愛婚享 (10) –B&B Wedding 結婚戒子@ PN

結婚戒子係簡簡單單嘅款式, 結婚枕係PN送嘅。

我地嘅結婚戒子係行嘅婚展時買嘅, 算係買得好遲。我地係行婚展時, 先知原來訂戒子要差唔多成三個月先有得攞, 冇時間再去第二到睇, 所以我地就決定係婚展到訂我地嘅幸福指環。

我地婚展時訂, 都要四月尾先有得攞戒子, 五月中就結婚, 如果要改size , 結婚前就應該改唔切。

係婚展, 我地睇咗I-Primo, MABELLE 同PN, 最後係PN買咗鉑金結婚戒子。

PN鉑金戒子嘅價錢係18K 嘅一陪,  其實買鉑金唔係好抵,  一對鉑金戒子差唔多要兩萬, 不過我地冇時間再去其他地方睇, 所以睇中就要買 (加上波生份人唔鍾意揀黎揀去, 所以我想去第二到睇都唔得, 原本我重想去Cartier 同Tiffany到睇下)。

婚展時訂PN 有10% off,  重有個英文字母鑽石(碎石)吊墜送, 不過只可以揀男方或女方嘅姓氏英文字母。

PN 嘅鉑金戒子貴過其他牌子嘅鉑金戒子好多, 我估因為PN係用Pt 950 。   I-Primo嘅鉑金戒子用Pt 900, 比PN平。至於MABELLE係最平, 做鉑金對戒就只要每隻另外加$2000。