2018輕井澤+東北輕旅行~住宿篇(2) ~ ホテルルートイン青森駅前 (Hotel Route-Inn Aomori Ekimae)

青森站前Route-Inn酒店

青森站前Route-Inn酒店係正青森站前面，行2分鐘就到，唔洗辛苦搬行李。 加上青森的主要景點都係青森站周圍，住這裡好方便。 Route-Inn係日本知名的連鎖酒店之一，之前係函館都住過同一集團的酒店。  

LOBBY

雙人雙床房

浴室

酒店感覺比較舊，雙人雙床房間唔算大，不過基本設施都有齊。 根據我朝早食早餐時所見，一般住客都係商務旅客，其實我唔覺有遊客，除了我和波生。

女生浴場

Check-in時，服務員給了我一個密碼 ，我才知道酒店原來有大浴場。 女生浴場一定要按密碼才可以進入，不過我沒有去浸。 我見沒有人，所以拍了張大浴場相。 

另外，酒店為嚮應環保，只有夏天先會提供冷氣，五月唔會有冷氣，所以間房有些熱，不過間房個窗可以打開，重可以開到好大。我們打開窗瞓，空氣流通，瞓覺又唔覺得熱。  

酒店餐廳

自助早餐

Rakuten Travel日本website (樂天)訂，房租13,250円(朝食付) 。

ホテルルートイン青森駅前:
https://www.route-inn.co.jp/search/hotel/index_hotel_id_65 ~住宿篇~

輕井澤(2晚) 輕井澤站前APA酒店＜軽井沢荘＞ --> 青森(1晚) Hotel Route-Inn Aomori Ekimae /ホテルルートイン青森駅前--> 奥入瀬渓流(1晚) 野の花 焼山荘 --> 一関(1晚) Hotel Sunroute Ichinoseki/一關燦路都大飯店 --> 東京(2晚) Yaesu Terminal Hotel Tokyo/八重州東京站酒店 

Facebook Page: 波太的簡單生活

2017東京近郊賞楓之旅~住宿篇(2) ~ 箱根 星のあかり(Hakone star Akari)

今次去旅行想帶阿爸阿媽去浸温泉，有私人風呂果種，我自己都鍾意私人風呂，唔洗同人玉帛相見，唔洗尷尬。

今次選擇星のあかり温泉旅館係比佢個靚景吸引，每間房都有私人風呂的，另外有大浴場同埋天台有足湯。星のあかり好近桃源台站，坐的士幾分鐘就到，車費都唔洗2000円。

星のあかり温泉酒店Lobby

星のあかり只有14間房間，每間房都有私人風呂，我是直接在酒店website 訂的，訂了兩間「8畳+ベッドルーム」，即係有8畳榻榻米同臥室的房。 兩間房都係3/F，分別係「牽牛」和 「将星」。 兩間房房都非常寬敞，另外有一間大睡房。 

8畳榻榻米

廁所

原以為兩間房都有無敵湖景，不過原來<将星>房只係見到少許湖景。

（牽牛）

私人風呂的無敵湖景(牽牛）

「8畳+ベッドルーム」温泉露天風呂付スイート（牽牛）

(8個榻榻米+臥室) ~ ¥54300 一晚，一泊二食 (包晚餐&早餐)。

（将星）

私人風呂係露台（将星）

「8畳+ベッドルーム」温泉露天風呂付スイート（将星）

(8個榻榻米+臥室) ~ ¥49980 一晚，一泊二食 (包晚餐&早餐)。

私人風呂係露台, 可以邊浸溫泉邊欣賞無敵湖景，非常舒服，我就係私人風呂浸咗3次。

其實如果唔一定要即瞓床的話，可以 book只有榻榻米的房，間房雖然會細好多，不過價錢會平好多。

至於大浴場同埋天台足湯，我地都冇時間去浸。

大浴場其實唔大。

每組客人都會被編到一間獨立房間裡享用早和晚餐，serve我地的係一位講普通話嘅男生，態度很親切。 雖然我地普通話都好差， 不過我地大概都明白他的介紹。

晚餐非常豐富，而且菜式都比較名貴，道道菜都好味。大概介紹下菜式:

「箱根西麓牛」溶岩焼， 係A 5和牛。

鐵板龍蝦，比目魚

自家製甜品。

 

至於早餐，一樣有多款菜式。有4款魚可以揀，一人一條，我地剛好4個人，所以4款魚都可以品嘗。

早餐

4款魚做早餐

早餐食豚肉涮涮鍋，我都係人生第一次。

雖然房價有點高，不過我都會推介大家入住每間房都有私人風呂的星のあかり。

星のあかり

https://www.hakone-hoshinoakari.jp/

~住宿篇~

新宿(3晚) ホテルグレイスリー新宿 (Hotel Gracery Shinjuku)

-->箱根(1晚) 星のあかり (Hakone star Akari)-->新宿(2晚) ホテルグレイスリー新宿 (Hotel Gracery Shinjuku)

Face Book Page: 波太的簡單生活

2017四月北海道賞櫻之旅 ~住宿篇(4) ~ ホテルマイステイズ札幌アスペン/札幌白楊酒店

這間酒店感覺比較舊，睇lobby設計就知，建築物是四方形的。 沒有溫泉。酒店職員都比較cool，不過札幌人俾能感覺一般都比較cool。

員工英語還可以，我將在樂天訂的入物品寄到酒店代收，完全沒有問題。

我是在Rakuten Travel日本website (樂天)訂的，¥36,200三晚，唔包早餐。

ホテルマイステイズ札幌アスペン (Hotel Mystays Sapporo Aspen)

https://www.mystays.com/ja/hotel/hokkaido/hotel-mystays-sapporo-aspen/

~住宿篇~

札幌(一晚) 三井ガーデンホテル札幌 (Mitsui Garden Hotel Sapporo)  --> 函館(一晚) ルートイングランティア函館駅前 (Route Inn Grantia Hakodate Ekimae)  --> 湯之川溫泉(一晚) 湯之川溫泉 笑 函館屋 (EMI Hakodateya)  --> 札幌(三晚) ホテルマイステイズ札幌アスペン(Hotel Mystays Sapporo Aspen)

2017四月北海道賞櫻之旅 ~ 住宿篇(3) ~湯之川溫泉 笑 函館屋 (EMI Hakodateya)

今次旅行都好想浸温泉，選擇位於函館的湯之川溫泉係因為地理比較方便，相比登別温泉，湯之川溫泉好近火車站。 我今次揀了一間比較新的温泉酒店，只有二十多間房間，一定唔會見到旅行團和大量亞洲遊客。

由函館火車站坐巴士到「熱帶植物園前」站下車，車程約25分鐘，步行 3分鐘就到達 笑 函館屋，位置都算方便。 不過我會建議大家可以坐的士去，日本巴士細，根本冇位放行李，我都要企足全程扶住個行李。而坐的士比較方便，10分鐘就到，太約2000円，兩個人每人1000円，我覺得可以接受。

酒店房非常大，好舒適！ 

温泉有兩個，一個室內，一個露天風呂。本身住客不多，所以大部分時間我都係一個浸。

Hotel Lobby

免費雪糕和香檳

另外lobby有免費雪糕和香檳任食任飲，大家浸完温泉都會坐係lobby飲香檳食雪糕。

我是在Rakuten Travel日本website (樂天)訂的，¥24,840 一晚，一泊二食 (包晚餐&早餐)。訂房時我加訂了晚餐， 不過好似唔多住客係酒店食埋晚餐，我見離酒店不遠，近海邊有間拉麵店，另外行去湯之川溫泉電車站那邊，有很多商店，還有餐廳。

酒店的晚餐非常豐富，晚餐主食係壽司，食到我地非常飽。

早餐

湯之川溫泉 笑 函館屋 (EMI Hakodateya)

http://www.hakodateya.jp/english/

~住宿篇~

札幌(一晚) 三井ガーデンホテル札幌 (Mitsui Garden Hotel Sapporo)  --> 函館(一晚) ルートイングランティア函館駅前 (Route Inn Grantia Hakodate Ekimae)  --> 湯之川溫泉(一晚) 湯之川溫泉 笑 函館屋 (EMI Hakodateya)  --> 札幌(三晚) ホテルマイステイズ札幌アスペン(Hotel Mystays Sapporo Aspen)