莫斯科&聖彼得堡八天鴨仔團 Day 3 (6 July 2015 Mon) ~ 莎哥斯基古城 & 蘇聯經濟及成就展覽館

 今早出發去莫斯科郊區, 遊覽位於金環的莎哥斯基古城 (Zargosky), 車程太約一個多小時。

莎哥斯基古城是自費項目, 團費唔包的。不過其實唔會有團友唔參加, 旅行社都一樣, 唔會 expect有團友唔參加 , 所以其實旅行社大可將項目費用加入團費裡, 不用多此一舉, 到當地再收費。

莎哥斯基古城內有一組好靚的東正教聖殿建築群, 個個唔同顏色, 好特別。古城內的重點建築物為聖母升天大教堂, 聖三一修道院及一座三聖鐘樓。 

另外, 如果想在教堂內影相, 均需額外附100盧布攝影費，而且還隨票附贈一片音樂光碟。

聖塞爾吉斯（St Sergei of Radonezh）, 他是東正教徒最尊重的聖人之一, 於1345年開始興建教堂, 畫中的人就是他 。

聖母升天大教堂 ~ 4個藍色& 1個金色洋葱頭的白色建築。

一口聖泉, 相傳曾有治病之神效, 當地信徒個個都會飲聖水, 還會把聖水用樽帶走。

三聖鐘樓 ~ 現在是手信店。

莎哥斯基古城外, 有些紀念品攤檔, 價錢比較便宜, 如果要買手信, 最好在這裡買。

俄羅斯木套娃娃 ~ 200 盧布一個。

午餐在城外一間餐館食, 主菜是燉豬肉, 幾好味, 就是份量少了點!

下午回到莫斯科市中心行公園…蘇聯經濟及成就展覽館。

2015-07-25 靚太學堂：夏日「花」心思工作坊

星期六, 我參加了靚太學堂：夏日「花」心思工作坊, 同一眾靚太們學做花藝設計。

好多花花呀...我好鍾意花, 我覺得應該冇女人唔鍾意花!

今次用了上列的鮮花及多款枝葉花材。

經過導師Theresa詳盡的示範及講解, 到我地自己插一盆花。

左插插, 右插插… 

~~完成~~

莫斯科&聖彼得堡八天鴨仔團 Day 2 (5 July 2015 Sun) PM ~ 莫斯科的紅場 & 克里姆林宮

中午時份到達紅場 (Red Square), 太陽好晒, 我竟然把帽子留在旅遊巴上...嗚~嗚~嗚~皮膚晒黑了不少。

紅場周邊有許多建築物, 紅場上有個列寧墓。

聖巴索大教堂(St. Basil Cathedral) ~ 五顏綠色的東正教洋葱頭。

歷史博物館

甘姆百貨公司 (Gum Department Store) ~ 好多花花呀! 好靚呀!

甘姆百貨公司裡面

我覺得莫斯科係一個充滿色彩的地方 , 到處都會見到好多花, 建築物都好淺色, 俄羅斯人都好懂得搭配顏色。

亞歴山大花園 ~ 有換班儀式睇, 每小時換一次。

當日好熱, 好多人玩水!

紅場旁邊就是克里姆林宮(The Kremlin), 普京個辦公室就在裡面。  克里姆林宮都幾大, 裡面有幾個鐘樓和教堂, 不過遊客只可以在特定地方走動, 周圍都好多守衛 。

黃色的建築物就是普京的辦公室。

沙皇大鐘

巨炮

聖母升天教堂

今晚, 晚餐是食中餐, 講真…都幾唔好食。其實我不喜歡在外國食中餐, 一來通常唔好食, 二來去旅行應該多嘗試別國的食品, 食物都是感受生活的一種方式。

***

Next: 莫斯科&聖彼得堡八天鴨仔團 Day 3 (6 July 2015 Mon) ~ 莎哥斯基古城 & 蘇聯經濟及成就展覽館 

莫斯科&聖彼得堡八天鴨仔團 Day 2 (5 July 2015 Sun) AM ~ 莫斯科的地下皇宮

Renaissance酒店的自助早餐幾好食(因為之後日子的大陪份團餐都唔好食)，好多選擇，食飽飽就出發去博物館。

 衛國戰爭博物館 (Museum of the Great Patriotic War)

