莫斯科&聖彼得堡八天鴨仔團 Day 1 (4 July 2015 Sat) ~ 搭飛機

今日全日搭飛機，早上八時多在機場集合，搭早上十一時多的航班到莫斯科。早餐在機場食翠華，一朝早機場好多人，想在food court 揾張枱都真的不易！

由香港去莫斯科大約十個鐘頭，聽領隊講現在只有俄羅斯航空 一間航空公司去莫斯科。

指定動作。

搭十一點幾機感覺不錯，至少我頭腦清醒，我在機上大部分時間都在看戲和看書，沒花太多時間瞓覺。相比起搭夜機，身體精神疲倦，但是又瞓唔著，真的很辛苦。

俄羅斯人比較cool， 冇笑容，在航上已經可以感覺到，空姐們都好cool， 講說話都比較粗聲粗氣。不過to be fair，現在的國泰空姐們其實一樣都粗聲粗氣，笑容欠奉。

莫斯科

莫斯科機場好細，過關速度好慢，平均要分半至二分鐘辨理一個人過關，所以等了大半個鐘才入到境。

到達莫斯科市區已經是晚飯時間，今晚已經是全個旅程中最好的一餐。

晚餐的餐廳

西餐通常包括starter，湯+麵包，主菜，甜品及飲品。

三晚留宿在這間Renaissance酒店，酒店連住個shopping mall, 裡面有一間supermarket, 買零食好方便！至於手信朱古力，好彩係supermarket到買了少量，如果唔係要空手而回。事關俄羅斯完全唔係一個shopping的地方，跟團都冇時間俾你買，波生好緊張手信，佢係果種一定要買手信番office 派的人! 我就雙反，買到就派，買唔到就唔派。

莫斯科著名的品牌 ~ 紅色十月朱古力。

薯片 (心心眼) ~ 買了幾包做宵夜。

***

Next: 莫斯科&聖彼得堡八天鴨仔團 Day 2 (5 July 2015 Sun) AM ~ 莫斯科的地下皇宮