其實我真係好鍾意上網買嘢，唔止鍾意上網買衫、鞋、手袋，日用品雜貨我都一樣係網上買 (我已經常常介紹iherb優惠...貼身日用品，好似洗頭水、沖涼液我係iherb買) 。
做咗人老婆，生活真係改變咗好多，所有生活上嘅大小事務都係我處理哂，鬼叫波生係一個佛系老公…「緣份到了，老婆自然會去做」。 波生每次都只會同我講屋企有咩用完，但係唔會主動去買。
叫波生幫手一齊去超市買嘢，佢就十萬個不願意。 重要俾我發現，佢每次都一定避開，唔攞果兩條廁紙，我估…係…我只係估…佢可能覺得比人見到佢攞住條廁紙好唔型，事關佢唔認佢有刻意避開唔攞廁紙。
身為一個C9，我唔要做我阿媽年代果種C9，事事為家庭犧牲，攪到自己鬼噤辛苦。 我要做個醒目嘅，波生唔鍾意攞廁紙我就唔洗佢攞，但係我都唔要自己攞。果D廁紙、洗衣粉噤鬼重，網購有人送上門，唔洗自己拎到死死下。 上網買重可以係番工時間落order(我lunch time落)， 慳番唔少時間。
之前我一直用開HKTVmall嘅 ，不過自從HKTVmall轉咗我果區嘅送貨時間之後，我就冇再幫襯，得番好少時間俾我揀，加上佢一做promotion就唔夠人手，送貨成日甩底，等成晚都冇貨到，等到我怕怕。
近排我幫襯士多Ztore買雜貨日用品，襯咗幾次Ztore，我覺得唔錯，只要買滿$350就已經免費送貨，大家可以一試。送貨有3個時段可以揀(送貨時段~10:00-14:30/14:30-18:30/18:30-23:00)，方便好多。
士多係網上超市，主要售賣糧油雜貨及生活用品，佢主打售賣香港製造本地品牌產品。
最近士多有個折扣優惠活動(優惠隨時完)，經下面條Link購物，你就會有額外$30即時折扣（「產品總額」需滿$500才可享折扣）。
(新客戶在點擊連結進入網站後必須馬上登入/註冊，系統才能根據用戶的購物紀錄給予折扣。)
No comments:
Post a Comment