2013.09.26 淺綠色腳甲

因為要搬blogs, 所以我決定要將我係幾個唔同blog pages 所寫嘅blogs從新分類。就係咁，我今日睇番唔少我以前所寫嘅嘢，記番起我當時既心情，發生過既事。 我之前好懶，好少寫，而家我又好想努力寫番！

今晚飛乜波生，去咗Hollywood Plaza 到修腳甲。 簡咗波生話靚嘅淺綠色，上次我搽咗桃紅色，點知佢話核突，又話得大6果d女人先會搽桃紅色。不過我都唔明，點解波生會覺得搽
淺綠色甲油係靚嘅，一定係佢見過有靚女搽lee 隻色！

囍‧婚介: 尋找my dream engagement ring (3) - 八心八箭

話時話My Jewelry d 售貨員真係 prof. 過街鋪果d好多!

話說同波生去謝瑞麟到睇鑽介，個店員就話d 石有八心八箭，重俾埋個專用放大鏡我地用嚟睇，波生同個店員講話睇唔到八個心，點知個店員話波生唔識睇，所以睇唔到！其實如果我地唔識，點解佢又唔教下 我地點睇呢？

去咗幾間睇，間間都話有八心八箭，但冇一間話俾我地知點睇！直至我地去到My Jewelry, 波生又同個店員講凈係睇到八枝箭，睇唔到八個心，今次終於有人話我地知果八個心原來係要係睇個底先睇到，凈係裸鑽先會見到。

個店員重好nice， 叫我地影低果八個心，因為瓖咗落介子到就唔會再睇到㗎嘞！

第一次親眼睇到果八個心，原來係噤靚㗎！

囍‧婚介: 尋找my dream engagement ring (2)

幾個fiends知道我要買鑽石介子，都叫我唔好係周生生果ｄ到買，因為標價太高，唔抵買。

佢地話粒石如果有GIA Certificate，到到買都一樣，叫我地去樓上鋪到買。因為粒石嘅quality已經有保證，只係手工同個子環款嘅quality冇周生生噤靚（因為周生生比起其他真係好靚好多）。

不過攞成七八萬出黎買野，波生好怕係樓上鋪到買到假貨。

個fiend重介紹咗信得過嘅樓上鋪俾我地，　不過最終我地都係去咗間有名ｄ嘅鋪頭到買．．．果間就係My Jewelry！

我最初都知My Jewelry有個showroom 只賣一卡以上嘅鑽石，事關My Jewelryｄ鋪得ｄ好碎石嘅首飾賣。

我check 過佢ｄ價錢同樓上鋪差唔多，　波生覺得係My Jewelry買點有保證過ｄ樓上鋪，所以我地最後決定係My Jewelry買我嘅dream engagement ring！

用係周生生只可以買到J Colour嘅價錢，　我地買咗隻一卡二十份，Colour高兩個grade 嘅鑽介！真係好閃，好靚！

囍‧婚介: 尋找my dream engagement ring (1)

波生唔係用鑽石介子嚟求婚， 而係用咗隻佢摺嘅紙介子。

佢話知我要求高， 驚買咗隻我唔鍾意嘅。

波生話唔講得俾人知我地結婚住，因為我冇介子俾人睇， 唔係幾好。所以我答應嫁俾佢之後, 第一件要做嘅事， 就係要去買介子。

要買隻一卡嘅鑽石介子，又點可以求求其其。我上綱睇咗好多資料， 做咗幾日research (讀書都冇噤勤力)， 終於定咗我對鑽石嘅最低的要求。

Carat: 1

Colour: J

Clarity: VS2

Cut: All Excellent

With GIA Certificate

定咗最低要求， 我同波生就去行下d首飾店…行咗周生生， 周大褔 & 謝瑞麟。

不過全部都好貴，我記得有一隻一卡J Colour，VS2，All Excellent嘅鑽石介子，周生生標價八萬二，有九折！

周生生ｄ手工同款係比其他兩間靚好多，不過亦都係最貴嘅，　重要佢大部份show出嚟果ｄ都over十萬。

周生生主要係sell佢自己INFINI LOVE果條line，但係lee條line得IGI Certificate，我想要GIA Certificate，不過個sell同我講話IGI貴過＆靚過GIA．．．我好唔明b’coz個個都話GIＡ Certificate　係最高鑑定, 應該係貴過其他Certificate！！

最終，我地都冇係lee三買間到買!