館裡有好多以油畫為背景，加上戰爭展品來重現二戰時期的俄羅斯。每幅油畫都好有意思, 我覺得這個博物館最特別的就是油畫 。

買物分享 July 2015……包括Shiseido 按摩棒

去完旅行，番香港就即刻買買買……壓抑了的購買慾終於爆發，俄羅斯真的不是shopping 的地方！

去旅行之前已經知道Shiseido出了枝limited edition 的按摩棒，回到香港立即去買。

兩個rollers 剛好fit 到下巴骨同面骨。跟圖做，每個動作做六下，每set做三次，好簡單就可以提升臉部輪廓。希望我有恆心每晚做啦！

按摩棒限量價$1215，買滿$1200重有set 護膚品送。

自己都估唔到我竟然買了對Clarks 鞋，一直認為Clarks 只適合我阿媽那個年紀的……可能我年紀都已經唔細，喜歡舒適多過靚。原價$1439 (好貴), 現特價$899，雖然特價後都唔算平。

係Bread b butter買了兩條裙，兩條裙都好colourful。 現在買兩件貨品，可以有extra 10% off! 兩條太約$1100。

又係Lowry Farm 買了條裙褲 (深藍的那條)，好扺，discount 後$169。

$1485 五盒， 共30 塊

另外去完旅行，搭完長途機後，我的皮膚又乾又爆瘡。為咗急救我的疲倦膚，我買了五盒 Fancl Moisturizing Mask, 打算晚晚都用。

香港書展2015

星期六自己一個去了書展，自己去是因為波生要上班，加上我覺得看書其實是非常個人的一件事。

二時半前已經到達灣仔MTR Station, 我見好多人係7仔先買飛 ，所以我又買。由天橋開始人迫人，條路好窄，人又多，因為人潮管制，所以要行好多路先俾你入到會場，我已經行得比較快都要行成半個鐘，好熱。

其實入到場，我覺得唔係太多人，至少行到，又未至於要人貼人地行，所以唔明點解要我地行來行去，轉幾個圈先入到場。

今次我只買了四本書，我行書展通常只會買新書，不過今年冇乜書吸引我，加上我係書展之前已經買了不少書。行了兩小時就走了，我只行了一個館。

買了yoko 這本食療書，送了枝比書價重要貴的熟抽，不過枝豉油好重！

莫斯科&聖彼得堡八天鴨仔團 Day 1 (4 July 2015 Sat) ~ 搭飛機

今日全日搭飛機，早上八時多在機場集合，搭早上十一時多的航班到莫斯科。早餐在機場食翠華，一朝早機場好多人，想在food court 揾張枱都真的不易！

由香港去莫斯科大約十個鐘頭，聽領隊講現在只有俄羅斯航空 一間航空公司去莫斯科。

指定動作。

搭十一點幾機感覺不錯，至少我頭腦清醒，我在機上大部分時間都在看戲和看書，沒花太多時間瞓覺。相比起搭夜機，身體精神疲倦，但是又瞓唔著，真的很辛苦。

俄羅斯人比較cool， 冇笑容，在航上已經可以感覺到，空姐們都好cool， 講說話都比較粗聲粗氣。不過to be fair，現在的國泰空姐們其實一樣都粗聲粗氣，笑容欠奉。

