莫斯科&聖彼得堡八天鴨仔團 Day 3 (6 July 2015 Mon) ~ 莎哥斯基古城 & 蘇聯經濟及成就展覽館

 今早出發去莫斯科郊區, 遊覽位於金環的莎哥斯基古城 (Zargosky), 車程太約一個多小時。

莎哥斯基古城是自費項目, 團費唔包的。不過其實唔會有團友唔參加, 旅行社都一樣, 唔會 expect有團友唔參加 , 所以其實旅行社大可將項目費用加入團費裡, 不用多此一舉, 到當地再收費。

莎哥斯基古城內有一組好靚的東正教聖殿建築群, 個個唔同顏色, 好特別。古城內的重點建築物為聖母升天大教堂, 聖三一修道院及一座三聖鐘樓。 

另外, 如果想在教堂內影相, 均需額外附100盧布攝影費，而且還隨票附贈一片音樂光碟。

聖塞爾吉斯（St Sergei of Radonezh）, 他是東正教徒最尊重的聖人之一, 於1345年開始興建教堂, 畫中的人就是他 。

聖母升天大教堂 ~ 4個藍色& 1個金色洋葱頭的白色建築。

一口聖泉, 相傳曾有治病之神效, 當地信徒個個都會飲聖水, 還會把聖水用樽帶走。

三聖鐘樓 ~ 現在是手信店。

莎哥斯基古城外, 有些紀念品攤檔, 價錢比較便宜, 如果要買手信, 最好在這裡買。

俄羅斯木套娃娃 ~ 200 盧布一個。

午餐在城外一間餐館食, 主菜是燉豬肉, 幾好味, 就是份量少了點!

下午回到莫斯科市中心行公園…蘇聯經濟及成就展覽館。

蘇聯經濟及成就展覽館是前蘇聯的重大建設, 門口已經覺得有些共產色彩, 上面有個倆個民工。不過現在是市民消閒的大型公園，園內有遊樂設施。

民族少女金噴泉 ~ 金光閃閃 。

公園內的廁所是要收費的, 一點都不便宜, 好似50-60盧布一次, 波生就幫襯了 。

今晚又是食中餐, 不過最估唔到的是...竟然去番昨晚同一間中餐館, 食一樣的餸菜。 非常唔好食, 大部份團友都唔太滿意這安排! 其實如果莫斯科的中菜館數目不多, 難以安排去別的中菜館, 我覺得大部份團友都唔會介意食西餐。 講真, 就算西餐唔好食, 大家都叫做去旅行試了新嘢。

晚上, 去了看莫斯科馬戲團。莫斯科馬戲團…我細細個就聽過lee 個名!

早幾十年, 莫斯科馬戲團常常來香港表演, 不過票價好貴, 所以我從來未係香港睇過。馬戲表演, 有好多動物,包括老虎，獅子，猴子，狗等 亦有空中飛人、雜技表演, 總次好好睇。 馬戲表演其間, 不准影相, 所以我冇影。

***

Next: 莫斯科&聖彼得堡八天鴨仔團Day4 (7 July 2015 Tue) ~  聖彼得堡