野神社

川越地標 - 時の鐘（鐘樓） 進去時之鐘後方有個祈求保護眼睛的藥師神社可以參拜。 

時の鐘

行到差不多下午一點，有點倦，點知大部份餐廳都已經x龍，想排隊食個lunch都唔得。 見到一間唔似餐廳嘅餐廳，老伯伯叫我地入去坐，我地就入去。應該係前鋪後居，只得兩款午餐，很家庭嘅味道。 

餐廳

食完飯，就去了祈求姻緣的「冰川神社」。冰川神社擁有1500年歷史的冰川神社被川越市列為文化遺產，是以祈求緣分、婚姻圓滿以及家庭圓滿為名的神社。日本人過年都係鐘意去神社，冰川神社的人很多。大家可以用釣魚方式求籤， 紅色及粉紅色的「鯛魚籤文」好可愛。 

冰川神社

從冰川神社步行幾分鐘，可以到達川越城，是日本百大名城之一，現存唯一的建築是「丸本御殿」。 

丸本御殿

最後要回到川越站前，我們再走到車站不遠處的「喜多院」， 來喜多院祈求的人非常多，我們走了一圈就離開。

喜多院

在參觀完喜多院之後，在旁邊看到了這間「成田山川越別院」就順道進來參拜。見到有祈福木條，上面寫有不同主題的願望，我都係第一次見到這種祈福物品。隻腳整親，所以我就立即揀了寫住‘’身体健全‘’的木條，寫上自己個名，去誠心祈求自己身體健康。 

回到東京，今晚去了食日式西餐。

Next: 2023-01 東京周邊遊 Day 3 ~ 橫濱一日遊 

Previous: 2023-01 東京周邊遊 Day 1 ~ 久違了的旅行