莫斯科

莫斯科機場好細，過關速度好慢，平均要分半至二分鐘辨理一個人過關，所以等了大半個鐘才入到境。

到達莫斯科市區已經是晚飯時間，今晚已經是全個旅程中最好的一餐。

晚餐的餐廳

莫斯科&聖彼得堡八天鴨仔團 (4 July to 11 July 2015) ~ 序

迷信……所以去旅行。

運程書話要我去西或北面，還要西曆七月八後回港最佳，因為時間倉猝，所以決定報團去俄羅斯。平時我們是不會在七月份去旅行，因為是旅遊旺季開始，一來人多，而且價錢又貴。

八天團首尾兩天用了搭飛機，實際只會住六晚酒店，三晚在莫斯科及三晚在聖彼得堡留宿。

團費hk$31308  (二人同行)， 另加(一定要參加的)自費節目每人US$153美金， 自費午餐每人US$12,   和旅行團服務費hk$1120 (每人每天$140)。

今次旅程二人同行的最低消費為 $31308 +( 165×7.8 + 1120 )×2 =hk$36122
(另加額外tips給領隊)

俄羅斯係香港西北方。

七月八日正是香港股市跌得最勁的日子，運程書話我最好在這日之後番香港……成件事好玄，究竟有什麼correlation 呢?

去完今次旅行，不知我下半年的運氣如何？

至少去完旅行回來，自我感覺良好，好運自然來!

波生其實十多年前已經去過俄羅斯，今次為陪我所以再去。

P.S. 其實 “一週年 ~ 英蘇之旅May 2014” 還未寫完，”巴爾幹半島四國遊“ 還未知幾時開始寫…

***

Next: 莫斯科&聖彼得堡八天鴨仔團 Day 1 (4 July 2015 Sat) ~ 搭飛機

那些年……我喜愛過的sitcom 處境喜劇

去完旅行回來，一口氣煲了五集新《愛。回家》。So far 覺得麻麻地好睇，唔太喜歡睇黃翠如同張繼聰這一pair, 比較喜歡睇張振朗 (扮chilam 好似那位) 的那幾集，有多些家庭feel，話晒都係愛回家。唔係唔鍾意黃翠如同張繼聰，只係我未入戲。

其實由細到大我都勁鍾意睇無記半小時的處境喜劇！

第一套令我要追看的是《公私三文治》，由吳鎮宇做男主角，另外有曾華倩，梅小惠和楊羚飾演他有三個妹……重有李婉華。可惜當年好細個，又未有mytv 可以番睇，阿媽根本唔俾我睇電視，我只可以隔唔中睇一兩集。 好記得曾華倩有隻好大隻的毛公仔(有兩個波波孖辮的) 放係床頭，這隻公仔我都有一隻！想當年我係玩具店見睇到同一隻公仔, 我好鍾意就叫老豆買俾我，點知佢真係買俾我。

之後係《卡拉屋企》，到現在我都覺得佢係最好睇的無記sitcom，有楚原做老豆，盧宛茵做阿媽，鄭敬基做佢阿仔，李婉華同黎海珊做兩個女。唔識講……總之勁好睇，劇情好warm又搞笑。

果時我都重未有睇電視的自由，不過當時我每日都要練琴，琴係放係間房到，而房裡有台好舊的電視機(拎制的)，我每日都會係播《卡拉屋企》的時間練，邊練邊睇…well...好明顯係睇多過練琴，廣告時間先練……哈哈哈！

《卡拉屋企》主题曲 ~ 香港新姿態

https://www.youtube.com/watch?v=BkxK72dKyPs#t=0h0m0s

之後，播咗幾年《真情》，劇情太heavy，唔算係處境喜劇。

等到真情妁終於播完，我又已經有睇電視的自由。《男親女愛》又係一very good 的處境喜劇。Do姐，黃子華，蔣志光和苑瓊丹，四個都係好戲之人，好多火花。

重有《皆大歡喜》古裝版都OK好睇，家燕組，阮兆祥，林文龍，重有當年好young&fit 嘅廖碧兒。果時覺得廖碧兒好純品，可惜佢近年形象麻麻，身型又肥。

其實我現在好少睇無記，《愛。回家》劇已經係我唯一會得閑睇下的，對此劇有一定期望！