Pre-Birthday Celebration @Hugo’s (希戈餐廳)

13 August 2017 (Sun)

老公波生就生日，提早同佢慶祝，食餐好嘅。星期日，去咗位於香港尖沙咀凱悅酒店的Hugo’s 餐廳食 Hugo’s Sunday Brunch。

早一星期 book枱，當日被安排坐係窗邊嘅半圓形沙發座位，座位寬敞舒適，不因為沙發是半圓形過的關係，行出行入就有點麻煩。

Hugo’s環境舒服

侍應先上麵包籃，之後再來個Creamy嘅湯。我喜歡蒜蓉包，非常好味。

Hugo’s Sunday Brunch係半自助餐，頭盤和甜品都係自助的。 頭盤都係冷盤，個人認為選擇都算多，比較矜貴嘅有魚子醬，龍蝦，長腳蟹，鵝肝凍，他他牛，生蠔等等，用料都係高質。另外自助餐有3款果汁任飲，適合我這些不愛飲酒嘅客人。

這家餐廳會等各位客人慢慢品嚐完頭盤後才會上主菜， 我和波生都只食了少量自助頭盤就吩咐侍應上主菜。我地都唔係食量大，為免之後食唔落甜品，都係留定肚。

至於主菜方面，我揀了燒牛肉，牛肉好嫩，好好味。波生就揀了龍蝦肉烚蛋。

品嚐完主菜，餐廳就應我要求，準備了一個 “Happy Birthday” 牌 ，配上熱的朱古力梳乎厘，等我可以幫波生慶祝。我很喜歡這個朱古力梳乎厘，質感鬆軟及不太甜，好味!

自助餐的甜品都有唔少選擇，有多款蛋糕和生果。

生果都非常新鮮

這餐Sunday Brunch，我地由12點食到2點半，食完就慢慢行去The One 睇Annabelle: Creation。

2016廣島冬日行: Day 4 (下) ~ 宮島彌山

17 December 2016 (Sat)

離開千疊閣，原來已經3點多，要趕快去紅葉谷公園搭上彌山的纜車。

商店街附近有免費接駁車可到纜車站的紅葉谷公園，不過我們是用腳行的。 其實也不遠，從免費接駁車站走到纜車站約15分鐘，不過經過昨天踩單車和行上尾道千光寺，今日雙腿已經好點累。但係估唔到，上到彌山原來又要爬山! 如果一早知道原來上彌山的山路不易走，我會選擇搭免費接駁車可到纜車站，以保留腳力上山。

彌山是宮島內的最高的山峰，是當地民眾自古以來一直視為神體的山，其原始林更被指定為天然紀念物。彌山纜車有兩段， 由「紅葉谷駅」到終點「獅子岩駅」大概要花20分鐘，到達獅子岩已經4點。 最後一班下山的纜車是在5點， 而山頂來回一趟要大約1小時，眼見有日本人往山頂方向走，我們就決定跟隨。一場來到， 我們不想只在車站旁邊的獅子岩展望台拍拍照片， 我們打算如果4點30分都未到達山頂，我們就放棄登頂，走回獅子岩纜車駅。

“不滅之火”

我們快步走，大約20分鐘後抵達「彌山本堂」。 看到了彌山七大不可思議其中之一的 “不滅之火”。 據說「靈火堂」裡的“不滅之火，今已持續燃燒了近 1200 年。

由「彌山本堂」再走多10分鐘，終於到達山頂的彌山展望台。 雖然從獅子岩駅到山頂只有短短30分鐘的路程，但是山道非常陡峭，尤其後半段更是難走。

我的雙腿已經好點累，我是靠著意志力爬到山頂！

沿途風景其實是挺漂亮，還會經過好幾個佛寺和奇岩，不過沒時間細心欣賞。 在彌山展望台拍了幾張照片，我們就立即走回獅子岩纜車駅 。

展望台可眺望瀨戶內海。

我跟隨前面的幾個日本人，靠著意志力走回獅子岩纜車駅，剛好在5點前到達纜車駅。彌山的山路不易走，又上斜落斜，如果時間充裕，可以慢慢行，可以慢慢欣賞沿途景色，都應該不太辛苦。

離開彌山後，回到嚴島神社，發現已經退潮，大家都走進退潮的沙灘，走到大鳥居的底下。

大鳥居比想像更大，鳥居主柱周徑有10米長。

六點未夠天已黑，參道商店街大部分已經關門，我們沿表參道商店街走回旅館。

炸魚串

我買了一串長長的炸魚串吃，味道還不錯!

