莫斯科&聖彼得堡八天鴨仔團 Day 2 (5 July 2015 Sun) AM ~ 莫斯科的地下皇宮

Renaissance酒店的自助早餐幾好食(因為之後日子的大陪份團餐都唔好食)，好多選擇，食飽飽就出發去博物館。

 衛國戰爭博物館 (Museum of the Great Patriotic War)

館裡有好多以油畫為背景，加上戰爭展品來重現二戰時期的俄羅斯。每幅油畫都好有意思, 我覺得這個博物館最特別的就是油畫 。

下一站是列寧山(Lenin Hill)，俄羅斯幾乎是大平原，列寧山已經是莫斯科市的最高點，不過其實都係好矮，係觀景台根本睇唔到成個莫斯科市。

 觀景台後面是莫斯科大學 (Moscow University)。

Lunch – 主菜件豬好唔得! 

(不過今次跟團有件事要讚，就是每餐都有枝水，唔洗好似去歐洲咁，大部分餐廳都唔提供免費水。)

午飯後，坐地鐵到紅場。莫斯科地鐵擁有全世界最靚的地鐵站, 有如去了地下皇宮。其間參觀了四個地鐵站 (唔知咩站名，唔識俄文，我只是跟著領隊走…事關這是鴨仔團)。其實其中一個最靚的地鐵站我們沒有去，那個有好多馬塞克畫的地鐵站 (波生多年前去過) ...跟團就係咁, 不過跟團有跟團的好。

地鐵站的英文站名, 是我之後上網check的。

Victory Park 地鐵站 ~  有幅庫圖佐夫壁畫

(庫圖佐夫，俄國元帥，著名將領，軍事家，1812年曾率領俄國軍隊擊退拿破崙的大軍，取得俄法戰爭的勝利。)

Prospekt Mira地鐵站 ~  有華麗水晶大吊燈 & 雕柱 ，好grand 的一個地下宮殿。

Kiyevskaya地鐵站  ~  有華麗水晶大吊燈 & 壁畫。

Kiyevskaya地鐵站的壁畫

Ploschad Revolyutsii地鐵站 ~ 我唯知道這是個站中文叫 『 革命廣場站』, 有好多雕塑。

聽說摸下隻狗個鼻會行好運, 我見到好多本地人行過都會順手摸下。 狗鼻俾人摸到好令!

摸下隻雞好似一樣會行好運, 我都有順手摸下。

*** 

Next: 莫斯科&聖彼得堡八天鴨仔團 Day 2 (5 July2015 Sun) PM ~ 莫斯科的紅場 & 克里姆林宮