14 Oct 2023 (Sat)
 |
| 華沙機場 |
 |
| 個轆 |
入境好順利，但我個行李喼的其中一個轆就爛咗。好彩只爛了一個，還有三個可以用，我之後的10日行程都靠晒這三個轆。（原來行李爛咗，應該要去番航空公司counter 攞証明，冇証明係好難claim到保險。好明顯我就沒有去攞証明啦！）
 |
| 車票 |
出機場要先到華沙火車站，再由華沙坐火車到克拉科夫 Kraków。 我哋用最便宜的方式去華沙火車站，就係坐巴士，估唔到一上巴士波生就失手，俾人偷了錢包。，錢包裡面有身份証、兩張信用卡、八達通、車牌、現金等。 兩張信用卡總共俾人碌了至少16次，HSBC信用卡比較安全，俾人碌了3次之後就自動cut咗之後的交易，但東亞卡竟然可以俾人碌咗13次都未cut 卡。 所以去旅行真係唔好帶呢啲細銀行的卡，好唔安全。
波生太大意，應該係大安旨意，錢包放背囊，而搭巴士時背囊孭在後面。 我完全唔明白點解波生會覺得錢包放背囊好安全，佢以為自己去日本旅行？已經是他第二次在巴士上俾人偷錢包，上一次是在意大利！
做人老婆真係唔想好長氣，要時時刻刻都提醒個老公要小心，所以我一向都唔會提。但事後我已經提意波生下次去歐洲一定背個斜孭袋，將錢包証件放在斜孭袋而且要抱係心口。 巴士車程太約半小時就到達華沙火車站，一開始其實我是想搭的士的，但波生沒有理會我（提意大家都係坐的士，波蘭坐的士唔貴，我地之後都坐了好多次的士）。巴士非常多人，所以一定要小心財物。
 |
| 華沙火車站 |
 |
| 火車票 |
波生話落巴士發現個背囊俾人打開了，之後就發現錢包不見了。最初波生未有立即話我知，我買了火車票去Kraków後，他就話唔見了錢包。最後決定都是先到Kraków後再報警。在火車上，波生立即打電話返香港銀行cut 信用卡 ，但已經俾人用碌了10幾次。
 |
| 警署 |
第一天行程就是搭飛機，搭巴士，搭火車，用了24小時終於到達克拉科夫Kraków。到達酒店先放低行李就去報警，我哋用google search 找到最近的警署。 第一間警署的counter 職員（完全唔識英文）叫我地去另一間警署報警。去到另一間警署，警員話我哋唔識波蘭文，所以一定要有翻譯員先可以落口供，又問了我哋邊日有時間，之後幫我哋約翻譯員。警察回覆只能安排到我哋剛剛唔得閑我日子，而成個星期又只有一天有翻譯員。感覺警員只想打法我哋走，可能因為錢包是在華沙那邊俾偷，唔關這邊Kraków的事。
為了唔想耽誤行程，所以決定繼續原本安排好的行程，玩完Kraków同Zakopane 之後，回到華沙再報警。
去完警署，回到火車站的shopping mall食晚餐，波生沒有了信用卡，所以成個旅程都要靠晒我唯一一張信用卡俾錢，令到我壓力好大，我都好驚會唔見咗張卡。基本上在波蘭都是簽卡俾錢，全個旅程只唱了價值300歐羅的波蘭幣(波蘭茲羅提 (PLN))。
P.S. 因為我在香港一直都入唔到波蘭PKP網站check 火車時間同買車票，最後是到達華沙火車站才買火車票#。
#火車 EIP5306 EIP Premium Service
Depart: Warszawa Centralna 15:41
Arrive: Krakow Glowny 17:51
High-speed Pendolino train service
Previous: 2023-10 向波蘭出發 Day 1-1 向波蘭出發
No comments:
Post a Comment