16
December 2016 (Fri)
原本冇諗過我會係日本踩單車， 不過在plan行程時， 剛好在追看日劇《有喜歡的人》。 在第七集，桐谷美玲與山崎賢人去了尾道，還在島波海道踩單車…景色好美， 我又要去!
由尾道踩單車, 跨越瀨戶內海, 係可以一直踩到去四国的今治。 路程長70km, 中間要經過六條大橋，經過六個小島， 這條橫越了日本本州與四國的自行車道名為「しまなみ海道」（Shimanami 海道）。
因為只有半日時間踩單車，加上我10年以上冇過踩單車，所以今次只可以安排踩一段短嘅路程，只踩一條大橋。
 |
| 從「尾道港」搭船出發，到「重井港」下船，再踩回尾道。 |
我地從「尾道港」搭船出發，目的地是因島，搭到「重井港」下船，再踩回尾道。
我覺得先搭船再踩回尾道，這樣比較容易控制時間。另一路徑，就是先從尾道踩到「重井港」再搭船回尾道。
到達尾道 ，我地先租單車，之後練習一下踩單車。踩單車這件, 一旦你學會了，就不會忘記，所以我只練習了一陣，對踩單車就完全沒問題了。
上船前，先告知船家我地要到「重井港」下船，船家會在船上收船費和額外收「自行車渡船費」。
到達因島「重井港，船員就叫我地落船，我地就開始尾道單車之旅。跟住地上的藍色線向尾道方向踩，沿途見到有柑田，菜田等等，因島好少車，所以踩得好舒服。
經過這條白色恐龍後就差不多到達因島大橋，上大橋前，要踩一條大斜路，非常斜，踩到一半我要落車推。
 |
| 上因島大橋前的大斜路。 |
上完大斜，要繼續繞過一座小山先可以到達橋面。因為不斷上斜，踩到上橋面，已經覺得好倦。單車和行人的通過其實是在行車大橋的下面。
 |
| 在因島大橋上，重有11km 先到尾道。 |
 |
| 12月尾重有禁多紅葉。 |
後來發現原來我租的單車只有3段波，我已經一直踩緊1波，單車根本唔適合要上斜的路，唔怪得我踩得噤辛苦，而波生租的單車有5段。
上橋勁辛苦，不過落橋時又好爽，不繼落斜，唔洗點踩。落完斜，一轉右就見到間餐廳，“立花食堂”！ 已經中午12點，波生提意去“立花食堂”食lunch 之後再繼續。 後來發現《有喜歡的人》都有係“立花食堂”到拍攝。
 |
| 立花食堂 |
 |
| Lunch Set |
餐具非常精美，我真係好想買番set, 等係屋企食飯都可以用噤靚嘅餐具。 其實食堂隔離有間店就正正係賣這些餐具的。
 |
| 重有8.4 km先到尾道。 |
 |
| 因島大橋 |
食飽就繼續踩，重有8.4 km先到尾道 。 我plan 好要係2點到達尾道還車，所以飯後不斷踩，差不多沒有停過，向島比較多車，唔係踩得好爽。 到達向島輪渡碼頭剛好2點，搭輪渡番回尾道。
下次有機會我都想踩單車經過“多多羅大橋”到四國!
瀨戶內島波單車遊路線
Previous: 2016 廣島冬日行Day 2 (下) ~ 原爆遺跡(平和記念公園)
~購物篇~
~住宿篇~
廣島(三晚) Hotel New Hiroden (新廣島電鐵酒店) --> 宮島(一晚) 錦水別莊 (kinsui-villa) --> 大阪(一晚) Hearton Hotel Nishiumeda (ハートンホテル西梅田)
