繼續KFit ~ Hatha Yoga

今個星期六日繼續燒脂!!! ~ 可以睇番上一篇 “勁燒脂~ Hot yoga & 80mins non-stop dance”

做運動嘅嘢, 好奇怪……我估好多人都會體驗過，唔做開果排雖然個腦好想去做運動，但係就好難刻服內心嘅懶魔，而真係換上運動衫，著上波鞋，走出門口去做運動！

不過，一開始咗做運動就會上癮, 成日心思思想去做。我現在就係咁，放工之後好想去上堂。

今個星期，等唔切到星期六再上hot yoga, 星期中又試咗一間新centre " The Peacock Studio "。其實我太耐冇做運動，上星期上上完hot yoga 之後已經周身肌肉酸痛，不過肌肉酸痛係唔會阻止到我此刻對運動嘅熱愛！

Hatha Yoga @ The Peacock Studio (Lai Chi Kok)

我去嘅係响荔枝角嘅studio。 這間studio 非常新，地方乾淨，同埋係小班教學。個門口係走型格風，因為全黑的門，又冇名牌，所以我揾咗幾分鐘先見到個地點。

Yoga 老師非常talkative，老師會續個咁糾正同學嘅動作，比較會take care 每個同學，我都有上過好多唔同地方嘅瑜伽班。大部分老師都唔太會好糾正同學嘅動作，所以我好appreciate 老師嘅熱心，同埋我完全感覺到佢對教學同對瑜伽果份passion。

