19 Oct 2023 (Thu)
酒店位置係Krupówki街的盡頭，好近馬路。食早餐的時間，我從窗向外看，見到有架的士在的士站等客，原來酒店對出就係的士站。 原本打算叫酒店幫忙 call 的士，但因為已知道出面有車，所以就唔洗麻煩人。 上車前問去巴士站收幾錢，司機開價40PLN，同前日搭都係一樣價錢。
 |
| Zakopane巴士站 |
回程搭Maxbus 公司的車， 可以上車時直接同司機購買車票，唔洗好似我咁傻傻下走去車站counter 買車票。 我哋搭9am班次的車， 車費32PLN。
 |
| 猶太英雄廣場 |
回到Karkow，今日主要去猶太人區參觀。酒店旁已經係電車站，在電車站買車票時，有個好好人的波蘭女仔教我地點買車票 。我哋就坐電車先到Ghetto Heroes Square 猶太英雄廣場。
猶太英雄廣場位於Podgroze 猶太隔離區舊址，亦都係猶太人被送往各個集中營之前聚居的地方。現在英雄廣場上擺放著70張椅子， 代表著曾經在此居住的猶太人。
 |
| 老鷹藥局Eagle Pharmacy |
廣場旁有間老鷹藥局Eagle Pharmacy ，係當年猶太隔離區中唯一營業的藥局，由波蘭人Tadeusz Pankiewicz藥師開設。在二戰期間，老闆和員工幫助了好多被隔離的猶太人逃離此地，以及提供食物、藥物和醫療援助。
藥局現時係博物館，地方不大，但就將藥局以前的樣貌展示出來。 藥局家具抽屜裡存放著不同的展覽的資訊例如展品、照片和文件，不過時間關係，我哋只係冲冲睇下。
午餐時間又到了，因為個天開始下微微雨，我哋就近近地，去了英雄廣場旁的一間餐廳食lunch，食物味道都唔錯。
飯後就步行去舒特拉的工廠，入場券是一早在Get Your Guide 買的，但當日唔算好多人，所以應該即場都應該會買到入場券。其實可以網上預早訂購入場券，但因為想訂的時段已經full 晒，所以我先要在Get Your Guide 買。
Next:
