大家決定買樓峙之前，一定要計下或者去銀行問下借到幾多錢先。
係睇樓&入表篇 (新樓)篇我已經提過，我會向銀行借420萬 (*金管局係2015年收緊700萬元以下自用物業按揭成數，由70%降至60%)，首期會俾大約200萬。
銀行方面，其實我都冇間間銀行去問按揭息率，因為朋友都剛買了樓，他已經比較過不同銀行的按揭plan，所以我就相信朋友的選擇，去了同一間銀行做按揭。
我是申請有Mortgage Link 戶口的按揭計劃，二年罰息期，另有現金回贈
。Mortgage Link 戶口(當年得兩間銀行有，今年2017年起應該大部分銀行都有)是一個有特惠息率的儲蓄戶口，儲蓄息率同按揭利率相同，即係你在銀行的存款會有同按揭利率相同的息率。特惠息率的儲蓄上限金額為50%欠款金額，而結算的利息只可每月自動歸還本金。
至於按揭計劃，現時市面上主要有兩款按揭計劃，分別是以「最優惠利率」為基準的按揭計劃（即P按），及「香港銀行同業拆息」按揭計劃（即H按）。
當時我的按揭計劃是H+1.7% & P-3.1% (2015年的按揭計劃)，按揭利率將採用H按或P按較低的利率。
「P」按代表 Prime Rate，實際按息為P減去某個百分比。大部分銀行是採用P=5.25%，所以P-3.1%， 即實際按息為2.15%。滙豐、恒生、中銀香港是採用P=5%，所以他們會提供P-2.85%，實際按息一樣為2.15%。
「H」按代表
HIBOR，是銀行同業市場的港元貸款利率，實際按息通常以1個月拆息加某個百分比為基準。以我的按揭計劃為例
， H按為H+1.7%，如果以銀行同業拆息定價0.46%計，即實際供款按息為2.16%， H按的息率比P按高，所以供樓的利率會以P按的息率計算(即2.15%)。 H的波幅相對P為高，H按息率有機會急速抽升，P按一般是用以封頂息率保障。
「P按」及「H按」其實都係浮息，一般跟隨美息走勢而變動，所以美國加息對供樓支出會有影響。
向銀行申請按揭，一般要提交物業買賣合約，最近期之住址証明，最近3個月之銀行發薪戶口紀錄等。申請得到銀行批核後，銀行就通知我委託的律師準備按揭契。律師樓職員之後就約我上律師樓簽樓花按揭契、貸款合約與其他法律文件，繳付樓價餘款和有關律師費及雜費。律師費及雜費大約1萬。簽署按揭契後，律師會通知銀行，銀行會將貸款於交易日交予律師安排送交賣方。
順帶一提，我係用返發展商的律師樓，冇另外自己係出面再搵律師。因為地產代理建議話除非我們有相熟律師，如果冇就用返發展商的律師。佢之前的客都係用這個發展商的律師，都冇出現過問題。
No comments:
Post a Comment