1.5 小時嘅堂，唔係好dynamic, 做咗好多伸展，開下盤嘅動作，唔算辛苦，我覺得好適合放咗工去上，relax 下。

~~~

我真係覺得KFit Finess Pass勁適合我，可以揀去唔同嘅訓練班，又可以揀係邊到上堂，勁方便，重要唔洗簽contract，諗到這個idea 嘅人真係好聰明。KFitness Pass只要$699一個月，可以係香港over 6百間centres上10堂(跳舞/yoga/boxing/TRX)，1堂只係$70，仲可以用App預約，好平又方便！(希望唔好再加價la!)

9月11号財經透視都有介紹KFit App:

財經透視 ~ 運動APP (2016 09 11)

另外用promotion code“QKCVJ” ， 第一個月可以減$200，所以第一個只要$499，之後就每月$699。

如果有興趣，您可以click下面 link:

https://access.kfit.com/invite/qkcvj?

或下載KFIT app 輸入優惠代碼 “QKCVJ” ，第一個月可以減$200!

2015鹿兒島&宮崎特色列車行 ~ Day 4-2: 腳痛痛…去宮崎睇醫生

18 Dec 2015 Friday

原本安排早點到宮崎係想可以行下宮崎市，不過最後下午的時間都花在醫院裡。由火車站到酒店只是一條直路，正常行應該只需5分鐘，不過我痛住行，又好似行咗一世紀咁。我繼續死頂，用腳前掌行路 ，好痛。到達酒店，脫下鞋子後，我已經冇可能再行，我覺得我要去睇醫生，因為過多兩日先番香港，我明天和後天都唔知點算好。

波生去了問酒店職員邊到有醫生睇，酒店職員零英文，只可以用simple English 同body language 溝通。原來醫院好近酒店，坐的士去唔洗跳錶，醫院職員一樣零英文，講英文佢地都唔明我講咩。

所以我寫個 “燒” 字， 再指向自己腳跟，醫院職員就好像明白了，之後叫我除鞋俾佢睇傷口。

雖然語言溝通有困難，我們主要都是以寫漢字溝通，大至上都明白大家。醫院職員個個都好好，醫生幫我個水泡放”濃” ， 放濃既時候係好痛架，不過日本醫生手勢其實好好，因為後來我再係香港睇醫生，香港醫生幫我再放”濃” ，果次痛好多好多。

包好的腳跟

New Wel City Miyazaki Hotel ~ 酒店房間

酒店晚餐~味道一般, 不太好吃

睇完醫生，我們就番酒店休息，晚餐都係酒店食。原本我plan好今晚去食宮崎牛，不過行唔到去，要等下次。宮崎人真係好nice，所以我一定會再去宮崎!

Next: 2015鹿兒島&宮崎特色列車行 ~ Day 5-1: 「海幸山幸」& 飫肥城町

2015鹿兒島&宮崎特色列車行 ~ Day 4-1: 腳痛痛…去搭「隼人之風」

18 Dec 2015 Friday

一早起來，腳跟的水泡好像大了，非常痛。我覺得我根本唔係好行到，不過今日是要去坐「隼人之風」，之後再到宮崎。一早已經book 好宮崎的酒店。兩個人兩個大行李，我痛到行都好有困難，重點可以攞行李?

好彩我後晚由宮崎番到鹿兒島都係住同一間酒店，所以我就將一個行李留係酒店，後晚先攞番。

死頂…用腳前掌行路 ，行路行得好慢，雖然酒店只係在火車站對面，不過行過去好似行咗一世紀咁。經過今次，我更加覺得酒店近車站係好緊要。

全黑的「隼人之風」列車

今朝又冇時間食早餐，火車上吃便當!

「隼人之風」一天只有來回各兩個班次，今日坐車的人不多，只有十幾人。

由鹿兒島中央至隼人那段車程比較長，波生覺得悶。但係過了隼人站之後，就可以中途下車數分鐘，參觀肥薩線最古老的兩個木制車站，嘉例川站和大隅橫川站。這兩個站於1903年開站，至今已經超過100年的歷史。

嘉例川車站~很有韻味。

嘉例川車站

大隅橫川站在二次大戰期間，被美軍軍機機槍掃射，站內木柱上尚留有機槍彈痕。

大隅橫川站

霧島溫泉站

霧島溫泉站~可以在月台上買霧島特產，我買了兩個蛋糕。

其實我行唔到，所以我下車後都冇周圍行，我只係留在火車站。不過日本真係好好，職員會幫乘客在火車站影相，因為我太無聊，所以我不斷把相機交給車務小姐，等佢幫我影相。而波生完全冇理我，佢一落火車就周圍飛，因為每個站只停5分鐘，佢要把握時間影相。

車務小姐好好人，之後我們竟然係鹿兒島見番佢。佢同我地係同一間餐廳食晚餐，佢重主動同我say hello。

到達吉松後，我們下了車，等了一 陣，又上番車，坐回程車去隼人站再轉車到宮崎。到達隼人站要過對面月台轉車到宮崎，要上落樓梯，我記得落樓梯時，起了水泡的腳跟係痛得要命。今朝主力坐火車，唔洗點行，對於一個不良於行的人黎講， 這個行程安排得好好!

Next: 2015鹿兒島&宮崎特色列車行 ~ Day 4-2: 腳痛痛…去宮崎睇醫生

「樂樂」「遙遙」助養計劃

原來香港都有兒童助養計劃, 最近捐了720元成為聖基道助養人。 其實我一直都有參加兒童助養計劃, 我係world vision助養了一個印度女孩, 唔講唔覺已經十年了。 想當年剛剛出黎做事, 雖然人工唔高，不過我自覺好幸運, 應該回饋社會, 所以就選擇了助養兒童。

到近期我想再捐助多一個機構, 今次想揀一個本地嘅。  香港原來重有孤兒、來自破碎家庭及低收入家庭兒童需要入住兒童院, 唔好以為香港好富裕就冇人要我地幫, 大人果D我就唔識分邊果抵幫, 所以我覺得幫兒童就一定冇錯。

「樂樂」「遙遙」助養計劃籌募嘅經費會用黎為兒童提供物資的支援、功課輔導、情緒輔導、發展潛能的機會及擴闊視野的活動。

如果有興趣成為聖基道助養人, 可以click 下面條link:

http://www.skhsch.org.hk/lokyiu/about_the_scheme

 

聖基道兒童院送我的「樂樂」「遙遙」公仔。

勁燒脂~ Hot yoga & 80mins non-stop dance

繼上篇Let’s start moving ~ KFit App健身, 我星期六日就去咗兩間centres, 分別上咗Hot yoga 和 80mins non-stop: I dance, 兩間centres都非常好, 完全唔會sell你, 等我介紹下先。

Hot yoga@ Prajna Yoga

第一次上Hot yoga, 間房唔算太熱, 係basic level嘅瑜伽, D動作我以前都有做過, 不過我未試過流禁多汗。 可能因為我太耐冇做運動, 上完堂, 真係倦到呢…好耐冇試過禁倦~~

教室唔大, 剛好放到16張瑜伽墊, 墊之間距離唔多, 不過我覺得可以接受。 另外centre好細, 要沖涼就要排下隊, 對我就冇影響, 因為我一向唔鍾意係gym沖涼, 而KFit好處係可以揀係邊上堂, 我揀近屋企嘅, 玩完就番屋企沖。

80mins non-stop dance : I dance @ I dance(蘇志威果間)

又係流勁禁多汗嘅一堂, 跳足80分鐘。 雖然第一次玩唔係好跟到, 不過一樣覺得好好玩。 I dance 地方大, 不過KFitter 冇locker 用 , 如果想沖涼就比較麻煩, 要自己保管好D財物。

9月11号財經透視都有介紹KFit App:

財經透視 ~ 運動APP (2016 09 11)

