24/1/2020 (Fri)
我真係從來都冇諗過我們會在農曆新年時去旅行, 事關波生屋企覺得拜年大過天, 而波生天生好聽阿媽話, 雖然佢把口唔認自己聽阿媽話, 不過基本上阿媽叫親佢做, 佢都會照做。 所以波生在12月中時突然提意農曆新年不如去轉日本旅行時, 我都有點驚訝。好彩今次去了旅行, 今年應該去唔到第二次, 原本我還以為轉了工終於有番18日年假, 今年我可以去3次旅行, 真係沒有人會估到武肺會持續到現到都見唔到終點。
 |
| 上機前食個靓早餐 |
12月中先買機票, 機票價格非常海鮮, 總之就係貴, 最後決定去鹿兒島。HK Express來回鹿兒島機票HK$5791/Ticket, 包20Kg行李。
出發前幾日, 香港已經出現第一宗武漢肺炎確診個案, 所以上機時全機人都戴口罩。到達鹿兒島, 日本都沒有特別check體溫 , 只係派張通通告叫我們自己注意。
 |
| Toyota-rent-a-car接駁車 |
2015年12月我們已經去過一次鹿兒島和宮崎, 上次是坐特色火車, 今次就自駕, 因為鹿兒島和宮崎的大眾交通其實不太方便, 可以坐火車和巴士去的景點上次都大部分去了。今次都是在Toyota-rent-a-car到租車(租車40,000円) , 機場出面會有接駁車送我地去取車。
 |
| 霧島温泉市場 |
 |
| 霧島温泉市場 |
上之去過霧島神社, 當時就諗如果有機會我要住一晚霧島温泉, 今次願望成真。霧島温泉郷距離鹿兒島機場只要半小時車程, 好適合第一日去, 避免一落機就要駕長途車。
到達霧島温泉市場, 先食午餐。 再食温泉蒸的蕃薯, 日本蕃薯是特別好味!
之後就到好近霧島温泉郷的丸尾滝, 可以駕車去因為有幾個車位。
 |
| 温泉蒸蕃薯 |
之後就到好近霧島温泉郷的丸尾滝, 可以駕車去因為有幾個車位。
 |
| 丸尾滝 |
 |
| 丸尾滝 |
 |
| 丸尾滝車位 |
睇其他 blogger介紹大浪池時, 大家都輕描淡寫話行半小時就到, 所以我以為好容易就上到去大浪池, 點知完全唔係我想像中般輕鬆。 原來自己行上去都唔野少, 不斷上斜中途完全冇平路, 石路泥路一點都不易行, 我行到一半已經想放棄, 加上只得我們倆個人上山, 所以到頂影兩張相就快速閃人。
原本我有另一選擇就是去霧島神話の里公園, 一落機去公園應該會比較適合。
行到腳軟, 好彩今晚可以入住“霧島温泉 天テラス” 温泉酒店, 可以浸温泉!
Previous:
2020鹿兒島宮崎新春自駕遊~酒店篇~2020鹿兒島宮崎新春自駕遊~酒店篇(1) 夫婦露天風呂の宿 霧島温泉 天テラス（あまてらす）Ama-Teras
2020鹿兒島宮崎新春自駕遊~酒店篇(2) ホテル 青島サンクマール Aoshima Cinq Male
2020鹿兒島宮崎新春自駕遊~酒店篇(3) リッチモンドホテル鹿児島金生町Richmond Hotel Kagoshima Kinseicho
只要有疫描出現就係終點嘅時候啦！努力
ReplyDelete大家一起努力!
Delete