21 Oct 2023 (Sat)
約好今日12點返回警署落口供，所以今朝只好在酒店附近，華沙火車站隔離的Złote Tarasy商場逛街。
商場有間好大的家樂福，我哋就在家樂福買了E.WEDEL朱古力做手信。
E.WEDEL是波蘭歷史最悠久的巧克力品牌，已經有超過150年的歷史了，我哋買了幾盒棉花糖朱克力，在超市買比較機場平好多。
另外我買了些波蘭藥妝Ziaja的護手霜和面霜，價錢一點都唔貴。
因為警署的地點離開車站有點遠，所以波生提意搭的士，的士司機開價又是40PLN。的士司機英文好流行，佢仲同我哋講，以前共產年代沒有這些華麗嘅商場，但大家都好有錢。但現在（民主社會）大家都冇錢，搵錢好艱難。
我在網上睇了少許波蘭歷史：波蘭在二戰後，在蘇聯扶植下建立波蘭人民共和國（共產主義政權）。 1989年，波蘭成功推動政治轉型，結束共產主義統治，走向民主。1999年加入北約，2004年加入歐盟，徹底擺脫俄羅斯影響。
我哋大約11點半已經到達警署，但最後要等到差不多下午1點鐘先到波生落口供。波生話個翻譯員好鍾意吹水，所以除咗落口供之外，亦傾咗好多其他嘢。
落完口供，時間都唔早，我哋又去返頭先個Złote Tarasy商場食KFC做午餐，不過今次是坐電車。
今日下午嘅行程，就喺去鋼琴家蕭邦博物館。原本的行程是去有波蘭凡爾賽宮之稱的‘維拉諾夫宮 Museum of King Jan III's Palace at Wilanów’，但因為時間已經唔早，所以我哋才改去蕭邦博物館。
今日天氣好，我哋決定由商場用行路方式去蕭邦博物館，腳程大約半個鐘就到，又可以順逛逛波蘭的市區。 今日是星期六，街上遊人非常多。
 |
| 蕭邦博物館 |
蕭邦博物館是為紀念波蘭偉大作曲家蕭邦而設，原本是他的居所，館藏約有7,500 件蕭邦的物品，包括手稿樂譜、書信及肖像。另外地下一樓仲可以聽到蕭邦的作品。
蕭邦幾時出咗幾隻香水？
Previous: 2023-10 向波蘭出發
Day 7-2 華沙舊城區Stare
Miasto
No comments:
Post a Comment