今晚住「錦水別荘」Kinsui Villa，是一泊二食的溫泉旅館 ，我同波生都非常滿意，今次住錦水別莊的體驗，詳情請看錦水別莊 (kinsui-villa) 。

Next: 2016廣島冬日行: Day 5 ~ 岡山城&岡山後樂半天遊

Previous: 2016廣島冬日行: Day 4 (上) ~ 世界文化遺產@嚴島神社&宮島大鳥居

~購物篇~

2016廣島冬日行~Beauty Bar 24K 黃金電動按摩美人棒

~住宿篇~

廣島(三晚) Hotel New Hiroden (新廣島電鐵酒店) -->  宮島(一晚) 錦水別莊 (kinsui-villa) --> 大阪(一晚) Hearton Hotel Nishiumeda (ハートンホテル西梅田)

B&B小窩居 – 睇樓&入表篇 (新樓)

我人生第一次擁有自己的物業，真是好開心! 2014年年尾買的樓花，在2015年11月已經收樓 。

回想起當時, 由睇示範單位，交表到買樓，其實只是短短的一星期，我們沒有用很多時間去考慮就買了。

2014年12月，我在報紙上得知有個新樓盤即將開賣，我見樓盤地點是在市區， 所以就同波生提議不如去睇下，因為住市區一直都是我的夢想。其實我只是想睇下，冇諗過真係會買。

波生就在我建議下和我去了睇示範單位。 到達示範單位周邊，已經有好多地產代理等客，個個地產代理都會問你是否來睇樓，然後遞卡片俾你。俾太多人包圍住，都唔知應邊個好，所以波生就行遠少少，之後就在沒太多經紀的位置接了一個地產代理的卡片，然後就跟他去了睇示範單位。我估行則應該是，當你俾一大班代理包圍住，只要你接其中一個的卡片，你就是那個人的客。

唔洗排好耐(半小時到)，就入到去睇示範單位。首先要睇段介紹樓盤的影片(一定要睇)，之後先可以睇樓盤模型和示範單位。

示範單位

睇完示範單位，地產代理就帶我們到一家茶樓到坐(地產代理的公司“世紀21”在茶樓包了一間房) ，講解下樓盤的銷售安排。 買新樓是要抽籤的，因為揀單位的優先次序是以抽籤方式決定，所以如果抽到個大號碼，買到心水單位的機會就好細。我和波生決定遞交認購申請表，試下抽籤，抽到籤先再諗。

基本上，地產代理會有一條龍服務。遞交認購申請表是要同連一張15萬的本票， 不過原來唔洗自己準備本票，因為地產代理(世紀21)已經預備了好多張本票俾客人入表用。因為地產代理幫你出了15萬的本票，所以地產代理會要求你碌番15萬卡數，不過唔會過數住，地產代理只會在你真的買了樓後才會過數。

番到屋企，我和波生就計下我們可以俾到幾多錢首期，之後再揀我們的心水單位。 樓盤是單楝式，所以單位不多，我們鎖定600萬以下(折扣後的價錢)的兩房單位。其實心目中是想買三房單位的，不過計過數後， 發現根本俾唔起首期。因為首期要俾樓價的30%，銀行借款70%，一個600萬的單位，首期就要180萬，加上要俾大約20萬印花稅，頭一筆至少要成200萬。而樓價多過6百萬，銀行一般都是最多借420萬，這就是我們鎖定600萬以下的單位既原因。

我們星期六睇示範單位，代理就在星期一幫我們交表 (我們一人一份申請表) ，星期五晚就抽籤。當晚已經知道結果， 星期六一早就揀樓…基本上，冇時間俾你詳細考慮。 我抽到88號，唔算後，可以在第二段時間揀樓，不過買到心水樓的機會只算一半半。

Next:  B&B小窩居–買樓篇 (新樓)

B&B小窩居Blog List:

B&B小窩居–新樓裝修篇

B&B小窩居–訂做傢俬篇

B&B小窩居–訂做傢俬實物篇

B&B小窩居–燈飾吊扇篇

B&B小窩居–搬屋篇

B&B小窩居–睇樓&入表篇 (新樓)

B&B小窩居–搬屋篇

2016-05-21 (Sat)

要搬屋先知, 原來香港有禁多間搬運公司 !

上綱check睇到眼花...都唔知邊間好?  好怕搵到間會係半路中途坐地起價…睇報紙見過, 搬晒你D嘢放係街到, 之後加價先肯搬上樓(暈!) 。

最後終於有朋友介紹咗兩間俾我 (朋友租屋住, 每兩年搬一次, 最近果兩次搬屋用過果兩間佢都話OK), 所以我都只係問咗兩間報價… 其實我係好怕格價的。

我睇蘇民峰猴年運程, 擇左個吉日之後, 就搵搬屋公司報價。 只有的三件比較大的傢私要搬走, 其他要搬的都是雜物, 衫, 少量電器等等。

森‧X動  –  我用網上填表格報價。表格有詳細既資料要填, 填好後隔日就有職員回覆價錢。 報價$2400, 包20個紙箱和封箱膠紙. 確認搬遷日期和價錢之後, 要先俾一半訂, 銀行戶口過數就可以了。

112X  – 我用WhatsApp 報價。 報價$2000, 包25個紙箱和封箱膠紙。 如果價錢冇問題, 職員會同你約時間送紙箱, 同埋職員一定要上門睇下同確認要搬既items。

一樣要先俾一半訂金, 訂金直接俾送紙箱既職員。

我揀咗112 X, 搬屋那天來了3個大漢, 由開始到新屋放下所有東西大約兩個小時就搞掂了, 過程快靚正。 最後我俾咗$200貼士。

B&B小窩居Blog List:

·                     B&B小窩居–新樓裝修篇

·                     B&B小窩居–訂做傢俬篇

·                     B&B小窩居–訂做傢俬實物篇

·                     B&B小窩居–燈飾吊扇篇