~~~

KFit Fitness Pass只要$699一個月，可以俾你係香港over 6百間centre上10堂，包括跳舞，yoga 等等。唔洗簽contract，仲可以用App預約，好方便！

另外用promotion code“QKCVJ” ， 第一個月可以減$200，所以只要$499，之後就每月$699。

如果有興趣，您可以click下面 link:

https://access.kfit.com/invite/qkcvj?

或下載KFIT app 輸入優惠代碼 “QKCVJ” ，第一個月可以減$200!

乳豬亞拉斯加蟹魚翅宴@龍皇酒家(合和分店)

2016-08-11 (Thur)

舊同事們最叻飲飲食食，知道龍皇酒家合和分店新開張，有個$3388既<乳豬亞拉斯加蟹魚翅宴>套餐立即book一圍試試。

燙手妙齡豬

 

燙手妙齡豬 ~皮脆肉嫩，原來係即到即燒，食嘅時候重係熱的！

紅燒蟹皇翅

紅燒蟹皇翅 ~好多蟹肉，勁好味！平日好怕食翅，覺得好似食緊將粉水，這個好味，完全唔係去飲時食果種翅。

花雕蛋白蒸亞拉斯加蟹(4斤)

花雕蛋白蒸亞拉斯加蟹(4斤) ~主要是為了亞拉斯加蟹而來，蟹肉唔算多，可能因為蟹殼一早剪開來蒸，不過味道香甜。

龍躉二食: 翠肉炒球

龍躉二食: 古法蒸頭腩

龍躉二食: 古法蒸頭腩 ~魚肉好滑，冇腥味，蒸得剛剛好。我覺得蒸好味過妙。

九層塔鳳尾蝦 ~蝦球新鮮彈牙。

潮蓮燒鵝

原茄泡時疏

五穀豐登飯

椰香桂花糕

平日晚上，人不多，夠晒靜。服務相當不錯，每碟都好夠份量，我們八個人食一圍 (一圍12人) ，食到飽飽，不過食唔晒。開了枝$138紅酒，最後每人$500元。

Let’s start moving ~ KFit App健身 ($499上10堂dance&yoga)

是咁的……因為近排肥咗好多，所以要開始做運動，不過就唔知join 邊間centre好，又唔咁再join 果d要簽長約嘅gym。 


昨日無意中發現有個KFit App, 只要$499一個月 (2016/9/1 開始要$699)，可以俾你係香港over 6百間centre上10堂，包括跳舞，yoga 等等。仲可以用App預約，好方便！

我主要是找荔枝角，美孚附近，都有好幾間centre 我覺得唔錯既，連蘇志威idance都有, 我一直都想上idance。

因為佢話$499只做到8月31号，下個月要$699，所以我就立即join 咗，今個月join 咗，之後都可以繼續$499。 已經book 左weekends去上yoga 同dance classes ，上左堂先再介紹。 

另外用promotion code“QKCVJ” ， 第一個月可以減$100，所以只要$399 (2016/9/1 開始$499)，之後就$499 (2016/9/1 開始$699)。 
另外要注意番，唔可以10堂去哂同一間健身公司，以idance 為例，10堂最多只可上2堂idance，其餘7堂就要上其他公司的堂，有d公司最多俾你上4堂。 



如果有興趣，您可以click下面 link: 
 https://access.kfit.com/invite/qkcvj? 

或下載KFIT app 輸入優惠代碼 “QKCVJ” ，第一個月可以減$100! 


你可以睇下面蘋果既介紹 “健身界Uber襲港 $50 1堂 600間任做”