16 Oct 2023 (Mon)
在波蘭跟了兩次導賞團，波蘭人俾我有種 “你自己要醒目”的感覺，導遊唔會數人數，一開始有講明要跟佢走，唔會等人。 總之佢會不停講，大家就要跟住行，同埋會好準時解散。
另一件令我感受深刻的事就是波蘭人的實務性格與西歐人的大愛包容性格(假大愛包容？)有著強烈對比。
 |
| 攞住枴杖的老伯伯 |
事情是咁的，我哋參加的是英交團，團友是來自五湖四海，令我印象最深刻的是一個拿着拐杖，有點行動不變的老伯伯。 佢一個人參加，雖然佢攞住枴杖，但都一樣要行得好快跟大家走。我覺得佢都好叻，自己一個人去旅行。
在參觀完1号營地最後一個地點後（gas chamber ），老伯好像沒有跟上，有個英國團友人就跟導遊說老伯不見了，要求導遊要等埋老伯先離開去第2營地。
導遊聽到後，就有點激動地回答話老伯應該係唔想跟大隊，因為大家都帶住headphone，老伯冇理由唔知道我哋行到邊度。
雖然導遊應該唔想等埋老伯， 但因為受到英國人同埋某幾個團友大愛包容的壓力，所以最後大家都等了一會，而老伯應該聽到導遊講的說話，所以就自動出現番。
而我個人認為老伯都應該想自己慢慢行，因為當我哋參觀不同座的建築物時，要上落樓梯，我見到佢要追隨着我哋的步伐，其他都有點困難。另外，要進入2号營參觀，其實只要有門票就可以自行入內參觀，唔一定要導遊帶領。
 |
| 巴士Timetable |
今日早了一個多小時已經到達集中營，而回程等巴士又等了差不多一小時，其實浪費了不少時間。 個人認為參加local tour 都係一個好選擇，可以慳番唔少等巴士的時間，因為我哋前後浪費了兩個多鐘頭等巴士#。
 |
| 飲品19PNL |
回到Karkow 市中心，今晚近近地在車站的商場食晚飯。今日天氣寒冷，而且全日都在室外活動，在2號集中營時，仲要落雨，所以大家都想先飲個熱湯。
這間餐廳價錢比較貴，例如我點的飲品要19PNL，記得昨晚的milk bar，一碟波蘭餃子都只需要19PNL(大約40幾蚊港紙)。
#巴士 Lajkonik Bus (車程約 1.5 小時)
上車站: Kraków Dworzec MDA (巴士總站 ul.Bosacka 18, Dworzec
Autobusowy) 火車總站旁
落車站: Oświęcim, Museum Auschwitz (Więźniów Oświęcimia 55)
費用：每人 20PLN
(Kraków 9:40 - Chrzanów 10:36 - Libiąż 10:50 - Oświęcim 11:05)
No comments:
Post a Comment